Fasteignasalan Hákot Kirkjubraut 12 (jarðhæð)300 Akranesi 8994045 - www.hakot.is
Löggiltir fasteignasalar innan Félags fasteignasala:
Daníel Rúnar Elíasson

Akralundur 6, 300 Akranes Tilboð

0 m², fjölbýlishús, herbergi

HÁKOT fasteignasala sími: 431-4045 / 899-4045 auglýsir

*AKRALUNDUR 6 * 2ja til 4ra herbergja íbúðir í NÝBYGGINGU - Fullbúin með gólfefnum.

3 ÍBÚÐIR FRÁTEKNAR: 0101 - 0104 - 0201

Skilalýsing - Akralundur 6 á Akranesi (getur breyst er lýsing á Akralundi 4)

Almennt
Akralundur 4 er fjölbýlishús með 8 íbúðum á tveimur hæðum. Fjórar íbúðir eru á hvorri hæð. Á 1. hæð er sameiginleg geymsla fyrir húsið og er aðalrafmagnstafla fyrir húsið staðsett þar. Þar við hliðina er rými fyrir inntök á heitu og köldu vatni, ásamt tengigrindum.

Íbúðir á 1. hæð eru hannaðar á grundvelli algildrar hönnunar sbr. byggingarreglugerð nr. 112/2012. Hljóðvistarkröfur sbr. ÍST 45:2016 upp á 55 dB eru uppfylltar með 200 mm þykkum steinsteyptum veggjum milli íbúða og íbúða og sameignar. Gólfplata milli hæða er 220 mm þykk.

Íbúðir á 1. hæð hafa sérafnotarétt á lóð á suðvesturhlið. Stærð allra svæða er 3,0 x 8,55 m og eru þessi svæði þökulögð eins og önnur svæði lóðar.

Samkvæmt deilskipulagsskilmálum eru gerðar eftirfarandi kvaðir á lóðarhafa á Akralundi 4; I) Kvöð er um sameiginlega aðkomu og frágang á bílastæðum á lóð, með lóðarhafa á Akralundi 2. II) Kvöð er um göngustíg innan lóðar meðfram götu. III) Kvöð er um frísvæði fyrir lagnir í suðausturhluta lóðarinna, þ.e. milli lóða Akralundar 4 og 6.

Staðsetning hússins er í nýju hverfi sem er í uppbyggingu. Stutt er í hvers konar þjónustu, um eða innan við 10 mín. gangur. Sem dæmi þá eru um 700 m í næsta matvörumarkað og Apótek, í leikskóla við Ketilsflöt eru um 300 m og í Grundaskóla eru um 500 m. Að útivistarsvæðið í Garðalundi og að golfvelli eru um 300 m.

Frágangur húss að utan
Útveggir eru forsteyptir og einangraðir að utanverðu og klæddir hvítum álplötum RAL 9010, bæði sléttum og báruðum. Veggir við innganga í íbúðir verða klædd með bandsagaðri timburklæðningu ljósbrúnni að lit. Loft yfir inngangi á 2. hæð eru klædd með sama efni. Forsteyptar svalir og inngangsplötur eru slitin frá útveggjum með einangrun á milli þannig að hvergi myndast kuldbrú í húsinu.

Gluggar og útihurðir eru úr timbri og álklædd að utanverðu frá Velfac RIBO, sem eru CE vottaðir og með 5 ára ábyrgð frá framleiðanda. Að innan eru gluggar og útihurðir hvít að lit RAL 9010, en að utanverðu járngrá að lit RAL 7011. Allir gluggar og útihurðir eru með tvöfalt K-gler með Argon. Öryggisgler er í öllum útihurðum. Opnanlegir gluggar eru með næturstillingu og barnalæsingu.

Þakplata er steypt og er einangruð ofanfrá. Þak er klætt með PVC dúk sem festur er í þakplötu með sérstökum festingum. Þakniðurföll tengjast niðurfallsrörum sem eru sett utan á hús, en innan við álklæðningu.

Svalir eru forsteyptar og er svalagólfum skilað með pússaðri áferð. Svalahandrið eru úr galvanhúðuðu stáli og klæddar að utanverðu með sléttum álplötum járngráum að lit RAL 7011.

Inngangspallar og tröppur að íbúðum á annarri hæð eru forsteyptar og er þeim skilað með pússaðri áferð. Handrið eru úr galvanhúðuðu stáli.

Við útihurðir inn í íbúðir verða póstkassar settir utan á veggi og dyrabjölluhnappar.

Frágangur húss að innan - íbúðir
Útveggir, steyptir innveggir og loft verða sandspörtluð og máluðu í ljósum lit. Léttir veggir eru klæddir tvöföldu lagi af plötum á stálgrind, ytra lag er gips, en innri platan er spónaplata. Í grind gipsklæddra veggja er fyllt með þéttull. Gipsklæddir veggir eru spartlaðir og málaðir með ljósum lit. Í votrýmum eru notuð rakavarin efni og þar er málning gerlavarin. Veggir baðherbergja verða flísalagðir í ca 2,1 m hæð með ljósdrapplituðum vönduðum flísum.

Innihurðir eru yfirfeldar við karma og eru spónlagðar með Eik. Hurðir eru án þröskulda. Húnar eru úr burstuðu stáli.

Fataskápar í svefnherbergjum og forstofum eru spónlagðir með Eik og eru með fatahengisslám, hillum og mjúklokandi skúffum. Höldur eru úr burstuðu stáli.

Eldhúsinnrétting, bæði efri og neðri skápar eru spónlagðir með Eik. Í neðri skápum eru hálfmánagrind í hornskápum og skúffuskápar eru með mjúklokandi skúffubrautum. Við hliðina á skáp undir eldhúsvaski er op í innréttingu fyrir uppþvottavél. Borðplata er plastlögð með dökkum lit. Efri skápar eru með hillum. Undir efri skápum eru ljósakappi spónlagður með Eik. Allar höldur í eldhúsinnréttingum eru úr burstuðu stáli.
Raftæki í eldhúsinnréttingu eru SIEMENS frá Smith & Norland með stáláferð. Keramic helluborð samtengjalegt ofni fyrir neðan og gufugleypir. Bakvið ljósakappa eru ljós frágengin.
Í eldhúsi er eldhúsvaskur úr stáli, með plötu til hliðar og vönduðu einnar handa hitastýrðu blöndunartæki.

Sólbekkir eru við alla glugga nema í baðherbergjum og eru plastlagðir með hvítum lit.

Í baðherbergi er innrétting, bæði efri og neðri skápar sem eru spónlagðir með Eik. Hillur eru í efri skápum. Höldur eru úr burstuðu stáli. Hreinlætistæki í baðherbergi eru upphengt vatnssalerni með hæglokandi setu. Handlaug úr hvítu postulíni í borði með vönduðu einnar handa hitastýrðu blöndunartæki. Sturta er með niðurfalli beint í gólf og skilrúmi úr hertu öryggisgleri. Hitastýrð blöndunartæki eru utanáliggjandi af vandaðri gerð.

Í þvottaherbergi er einfaldur stálvaskur festur á vegg með blöndunartækjum. Tengingar fyrir þvottavél og þurrkara eru þar sem og í baðherbergjum íbúða nr 0102 og 0103.

Sólbekkir eru við alla glugga nema í baðherbergjum og eru plastlagðir með hvítum lit.

Gólf verða fullfrágengin. Í anddyri, baðherbergi, geymslu og þvottaherbergi verða gólf flísalögð með gráleitum vönduðum flísum. Önnur rými verða lögð harðparketti 8 mm með eikaráferð. Undirlag verður með a.m.k. 24 dB hljóðdempun og gólflistar verða með eikaráferð.
Tegund harðparketts sem viðmið er; Harðparkett NEVADA EIK 192x1285 mm. 8 mm planka harðparkett með V-nót. Hörkustuðull AC4/32.

Læsanlegur lyfjaskápur, reykskynjari og slökkvitæki fylgja hverri íbúð.

Frágangur húss að innan - sameign
Spartlað er í nagla- og skrúfugöt steyptra veggja og lofta og málað í ljósum lit. Gólf eru lögð Topp 4000 gólfefni með húlkíllista sem nær ca 7 cm upp á veggi.

Hita- neysluvatns- og loftræstikerfi
Í húsinu er sameiginlegt hitakerfi og er upphitun íbúða og sameignar gerð með ofnum og hitastýrðum ofnlokum. Heitt neysluvatn er upphitað kalt vatn með forhitara/varmaskipti og er hámarkshiti inn á kerfið 65°C sbr. byggingarreglugerð. Vélræn loftræsting er úr baðherbergjum, þvottaherbergjum 3ja og 4ra herbergja íbúða. Lagnaefni er REHAU og eru allar lagnir að mestu staðsettar í gólfi þ.e. rör í rör kerfi og þar til gerðum lagnastokkum/veggjum.


Raflagnir
Rofar og tenglar eru í samræmi við raflagnateikningar. Allt raflagnaefni er af tegundinni BERKER S1 glans. Nettenglar fyrir sjónvarp og síma eru í öllum herbergjum og í stofum. Ljósleiðarastrengur ídreginn inn í smáspennuskáp í íbúðum.

Ljós eru undir efri skápum í eldhúsi og LED lampar eru í lofti á WC og þvottahúsi. Útiljós er á svölum og við útidyr. LED lampi er í loft í inntaksrými og geymslu.

Ídráttarrör eru lögð frá frá inntaksrými að bílastæði á lóð. Annars vegar fyrir hugsanlegan hleðslupolla rafmagnsbíla og fyrir hugsanlega ljósastaura.

Dyrabjölluhnappur verður við hverja útihurð inn í íbúðir.

Frágangur lóðar
Lóð hússins verður frágengin með grasþökum. Bílastæði eru 10 innan lóðar og 6 stæði eru við götu. Eitt bílastæði á lóð verður sérmerkt fyrir fatlaða. Bílastæði verða malbikuð. Að inngangi hússins frá bílastæðum og við sorpgeymslu verður steypt stétt með snjóbræðslulögn undir. Svæði framan við útihurðir inn í íbúðir á 1. hæð vera hellulögð.

Sorp
Ílát fyrir sorp verða í sérstöku skýli utanhúss við aðkomu að húsi. Þau verða steinsteypt og máluð.

Afhendingartími lok 2018.

NÁNARI UPPLÝSINGAR: Daníel 899-4045 / 431-4045 - hakot@hakot.is
Allar upplýsingar í söluyfirlitinu eru fengnar hjá seljendum og úr opinberum gögnum.


Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum.
Því vill Fasteignasalan Hákot benda væntanlegum kaupendur að kynna sér vel ástand eignarinnar
fyrir kauptilboðsgerð og leita til þar til bærra sérfræðinga um nánari skoðun ef með þarf.


Gjöld sem kaupandi þarf að greiða vegna kaupanna:

Stimpilgjald af kaupsamningi - 0,8% af heildar fasteignamati / 1,6% hjá lögaðilum / 0,4% vegna fyrstu kaupa einstaklinga. Stimpilgjald af veðskuldabréfi - 0 kr Þinglýsingargjald af kaupsamn., skuldabréfi, veðleyfi o.fl. - kr. 2.000 af hverju skjali. Lántökugjald lánastofnunar - samkvæmt gjaldskrá Umsýslugjald til fasteignasölu, sbr. kauptilboð.

Reikna lán
  • Brunabótamat0 kr.
  • Fasteignamat0 kr.
  • Áhvílandi0 kr.
  • Skráð14. nóv. 2017
  • Flettingar296
  • Skoðendur261
  • 0 m²
  • Byggt 2018
  • herbergi
  • 1 baðherbergi
  • Sérinngangur
  • Suðursvalir
  • Garður
  • Þvottahús
Daníel Rúnar Elíasson löggiltur fasteignasali í Félagi fasteignasala


Senda fyrirspurn vegna Akralundur, 300 Akranes

Verð:Tilboð Stærð: 0 m² Tegund:Fjölbýlishús Herbergi:
Captcha

* Það sem er stjörnumerkt verður að fylla út til þess að skráning verði tekin gild.

Fasteignasalan Hákot

Sími: 8994045
hakot@hakot.is
www.hakot.is

Fasteignasalar innan Félags fasteignasala
Daníel Rúnar Elíasson

Eignin var skráð 14 nóvember 2017
Síðast breytt 16 nóvember 2017

Senda á vin eignina Akralundur, 300 Akranes

Verð:Tilboð Stærð: 0 m² Tegund:Fjölbýlishús Herbergi:
Captcha

* Það sem er stjörnumerkt verður að fylla út til þess að skráning verði tekin gild.

Fasteignasalan Hákot

Sími: 8994045
hakot@hakot.is
http://www.hakot.is

Fasteignasalar innan Félags fasteignasala
Daníel Rúnar Elíasson

Eignin var skráð 14 nóvember 2017
Síðast breytt 16 nóvember 2017

Senda ábendingu á Fasteignir.is

Captcha