Stakfell fasteignasala Borgartúni 30, 105 Reykjavík 5351000 - www.stakfell.is
Löggiltir fasteignasalar innan Félags fasteignasala:
Aðalheiður Karlsdóttir
Stefán Hrafn Stefánsson, hdl.
Þorlákur Ómar Einarsson
Ólafur H. Guðgeirsson

Fjólugata 1, 101 Reykjavík Tilboð

473,3 m², einbýlishús, 9 herbergi

*GEGNHEILT OG VANDAÐ HÚS Í KLASSÍSKUM STÍL Í ÞINGHOLTUNUM*
Allar upplýsingar gefur Aðalheiður Karlsdóttir, löggiltur fasteignasali. GSM 893 2495. adalheidur@stakfell.is.

STAKFELL S. 535 1000 kynnir: Sérlega glæsilegt og vandað, mikið endurnýjað 473,3 fm. einbýlishús, tvær hæðir og kjallari ásamt stórum bílskúr, vel staðsett á stórri og gróinni lóð við Fjólugötu í Þingholtunum. Fallegt útsýni, t.d. yfir Reykjavíkurtjörn. Einstök perla í hjarta Reykjavíkur.

Húsið og garðurinn var mikið endurnýjað á glæsilegan máta árið 2002 og var þá áhersla lögð á að halda í upprunalegt útlit hússins, en aðlaga það nútímakröfum um þægindi og skipulag. Húsið er í góðu viðhaldi og getur nýst sem stórt fjölskylduhús, lúxusskrifstofur, fyrir félagasamtök eða sendiráð. Einstök staðsetning.

Nánari lýsing:

1. hæð:
Falleg aðkoma er að húsinu og er útidyrahurðin endurnýjuð, en haldið var í upprunalegan útskurð eftir Ríkarð Jónsson, sem gefur innganginum virðulegt og fallegt yfirbragð. Fyrst er komið inn í rúmgott anddyri og þar á vinstri hönd er gengið inn á gestasnyrtingu en á hægri hönd er gengið inn í fremstu stofuna, arinstofuna, sem tengist vel aðalstofunni. Úr henni er falleg tenging við stóra borðstofu, vel tengdri við eldhúsið. Í borðstofunni er skemmtlegt gluggaútskot, karnap, sem skapar skemmtilegt rými. Úr anndyrinu er einnig gengið inn í holið/gang sem tengir saman rými neðri hæðar á skemmtilegan máta. Þar er gengið inn í eldhúsið á vinstri hönd. Byggt hefur verið við eldhúsið skemmilegt gluggaútskot, karnap, þar sem er rúmgóður borðkrókur með útgengi út í garðinn. Eldhúsið er með vandaðri, sérsmíðaðri innréttingu og miklu skápaplássi og góðri vinnuaðstöðu. Inn af eldhúsi er bakdyrainngangur. Úr holinu liggur virðulegur stigi upp á efri hæðina. Stiginn er upprunalegur, en hefur verið gerður upp á vandaðan máta. 
2. hæð:
Rúmgóður gangur tengir saman rými efri hæðar. Þar eru fjögur góð herbergi og tvö baðherbergi. Eitt herbergið er stórt,  með gluggaútskoti, og góðu skápaplássi. Þaðan er gentið inn á stórt og vel hannað baðherbergi með baðkeri og sturtu og útgengi út á svalir til austurs, sannkölluð hjónasvíta. Tvö önnur herbergin á þessari hæð eru rúmgóð, og eitt aðeins minna og er nú notað sem fataherbergi og er það með góðri innréttingu. Út frá því eru svalir með fallegu útsýni til vesturs. Annað vel innréttað baðherbergi er ennfremur á þessari hæð. Yfir húsinu er rúmgott háaloft, að hluta til með föstum hillum.
Kjallari:
Þrjú góð herbergi eru í kjallaranum, og auk þess köld geymsla með góðum innréttingum.Ennfremur er þar gott þvottahús, eldhús, baðherbergi og snyrting og rúmgóð geymsla.  Sérinngangur er í kjallara og væri möguleiki á að hafa þar rúmgóða séríbúð. 

Húsið er skráð 402,7 fm. íbúðarrými og 70,6 fm. bílskúr, samtals 473,3 fm. Það var allt endurnýjað frá grunni á vandaðan máta árið 2004 og var þá lögð öll áhersla á að halda í upprunalegt útlit hússins t.d. á þaki, gluggasetningu og innréttingum. Raflagnir voru endurnýjaðar og komið fyrir GIRA rofum og sérhannaðri lýsingu. Innréttingar og skápar í húsinu eru teiknaðar af Eddu Ríkharðsdóttur innanhússarkitekt og eru sérsmíðaðar í  Beyki. Skipt var um um öll gólfefni og er parketið  vandað og gegnheilt og lagt með fiskabeinsmynstri. Auk þess var skipt um allar innihurðir. Gluggar voru sérsmíðaðir samkvæmt upprunalegum teikningum, nokkrir gluggar voru síkkaðir og komið fyrir flóttaleiðum.  Nýjar steinskífur á þaki voru fluttar inn frá Noregi, og þakrennur og útiljós valin úr kopar. Útidyrahurðin var endurgerð, en upprunaleg útskurðarmynd eftir Ríkharð Jónsson varðveitt. Byggt var við húsið, eldhúsið stækkað með útgangi út í garð. Þar eru vönduð innbyggð tæki. Sérstök hitastýring var sett í geymslu í kjallara. Samtals eru fimm salerni í húsinu þar af þrjú með sturtu og tvö einnig með baðkari.

Stór tvöfaldur bílskúr með sjálfvirkum hurðaopnara er við húsið. Framan við bílskúrinn er tvöfalt upphitað bílaplan. Samtengt bílskúrnum er skemmtileg garðstofa með góðri tengingu við garðinn og auk þess rúmgóð geymsla. Garðurinn er allur endurgerður og skemmtilega hannaður af Birni Jóhannssyni landslagsarkitekt. Tengi er fyrir heitan pott og útisturtu í garðinum, pallur úr harðviði og er stór hluti af útisvæðinu upphitaður. Garðurinn býður upp á einstaka aðstöðu til útiveru og fyrir útigrill.

Hér er um einstaka eign að ræða í hjarta miðbæjarins. Vandað og virðulegt, gegnheilt fjölskylduhús í klassískum stíl með ýmsa nýtingarmöguleika. Örstutt er í miðborgina, menningu, verslanir og veitingastaði.

Nánari upplýsingar gefur Aðalheiður Karlsdóttir, löggiltur fasteignasali. GSM 893 2495. adalheidur@stakfell.is.


 

Reikna lán
  • Brunabótamat130.700.000 kr.
  • Fasteignamat144.500.000 kr.
  • Áhvílandi0 kr.
  • Skráð24. sep. 2016
  • Flettingar5674
  • Skoðendur344
  • 473,3 m²
  • Byggt 1929
  • 9 herbergi
  • Bílskúr


Senda fyrirspurn vegna Fjólugata, 101 Reykjavík

Verð:Tilboð Stærð: 402.7 m² Tegund:Einbýlishús Herbergi: 9
Captcha

* Það sem er stjörnumerkt verður að fylla út til þess að skráning verði tekin gild.

Stakfell fasteignasala

Sími: 5351000
thorlakur@stakfell.is
www.stakfell.is

Fasteignasalar innan Félags fasteignasala
Aðalheiður Karlsdóttir
Stefán Hrafn Stefánsson, hdl.
Þorlákur Ómar Einarsson
Ólafur H. Guðgeirsson

Eignin var skráð 24 september 2016
Síðast breytt 21 september 2017

Senda á vin eignina Fjólugata, 101 Reykjavík

Verð:Tilboð Stærð: 402.7 m² Tegund:Einbýlishús Herbergi: 9
Captcha

* Það sem er stjörnumerkt verður að fylla út til þess að skráning verði tekin gild.

Stakfell fasteignasala

Sími: 5351000
thorlakur@stakfell.is
http://www.stakfell.is

Fasteignasalar innan Félags fasteignasala
Aðalheiður Karlsdóttir
Stefán Hrafn Stefánsson, hdl.
Þorlákur Ómar Einarsson
Ólafur H. Guðgeirsson

Eignin var skráð 24 september 2016
Síðast breytt 21 september 2017

Senda ábendingu á Fasteignir.is

Captcha