Dalsbraut 32-36 eru 2ja hæða hús, hvert með 15 íbúðum, sbr. teikningar arkitekta. Stærð íbúða er frá 55,2 fm upp í 74,7 fm. Í hverri byggingunni eru kaldir stigagangar með inngöngum beint inn í íbúðirnar. Stórar svalir fylgja íbúðum á 2. hæð sem heimilt er að loka með svalalokun í sama stíl og handriðið að fengnu samþykki byggingafulltrúa. Séreignargarður fylgir flestum íbúðum á 1. hæð sem heimilt er að stúka af með girðingu í samræmi við teikningu arkitekta. Geymslur á jarðhæð fylgja öllum íbúðum nema næst minnstu íbúðagerðinni. Geymsla á þeim íbúðum verður uppfyllt með geymsluskáp innan íbúðar. Góð hljóðeinangrun er á milli íbúða en plötur milli íbúða eru 22 cm og veggir 20 cm sem gefur aukna hljóðeinangrun. Vínil parket til að draga úr hljóðum frá gólfefni. Húsin standa á stórri lóð, með fjölda bílastæða og hleðslustöðvum fyrir rafmagnsbíla.

Að innan eru allar íbúðir fullfrágengnar með sérsmíðuðum innréttingum, fullmálaðar og með hágæða vínylparketi frá Tarkett, 5 mmm með áföstum hljóðdúk ásamt hvítum gólflistum. Eldhúsinnréttingar eru gráar að lit með kvarts borðplötum og vönduðum eldhústækjum frá Blanco. Baðinnréttingar eru einnig með kvarts steini og blöndunartækjum frá Grohe. Á gólfum inni á baði eru 60x60 Rako Betonic flísar frá Álfaborg. Innihurðar eru staðlaðar yfirfelldar hvítar að lit.

Um er að ræða vel skipulagðar íbúðir í litlum fjölbýlishúsum. Stutt er í alla þjónustu að Fitjum. Stapaskóli, einn glæsilegasti leik- og grunnskóli landsins er í þessu blómlega hverfi, steinsnar frá íbúðunum. Falleg náttúra er allt um kring og stutt er í ýmiss konar útivistarmöguleika.

Dalshverfið er sá hluti Njarðvíkur sem liggur næst höfuðborgarsvæðinu. fyrirhuguð er mikil uppbygging á svæðinu og ber þar hæst að nefna nýja bygging Stapaskóla sem er heildstæður skóli, sem felur í sér leikskóla, grunnskóla, tónlistarskóla, frístundaskóla og félagsmiðstöð.

Kaupandi eignarinnar greiðir skipulagsgjald þegar það verður lagt sem er 0,3% af endanlegu brunabótamati eignarinna.

Byggingaraðili

Miðbæjareignir ehf. er húsbyggjandi og ábyrgðaraðli verksins en öll framkvæmd er í höndum Asista verktaka ehf. sem starfar á húsbyggingamarkaði.

Allar nánari upplýsingar gefa eftirfarandi löggiltir fasteignasalar:

Nánari upplýsingar veita starfsmenn Stuðlabergs í síma 420-4000 eða á tölvupósti studlaberg@studlaberg.is