Fasteignamiðstöðin Hlíðasmára 17, 201 Kópavogi sími: 550 3000 er með til sölu jörðina Svarfhól landnúmer 134944 í Borgarbyggð.
Um er að ræða glæsilega hlunnindajörð með frábæra staðsetningu í Borgarfirði. Jörðin er um 300 hektarar og á land að Norðurá og Hvítá. Að mörgu leiti myndarlegur húsakostur á jörðinni meðal annars 244,6m2 íbúðarhús, með tveimur íbúðum. Jörðin er í svonefndri Miðtungu sem er land sem nær yfir tunguna neðanverða frá Hvítá móti Hvítárbakka og Þingnesi sunnan árinnar, að Norðurá móti Sólheimatungu að norðvestan. Stafholtsland er að norðaustan en Melkot og Flóðatangi að suðvestan. Svarfhóll á auk þess skák milli ánna niður undir ármótum Hvítár og Norðurár. Svarfhólsbærinn er á hól rétt fyrir vestan Bjargarstein, neðst á melaholtum við Norðurá. Þar upp við merki Stafholts eru Naustabrekkur, sést þar enn fyrir skipahrófum. Þar er skógræktargirðing u.þ.b. 2-3 hektarar. Meðfram Hvítá eru valllendisbakkar. Engjar eru góðar með Norðurá. Ræktunarskilyrði eru góð. Heilt yfir er land jarðarinnar fremur flatt ræktunarland og beitiland all gott. Einnig eru flóar og mýrasund með holtum í landi jarðarinnar. Stafholtsfjall er staðsett í landi jarðarinnar, með tveimur bungum og eru merki móti Stafholti um hábungu þeirra neðri. Afréttur er á upprekstrarsvæði Þverárréttar. Umtalsverð veiðiréttindi eru í Norðurá og Hvítá. Gott kalt vatn frá eigin veitu. Heitt vatn er frá Hitaveitu Stafholtstungna. Fjarlægð í Borgarnes er um 25 km. Mjög áhugaverð jörð.

Tilvísunarnúmer 10-2355 / 30-4650

Nánari upplýsingar á skrifstofu Fasteignamiðstöðvarinnar sími 550 3000
Sjá einnig: fasteignamidstodin.is / fasteignir.is /mbl.is/fasteignir/ fasteignamidstodin@fasteignamidstodin.is

Magnús Leópoldsson lögg. fasteignasali gsm. 892 6000 magnus@fasteignamidstodin.is
María Magnúsdóttir hdl og lögg. fasteignasali gsm. 899 5600 maria@fasteignamidstodin.is
Sjöfn Ólafsdóttir lögg. fasteignasali sími 550 3000 sjofn@fasteignamidstodin.is