Fasteignasala Akureyrar ehf Skipagötu 1, 600 Akureyri 4605151 - fastak.is
Löggiltir fasteignasalar innan Félags fasteignasala:
Arnar Guðmundsson
Svala Jónsdóttir
Friðrik Einar Sigþórsson

Matthíasarhagi 7, 600 Akureyri 92.500.000 kr.

149,9 m², einbýlishús, 3 herbergi

Matthíasarhagi 7
Glæsileg 3-4 herbergja einbýlishús á einni hæð í Hagahverfi. Húsið er 150 m2 ásamt 40 m2 bílskýli.  Einstaklega fallega hönnuð hús. Loftskiptikerfi er í húsunum. Lagt er fyrir heitum potti á verönd.
Afhending er Vetur/Vor 2022.
Einbýlishúsin eru samtals 8 í 2 götum. Húsin eru nútímaleg, björt og vel skipulögð. Húsunum fylgir bílskýli.  Í næsta nágrenni eru framhaldsskólar, grunnskóli, leikskóli, sjúkrahúsið, verslunin Bónus, golfvöllur og frábærar gönguleiðir.  Einbýlishúsunum verður skilað fullfrágengnum með steyptu bílaplani, stétt og verönd. Lóð verður þökulögð og með perlumöl.
Áætlaður afhendingartími er Vetur/Vor 2022.
Frágangur utanhúss
Húsin skilast fullbúin að utan. Burðarvirki húsanna er úr krosslímdum timbureiningum (CLT) frá
Binderholz í Austurríki. Að utan eru CLT einingarnar klæddar vatnsheldum öndurnardúk, einangraðar með steinull og utanhússklæðningu úr áli.
Klæðning:  Húsin verða klædd með lituðu áli og timbri, lóðrétt að mestu leyti. Sambland af timbri/gleri eða sambærilegum efnum eru í hliðum í bílskýli.
Þak:  Þakplata er úr timbureiningum sem á er bræddur vatnsheldur asfaltdúkur, einangruð með steinull með vatnshalla og tveimur lögum af bræddum asfaltdúk. Þakniðurföll verða með hitaþræði.
Gluggar og útihurðir:  Ál/tré glugga- og hurðakerfið í húsinu er frá Velfac í Danmörku. Gluggar eru hefðbundnir ál/trégluggar með tvöföldu einangrunargleri. Gluggar eru settir í eftirá. Gluggar og útihurðir eru álklæddir að utan í dökkum lit og hvítir að innan.
Verönd:  Verönd er steypt með niðurfalli, útiljósum og rafmagnstenglum. Burðarvirki skjólveggja er úr málmi og timbri. Skjólveggir verða klæddir með timbri, málmi eða sambærilegum efnum.  Gert er ráð fyrir að kaupendur geti sett heitan pott á verönd (það verður ídráttarrör fyrir vatnslagnir, rafmagn, niðurfall). Norðan við húsin, skv. teikningum arkitekts, verða til staðar lagnaleiðir við útvegg til síðari notkunar/hönnunar hjá kaupendum.
Lóð:  Lóð umhverfis hús er graslögð/perlumöl þar sem við á. Seljanda ber ekki að skila lóð fullfrágenginni á sama tíma og afhent er. 
Bílastæði/bílskýli:  Tvö steypt bílastæði fylgja húsinu. Gert er ráð fyrir að hægt verði að koma fyrir hleðslustöð fyrir rafbíla.  Í bílskýli eru útiljós og rafmagnstengill.
Frágangur innanhúss
Húsunum verður skilað með handslökkvitæki, reykskynjurum og lyfjaskáp.
Gólf:  Gólfin eru steypt með ísteyptri hitalögn. Harðparket frá Agli Árnasyni með hljóðdempunar
undirlagi er á gólfum, flísar eru á gólfum baðherbergja/þvottahúss frá sama söluaðila.
Veggir:  Innveggir úr CLT eru klæddir með gipsi, spartlaðir og málaðir og innveggir úr blikkstoðum eru klæddir með gipsi og krossvið og eru spartlaðir og málaðir. Veggir eru málaðir í ljósum lit.  Baðherbergisveggir eru flísalagðir eða málaðir.
Loft:  Loft eru niðurtekin, spörtluð og máluð í ljósum lit. Loft í alrými verða að hluta klædd með
hljóðdempunarefni.
Innihurðir:  Hurðar eru læsanlegar og hurðarhúnar er úr burstuðu stáli eða sambærilegu. Innihurðir eru yfirfelldar, hvítsprautaðar með hefðbundnum hurðarkörmum.
Eldhús:  Eldhús er fullbúið með vönduðum tækjum frá viðurkenndum framleiðanda, þar með talið spanhelluborði með innbyggðum gufugleypi, veggofni með kjöthitamæli og sjálfvirkum
hreinsibúnaði, innbyggðum ísskáp og uppþvottavél. Stálvaskur er í borðplötu. Eldhúsinnrétting er frá GKS en framleiðandinn er þýska fyrirtækið Nobilia. Eldhúsinnréttingin er með
mjúklokunarbúnaði og borðplötur eru úr steinefnum.
Baðherbergi: Gólf eru flísalögð. Veggir eru flísalagðir eða málaðir. Innrétting er frá GKS en framleiðandinn er þýska fyrirtækið Nobilia. Hvít postulínstæki eru á baðherbergjum og  salerni eru vegghengd með innbyggðum vatnskassa. Sturtugólf er einhalla með glervegg. Blöndunartæki á baði eru hitastýrð einnar handar blöndunartæki. Lýsing er í lofti. Borðplata er úr steinefnum.
Þvottaherbergi/inngangur:  Gólf eru flísalögð. Veggir eru málaðir. Innrétting er frá GKS en framleiðandinn er þýska fyrirtækið Nobilia. Gert er ráð fyrir kaupendur notist við þurrkara með rakaþétti. Skolvaskur og blöndunartæki er í innréttingu. Lýsing er í lofti. Borðplata er úr plastefni.
Hreinlætistæki:  Hreinlætis- og blöndunartæki eru frá Tengi, af viðurkenndri gerð.
Svefnherbergi:  Vel skipulagður fataskápur/skápar er í svefnherbergjum sbr. innréttingateikningar. Fataskápar eru íslensk sérsmíði frá GKS með mjúklokunarbúnaði.
Gangur og forstofa:  Geymsluskápar á gangi og innrétting/hengi í forstofu er sbr. innréttingateikningar kemur frá GKS.
Fjölskylduherbergi:  Sjónvarpsskenkur er sbr. innréttingateikningar.
Geymsla:  Gólf eru flísalögð. Loftskiptakerfi og inntök eru staðsett í geymslu. CLT innveggir eru bæsaðir með ljósum lit.
Rafkerfi
Rofar og tenglar:  Rofar og tenglar (fyrir rafmagn, tölvu/síma og loftnet) eru settir upp í samræmi við raflagnateikningar. Lýsing er við innganga og bílskýli með tímarofa og/eða hreyfiskynjara eða sambærilegum búnaði. Dyrabjalla og póstlúga er staðsett við aðalinngang.
Ljósleiðari:  Inntak fyrir ljósleiðara verður í húsinu en eftir verður að tengja og ganga frá endabúnaði þjónustuveitu (Míla eða Tengir) sem kaupandi gengur sjálfur frá.
Ljós: Húsunum er skilað með innfelldri lýsingu frá Rafkaup eða sambærilegum aðila. Ljós eru dimmanleg.  Ljósakúpull er í geymslu.
Loftræsti- hita- og neyslukerfi
Gólfhitakerfi er í húsunum. Á baðherbergjum og í þvottahúsi eru handklæðaofnar. Neysluvatnskerfi:  Er með millihitara. (Með því að hita upp kalt vatn með hitaveituvatni má halda kísil og öðrum steinefnum í lágmarki).  Bílastæði, stétt og verönd eru með snjóbræðslu. Vélrænt loftskiptikerfi sér um að hita upp ferskt loft með útkastslofti. Rekstrakostnaður hitunar
gæti lækkað og einnig minnkar ryk innandyra verulega með tilkomu þessa kerfis og heilnæmi andrúmslofts eykst. Útsog er tekið úr öllum rýmum hússins. Innloftsstútar eru í alrými og
svefnherbergjum.  
Sorp
Sorptunnuskýli með hurðum fyrir tvær tunnur.
Til áréttingar
Lýsingu þessari er ekki ætlað að vera tæmandi um einstök atriði.  Seljandi áskilur sér allan rétt til að gera efnis-, útlits- og/eða tæknilegar breytingar meðan á byggingarframkvæmdum stendur. Skilalýsing þess kann að breytast á verktímanum og samþykkir kaupandi það með undirskrift sinni við kauptilboð.
Kaupanda er bent á að kynna sér eftirfarandi atriði vel:
• Að það gæti þurft að hreinsa sigti á blöndunartækjum nokkrum sinnum eftir að flutt er inn í íbúðina og fylgjast skipulega með niðurföllum í þvottahúsi/baði og úti. Gæta þarf sérstaklega að
ekki frjósi í niðurföllum.
• Nauðsynlegt er að smyrja lamir á opnanlegum fögum og svalahurðum svo þau festist ekki.
• Inngangshurðum verður að fylgjast vel með og umgangast þannig að engar þvinganir verði við umgang. Reglulegt viðhald er nauðsynlegt.
• Varast ber að setja plastfilmu eða merkingu á gler eða setja gardínur þétt að gleri vegna rakamyndunar og/eða sprunguhættu.
• Kaupendur gera sér grein fyrir að í lagnarými/þvottahúsi geta verið lagnir í loftum og á veggjum sem nauðsynlegar eru vegna lagnaleiða hússins.
• Seljandi ber ekki ábyrgð á eðlilegri og venjulegri sprungumyndun í múr, steypu og timbri. Gera má ráð fyrir því að kaupandi þurfi að endurmála eftir nokkurn tíma þegar byggingin, þ.e. það
byggingarefni sem í henni er hefur náð stöðugu ástandi.
• Í nýbyggingum er mikill raki sem mun hverfa á 1-2 árum. Nauðsynlegt er að útloftun sé góð og mikilvægt er að fylgjast með vatnsmyndun (dögg) innan á gleri.
• Bent er á að hugsanlega þurfi kaupendur að láta framkvæma fínstillingu á vélrænu loftræstikerfi og á hita- og vatnsstýrikerfi hússins eftir afhendingu.
Fasteignirnar eru afhentar þrifnar en nauðsynlegt er, samt sem áður, fyrir kaupanda að framkvæma sjálfur lokaþrif áður en hann flytur inn.
Skilalýsing þessi er hluti af kaupsamningi fasteignar. Upplýsingar og myndefni í skilalýsingu geta breyst á byggingartíma. Allt efni og teiknaðar þrívíddarmyndir á heimasíðu eru birtar með fyrirvara um hugsanlegar villur. Með þrívíddarmyndum er reynt að gefa eins góða mynd og hægt er. Ef texta byggingarlýsingar og skilalýsingar ber ekki saman gildir byggingarlýsing.
Nokkru fyrir afhendingu skal kaupandi skoða fasteignina ítarlega. Ef einhverjir ágallar finnast skal kaupandi, áður en hann flytur inn undirrita staðfestingu á afhendingu
fasteignar. Séu einhverjir ágallar á fasteigninni skal það koma fram á umræddri staðfestingu. Seljandi mun þá leitast við að lagfæra þá ágalla áður en kaupandi flytur inn.
Kaupandi greiðir skipulagsgjald þegar brunabótamat hefur verið lagt á eignina
 

Allar frekari upplýsingar veita
Arnar  773 5100  arnar@fastak.is
Friðrik 773 5115  fridrik@fastak.is
Svala  663 5260  svala@fastak.is

Sýna alla lýsingu
Reikna lán
  • Brunabótamat0 kr.
  • Fasteignamat39.400.000 kr.
  • Áhvílandi0 kr.
  • Skráð 8. des. 2021
  • Flettingar589
  • Skoðendur544
  • 149,9 m²
  • Byggt 2021
  • 3 herbergi
  • 2 baðherbergi
  • 2 svefnherbergi
  • Laus strax
  • Útsýni
  • Þvottahús

Lánareiknir: 92.500.000 kr. ásett verð
Veljið upphæð útborgunar og lánstíma í árum.
Lántaka: 74.000.000 kr.
Fyrsta eign:
Útborgun: 18.500.000 kr.
Lánstími: 40 ár


Senda fyrirspurn vegna Matthíasarhagi, 600 Akureyri

Verð:92.500.000 kr. Stærð: 149.9 m² Tegund:Einbýli Herbergi: 3
Captcha

* Það sem er stjörnumerkt verður að fylla út til þess að skráning verði tekin gild.

Fasteignasala Akureyrar ehf

Sími: 4605151
fastak@fastak.is
fastak.is

Fasteignasalar innan Félags fasteignasala
Arnar Guðmundsson
Svala Jónsdóttir
Friðrik Einar Sigþórsson

Eignin var skráð 8 desember 2021
Síðast breytt 9 desember 2021

Senda á vin eignina Matthíasarhagi, 600 Akureyri

Verð:0 kr. Stærð: 149.9 m² Tegund:Einbýli Herbergi: 3
Captcha

* Það sem er stjörnumerkt verður að fylla út til þess að skráning verði tekin gild.

Fasteignasala Akureyrar ehf

Sími: 4605151
fastak@fastak.is
http://fastak.is

Fasteignasalar innan Félags fasteignasala
Arnar Guðmundsson
Svala Jónsdóttir
Friðrik Einar Sigþórsson

Eignin var skráð 8 desember 2021
Síðast breytt 9 desember 2021

Senda ábendingu á Fasteignir.is

Captcha

Nýtt! Náðu í appið fyrir iPhone símann þinn.

Fasteignir.is

Available in the App Store