NÁNARI LÝSING: Komið er inn í anddyri með skápum. Svefnherbergin eru þrjú í aðalhúsi og er eitt þeirra með fataskápum en á ganginum eru fataskápar fyrir hin herbergin. Baðherbergið er sérlega vandað með fallegri innréttingu, góðum skápum, upphengdu salerni og tvöfaldri sturtu. Öll blöndunartæki eru af vandaðri gerð og eru frá Vola. Eldhús er með fallegri eikarinnréttingu, granít borðplötum, keramik helluborði og innbyggðri uppþvottavél. Opið er frá eldhúsi inn í borðstofuna. Borðstofa og stofa eru samliggjandi og eru mjög rúmgóðar með gólfsíðum gluggum með stórbrotnu útsýni yfir Þingvallavatn og fjallgarðinn norðan vatnsins. Þvotthús er inn af eldhúsi og er það rúmgott og þar er einnig auka inngangur. Allar innréttingar eru úr eik og eru mjög vandaðar og teiknaðar af Rut Kára. Gestahúsið er frístandandi og skiptist í anddyri með skápum, stofu/svefnherbergi og bað inn af því með tvöfaldri sturtu og upphengdu salerni. Norðan megin við húsið er hellulagt bílaplan og um 100 fm pallur er sunnan megin við húsið. Tölvustýring er á gólfhita sem og lýsingu. Lýsing í húsunum er hönnuð af Lúmex og öll ljós eru þaðan.Flísar eru á gestahúsi, baðherbergjum, þvottahúsi og anddyri en fallegt gegnheilt olíuborið eikarparket á öðrum gólfum.

Húsið stendur á eignarlóð sem er 8.200 fm og búið er að gróðursetja mikið af trjám á lóðinni.Húsið stendur á steyptri plötu, allir gluggar úr áli og húsið er klætt með álklæðningu. Allir veggir að innan eru gipsklæddir.
Það tekur einungis 30 mínútur að keyra í Skálabrekku frá Reykjavík. Aðgangur að veiði í Þingvallavatni.

Nánari upplýsingar veitir: Jason Kristinn Ólafsson s. 775 1515 - jassi@miklaborg.is  löggiltur fasteignasali.