Höfðaberg fasteignasala s: 588-7925 kynnir:
Mararbraut 7 íb. 101, Húsavík

Þriggja herbergja sérhæð í tvíbýlishúsi.
Um er að ræða 139 fm, þriggja herbergja neðri sérhæð með sérinngangi miðsvæðis á Húsavík.
Húsið er steinhús, byggt 1955, málað að utan og með viðargluggum. Aðalinngangur er frá götu og dyr út á steypta stétt sunnan megin. Tvö bílastæði eru sameiginleg með efri og neðri hæð.
Íbúðin er þriggja herbergja og 139 fm, þar af er 23,5 fm geymsla/inntaksrými í kjallara.
Íbúðin skiptist í tvö svefnherbergi, hol, stofu, eldhús, herbergisgang og baðherbergi, auk geymslu í kjallara. Parket er á stofu, holi og vinnuherbergi, spónaparket á hjónaherbergi, flísar á forstofu, eldhúsi og baði, en teppi á svefnherbergisgangi.
Gengið er inn í flísalagða, rúmgóða forstofu. Úr forstofu er á aðra hönd gengið inn svefnherbergisgang en inn í eldhús á hina. Inn af ganginum er rúmgott hjónaherbergi með nýjum, stórum hornglugga. Gegnt hjónaherberginu er rúmgott baðherbergi með flísum á gólfi og steyptum sturtuklefa sem gengið er niður í. Aðstaða og tengi er fyrir þvottavél á baði. Engar fastar innréttingar eru á baðherbergi og veggir og sturtuklefi eru málaðir. Á hægri hönd úr forstofu er gengið inn í eldhús sem er með nýlegum flísum á gólfi og hvítum innréttingum. Úr eldhúskrók er gengið annars vegar niður í parketlagða stofu með góðri lofthæð og miklum gluggum og hins vegar inn í lítið svefnherbergi sem einnig má nota sem vinnurými. Útgengt er úr því rými á steypta stétt með nýjum skjólveggjum.
Gróin 580 fm lóð, með trjám og grasflötum er fyrir aftan húsið og er sameiginleg með efri hæðinni.
Húsið er miðsvæðis , við eina af aðalgötum Húsavíkur. Mjög flott útsýni er yfir hafnarsvæðið, flóann og yfir á Kinnarfjöll. Þetta er eign sem býður upp á mikla möguleika.

Kaupendur athugið - umsýslugjald sem kaupendur greiða, verði af kaupum, til Höfðabergs ehf., er 43.400kr. með virðisaukaskatti.