Um er að ræða séreignarhluta í kjallara í húseigninni að Birkimel 10A, merktur 00-01 með Fasteignanúmer F2027509. Eignin er skráð tvö íbúðarherbergi í kjallara, rými 00.01, 16,1 fm.

Eigninni fylgir hlutdeild í sameign sem er 1) Stigagangur með sorprennu, 2) Gangar og anddyri, 3) Önnur sameiginleg herbergi í kjallara, 4) Tröppur. Húsið að Birkimel 10, 10A og 10B er fallegt 4ra hæða fjöleignarhús, með inndreginni 5. hæð á þakhæð hússins. Húsið er steinað að utan og almennt séð í góðu ástandi og viðhaldi að sjá. Fágengin lóð og malbikuð bílastæði. Farið var í talsvert mikið utanhússviðhald sem stóð yfir frá maí-nóv. 2022.

Nánari lýsing: Komið er á sameiginlegan teppalagðan stigagang frá anddyri. Gengið er niður í kjallarann og á sameignargang á hægri hönd. Þar eru tvö jafnstór herbergi, samtals 16,1 fm., skráð Íbúðarherbergi skv. fasteignayfirliti og veðbandayfirliti. Herbergin hafa lengst af verið nýtt til létts atvinnurekstrar núverandi eiganda og eru þau með aðgangi að sameiginlegri snyrtingu sem er staðsett rétt til móts við herbergin. Á sameignarganginum eru einnig geymslur nokkurra íbúða, sameiginlegt þvottahús (hver með sína vél), sameiginlegt þurrkherbergi og sameiginleg hjóla- og vagnageymsla með bakútgangi á suðurlóðina.

Annað herbergið er teppalagt og með skáp. Hitt er dúklagt og með skáp. Gluggar eru ágætir og stórt opnanlegt fag á báðum þeirra. Viðhaldi séreignarhlutans hefur ekki verið sinnt á liðnum árum og komið er að því að sparsla og mála herbergin og skipta um gólfefni. Þá þarf einnig að lagfæra smávægilegt múrbrot sem er ófrágengið, eftir að vatnslagnir voru endurnýjaðar. Ath. að ekki er um að ræða samþykkta íbúð.

Hér eru á ferðinni tvö ágæt íbúðarherbergi með sameiginlegri snyrtingu sem og annarri áðurgreindri sameign á afar eftirsóttum stað. Fullyrða má að talsverð eftirspurn er eftir íbúðarherbergjum sem þessum til leigu í Vesturbænum.

Allar nánari upplýsingar veitir Björn Þorri Viktorsson hrl. og lgf., bjorn@midborg.is eða í síma 894-7070.