Fasteignamiðstöðin Hlíðasmára 17, 201 Kópavogi sími 550 3000 er með til sölu jörðina Prestshús á Kjalarnesi landnúmer 125743. Í jarðarbókin frá 1704 telst Prestshús, Kjalarnesi hjáleigu frá Hofi. Jörðin kemst seinna meir í eigu Brautarholts og er talin í fasteignamati þess árið 1930. Búskap lauk í Prestshúsum 1946. Bæjarhús stóðu skammt frá sjávarbakka vestan við Hofsvík eða þann hluta hennar, sem er nefnd Presthúsavík. Bæjarsker heitir sker í víkinni og fellur vel yfir það. Vel nýtur útsýnis til fjalla frá Prestshúsum. Í bókinni Kjalnesingar ábúendur og saga Kjalarneshrepps segir um Prestshús að þar mun hafa verið byggt ból um langt skeið en án fastrar búsetu síðustu áratugina. Landið var nýtt undir sumarbústað og var tún í ræktun og nýtt. Prestshúsahólmar er hryggur á þaragarði, sem gengur út í Hofsvík. Þar er einkennilegur klettur í hólmanum, sem stendur eins og á fæti. Hann heitir Arnarklettur. Utan við bæ er hæð og síðar hólar, er draga nafn af býlinu. Norðan í Presthúsahæðinni er klettur í útliti eins og fiskasleggja og heitir Sleggja. Hér bjó huldufólk enda kjörnir bústaðir þess samkvæmt þjóðtrúnni. Lengra með sjó fram eru Prestshúsabjörg og -tangar. Merki býlisins að norðan móti Bakkakoti eru um Heiðvíkurlæk. Um nokkra grasnyt var að ræða og sjávargagn meðan hér var búið. Áður voru þrír sumarbústaðir í landareigninni. Akvegur liggur að Prestshúsum um Hjassa. Mjög áhugaverð eign í fögru umhverfi. m.a. óviðjafnanleg strandlengja þar sem Reykjavík blasir við. Slíkt land er almennt ekki í boði svo nærri borginni. Jörðin Prestshús Kjalarnesi sem nú tilheyrir Reykjavík er mjög áhugaverður fjárfestingarkostur. Jörðin er talin vera tæplega 28 hektarar.
Tilvísunarnúmer: 10-1313 / 20-2417.

Nánari upplýsingar á skrifstofu Fasteignamiðstöðvarinnar sími 550 3000
Sjá einnig: fasteignamidstodin.is / fasteignir.is /mbl.is/fasteignir/ fasteignamidstodin@fasteignamidstodin.is

Magnús Leópoldsson lögg. fasteignasali gsm 892 6000 magnus@fasteignamidstodin.is
Sjöfn Ólafsdóttir lögg. fasteignasali sími 550 3000 sjofn@fasteignamidstodin.is