Híbýli fasteignasala s. 585-8800 kynnir:

Bjarta og fallega 3ja - 4ra herbergja útsýnisíbúð á 3. hæð í sjö íbúða fjölbýlishúsi við Fálkagötu 21 á besta stað í Vesturbænum.
Íbúðin hefur öll verið arkitektahönnuð og endurnýjuð frá a-ö. Jafnt og þétt viðhald á byggingunni undanfarin ár. 
Skv. fasteignaskrá er eignin skráð samtals 86,6 m2, þar af er íbúðin 81,3 m2 og sérgeymsla í kjallara 5,3 m2.

Lýsing eignar:
Komið er inn í rúmgóðan gang sem tengir öll aðalrými íbúðarinnar. Innbyggður fataskápur með spegli er fyrir enda gangsins.
Rúmgott baðherbergi er á vinstri hönd með upphengdu salerni, sérsmíðuðum innréttingum með hvítri meganite-borðplötu sem í er innfelldur vaskur og vegghengd blöndunartæki með dökkri brons-áferð. Rúmgóð sturta með sérsmíðuðu gleri og innbyggðum sápuhillum. Blöndunartæki eru innfeld í vegg og sturtuhaus niður úr lofti með dökkri brons-áferð. Hvítar flísar á veggjum með dökkri brons-litaðri fúgu og ljósgrænar flísar á gólfi. Í öðrum enda baðherbergisins er aflokuð þvottaaðstaða með tengi fyrir þvottavél og þurrkara ásamt hillum fyrir hreingerningaráhöld.
Á hægri hönd eru tvö rúmgóð svefnherbergi með sérsmíðuðum fataskápum og -skúffum. Öðru herberginu, sem núverandi eigendur nota sem hjónaherbergi, er hægt að skipta í tvennt svo úr verði tvö lítil herbergi.
Alrýmið er rúmgott með gólfsíðum gluggum sem bjóða upp á stórbrotið útsýni yfir Ægisíðuna, Faxaflóann og Reykjanesið.
Eldhúsið er í innsta hluta alrýmisins með fallegri, sérsmíðari innréttingu sem býður uppá mikið geymslupláss og góða vinnuaðstöðu. Borðplatan er úr ljósgráu meganite með ísteyptum vaski og blöndunartækjum með dökkri brons-áferð. Innbyggður kæli-/frystiskápur og innbyggð uppþvottavél, ásamt vönduðu gashelluborði og tveimur fjölvirkum bakarofnum með örbylgju- og gufueldun.
Svalir eru skjólgóðar og snúa í suðvestur. Hægt er að ganga út á þær bæði úr eldhúsi og stofu.

Íbúðinni fylgir sérgeymsla í kjallara ásamt hlutdeild í stóru þvottahúsi þar sem hver íbúð hefur sína vél og nóg af þvottasnúrum. Frá þvottahúsinu er útgengt í fallegan bakgarð með grasflöt og trjágróðri. Í kjallaranum er einnig að finna hjólageymslu/tæknirými.
Sameignin er hin snyrtilegasta, máluð í ljósum litum með gráu teppi á stigum og pöllum. Gólf í kjallara eru flíslögð og olíumáluð.

Gólfefni íbúðarinnar eru af vandaðri gerð. Ljós askur er á öllum gólfum ásamt viðar-gólflistum nema baðherbergi sem er flísalagt með Ceci-flísum og epoxý-fúgum frá Vídd.
Innréttingar eru sérsmíðaðar frá GKS/Nobilia með dökkri viðaráferð og ljósgrárri sprautulakkaðri áferð á hluta eldhúsinnréttingar. Hurðir eru sérstaklega háar með vönduðum innfelldum lömum og svörtum hurðarhúnum frá Ebson/Módern. Blöndunartæki eru af gerðinni Axor frá HansGrohe. 

Viðhald/endurbætur
Íbúðin var öll endurnýjuð í lok árs 2018, þ.m.t. allar raflagnir. rafmagnstafla, -tenglar og -rofar ásamt öllum vatns- og fráveitulögnum innan íbúðar að tæknistokk við baðherbergi.
Gólf voru afréttuð með nýrri ílögn, flotuð og lögð hljóðdúk af hæstu gæðum undir viðarparket.
Stofugluggi ásamt einum svefnherbergisglugga var endurnýjaður sumarið 2018.
Þá var skipt um þakklæðningu, allar þakrennur og niðurföll ásamt flasningum sumarið 2019.
Skipt var um dyrasíma og settur myndsími haustið 2019.

Einkar glæsileg eign með stórkostlegu útsýni sem hefur verið viðhaldið af alúð. Frábær staðsetning í fjölskylduvænu íbúðarhverfi, í námunda við leik og grunnskóla.
Háskóli Íslands í næsta nágrenni ásamt Vesturbæjarlauginni, Kaffihúsi Vesturbæjar, Brauð og co, fjölda leikvalla og Ægisíðunni sem skartar einu fegursta útivistarsvæði borgarinnar.

Nánari upplýsingar á skrifstofu Híbýla í síma 585-8800 eða á netfanginu ingibjorg@hibyli.is
Ingibjörg Þórðardóttir löggiltur fasteignasali s. 864-8800 / ingibjorg@hibyli.is
Ólafur Már Ólafsson löggiltur fasteignasali s. 865-8515 / olafur@hibyli.is