Eignin er seld og er í fjármögnunarferli.

Lind fasteignasala kynnir til sölu fallega og vel skipulagða 137,0 fermetra 4ra herbergja íbúð á 2. hæð á eftirsóttum og fjölskylduvænum stað við Álakvísl 15 í Reykjavík. Íbúðin sjálf er skráð 106,0 fermetrar og bílastæði í bílageymslu er skráð 30,5 fermetrar. Þrjú góð svefnherbergi eru staðsett á efri hæð. Gestasnyrting á neðri hæð og baðherbergi á efri hæð. Stór stofa sem nýtist sem borðstofa og stofa. Góðar skjólgóðar vestursvalir frá stofu. Þvottaaðstaða haganlega komið fyrir við baðherbergið á efri hæð. Gott geymsluloft fyrir ofan hol efri hæðar (einhverjar íbúðir í hverfinu breytt aðgengi og nýtt sem herbergi) með fellistiga og sérgeymslu inn af bílageymslu.

Nánari lýsing:
Aðalhæð:
Forstofa: Með flísum á gólfi. 
Hol: Með parketi á gólfi og skápum.
Gestasnyrting: Með flísum á gólfi og á veggjum. Upphengt salerni, innrétting við vask og útloftun.
Eldhús: Með flísum á gólfi og ljósri viðar eldhúsinnréttingu. Stál eldavél með keramik helluborði. Flísar á milli skápa og tengi fyrir uppþvottavél. Gluggar til austurs og borðkrókur.
Stofa: Er rúmgóð með parketi á gólfi. Stofa rúmar vel setustofu og borðstofu. Gluggar til vesturs og útgengi á svalir.
Svalir: Snúa til vesturs.
Efri hæð: Viðarstigi er á milli hæða með kókosteppi. Hluti efri hæðar er undir súð og því er gólfflötur stærri en uppgefnir fermetrar.
Hol: Með dúk á gólfi og skápum. Gengið í geymsluloft um fellistiga frá holi.
Hjónaherbergi: Með dúk á gólfi, góðum skápum og Velux þakglugga til vesturs.
Svefnherbergi II: Með dúk á gólfi og Velux þakglugga til vesturs.
Svefnherbergi III: Með dúk á gólfi og Velux þakglugga til austurs.
Baðherbergi: Með flísum á gólfi og á veggjum. Flísalögð sturta, baðkar með sturtutækjum, innrétting við vask og handklæðaofn. Upphengt salerni, skápur, tengi fyrir þvottavél/þurrkara og Velux þakgluggi til austurs.
Geymsluloft: Er staðsett fyrir ofan hol efri hæðar. Fellistigi og um 185cm upp í mæni. Rafmagn og einangrað loft.

Bílastæði í bílakjallara: Er skráð 30,5 fermetrar skv. fasteignaskrá. Staðsett í lokuðum bílakjallara. Möguleiki er að tengja rafhleðslu við bílastæði í bílakjallara. Öryggismyndavél er staðsett í bílakjallara og þrifaðstaða. Nýlega er búið að skipta um glugga í bílakjallara.

Sérgeymsla: Er staðsett inn af bílakjallara.
Sameiginleg geymsla: Er staðsett í sameign jarðhæðar sem nýtist sem hjóla- og vagnageymsla og undir garðverkfæri.

Lóðin: Er frágengin. Tyrfð lóð með fallegum gróðri á lóðarmörkum. Steypt stétt fyrir framan hús.

Staðsetning eignarinnar er virkilega góð á eftirsóttum stað við Álakvísl í Reykjavík þaðan sem stutt er m.a. í leikskóla, grunnskóla og alla verslun og þjónustu. Stutt er í helstu stofnæðar frá hverfinu. Fallegar hjóla- og gönguleiðir í útivistarparadís við Elliðaárdalinn.

Allar nánari upplýsingar veitir Heimir Hallgrímsson lögg. fasteignasali og lögmaður í síma 849-0672 eða á netfanginu heimir@fastlind.is