Fasteignasala Vestfjarða Hafnarstræti 19, 400 Ísafirði 4563244 - www.fsv.is
Löggiltir fasteignasalar innan Félags fasteignasala:
Tryggvi Guðmundsson
Guðmundur Óli Tryggvason

Seljalandsvegur 36, 400 Ísafjörður 49.000.000 kr.

210,6 m², einbýlishús, 7 herbergi

Fasteignasala Vestfjarða - s.4563244- eignir@fsv.is - kynnir í einkasölu eignina Seljalandsvegur 36, 400 Ísafjörður - Glæsilegt og vel staðsett einbýlishús á tveimur hæðum - frábært útsýni yfir bæinn.

Eignin stendur við Seljalandsveg 36 og er með óskertu og fallegu útsýni yfir fjörðinn.
Fótboltavöllur bæjarins liggur hinu megin götunnar, framan við húsið, um 30 metrum neðar, niður við sjó.
Húsið er skráð 210,6 m² í þjóðskrá en sólstofa er ekki inni í skráðum fermetrum og er því stærðin um 222 m² í heildina, húsið er á tveimur hæðum, auk herbergis og geymslu í risi.
Innangengt er úr bílskúr á neðri hæð. Framan við húsið er lítill garður og stétt. Stór sólstofa er á aftanverðu húsinu þaðan sem gengið er út í stóran garð með trépalli og rólum. 
Húsið er byggt á árunum 1961 til 1964 en efri hæðin var gerð upp að mestu árið 2017, þvottahúsið árið 2015  og baðherbergi í kjallara árið 2016.
Þak yfir eldhúsrými, svefnherbergi og baði var nýlega einangrað með steinull og rakasperru.
Á efri hæð hússins er stórt eldhúsrými, hjónaherbergi, baðherbergi, stofa, sólstofa og forstofa.
Af efri hæðinni er stigi upp í risherbergi og fellistigi upp í geymslu í risi.
Á neðri hæð hússins er stórt þvottahús, stórt svefnherbergi, minna svefnherbergi, baðherbergi og tvær kompur. Innangengt er frá neðri hæð í bílskúr. Framan við bílskúrinn er stór steinlögð innkeyrsla.

Eldhús og borðstofa eru í einu rými, með yfir fjögurra metra lofthæð þar sem hæst er, og er meðal þess sem gert var nýtt árið 2017. Eldhúsrýmið er um 65 fermetrar með stórri og góðri eldhúsinnréttingu, miklu skápaplássi og mjög stórri eldunareyju. Meðal annars er sérstakur stór skápur með ljósi, fyrir smærri heimilistæki  og annar skápur með tenglum til að geyma og hlaða tölvur, prentara, síma og þess háttar.  Allt rafmagn á hæðinni var líka endurnýjað og sett ný viðbótarrafmagnstafla sem er í eldhúsrými. Úr eldhúsrýminu eru nýjar dyr út á bílskúrsþakið. Hitalögn (í einangrunarplötum) í gólfi og parket (fljótandi eik) er á eldhúsrými, stiga, holi, forstofu og stofu, lagt 2017.
Sólstofa er með flísalögðu gólfi og hita í gólfi. Tvær hurðar eru á sólstofu, sitt hvoru megin, þar sem gengið er út í garðinn, einnig er hægt að renna gluggum á langhlið hennar til hliðar og opna þannig út í garðinn.

Af efri hæð er gengið niður nokkur steypt þrep (teppalagt 2015) niður á neðri hæð. Þar er stórt þvottahús með flotuðu, epoxy-lökkuðu gólfi (2015). Nýr varmaskiptir fyrir neysluvatn var settur í húsið 2016 og er hann staðsettur í lítilli kompu á neðri hæð ásamt ljósleiðarainntaki og stýringu fyrir gólfhita á efri hæð. Önnur lítil kompa er á neðri hæð þar sem er rafmagnsinntak/tafla, þar er einnig ágætis geymslurými.
Tvö góð herbergi eru á neðri hæð, sem snúa út að götu, með útsýni yfir fjörðinn. Annað herbergið er mjög stórt en hitt minna, lítill laus fataskápur er í minna herberginu og annar á gangi fyrir framan herbergin.
Nýuppgert (2016) flísalagt baðherbergi er á neðri hæð með rúmgóðri sturtu, upphengdu wc , litlum vaskaskáp og handklæðaofni.
Lítil forstofa er á neðri hæð þar sem innangengt er í bílskúrinn og hægt að ganga út úr húsinu.
Neðri hæðin gefur möguleika á að gera aukaíbúð til útleigu þar sem lagnir fyrir eldhús eru til staðar í stærra herberginu.
Plastparket er á gólfum í herbergjum og á gangi á neðri hæð, flísar á baði og í forstofu. 

 

Nánari upplýsingar veitir Guðmundur Óli Tryggvason Lögg. fasteignasali, í síma 4563244 og 8208284, tölvupóstur eignir@fsv.is

Smelltu hér til að panta frítt söluverðmat!

Skoðunar- og aðgæsluskylda:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Við bendum væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Gjöld sem kaupandi þarf að standa straum af vegna kaupanna:
Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga, 0,4% við fyrstu kaup m.v. að lágmarki 50% eignarhlut og 1,6% fyrir lögaðila.
Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.500,- fyrir hvert skjal.
Lántökugjald lánastofnana: vísast í gjaldskrá viðkomandi lánveitanda.
Umsýsluþóknun fasteignasölu samkvæmt gjaldskrá.

Sýna alla lýsingu
Reikna lán
  • Brunabótamat63.830.000 kr.
  • Fasteignamat27.800.000 kr.
  • Áhvílandi0 kr.
  • Skráð24. feb. 2020
  • Flettingar525
  • Skoðendur436
  • 210,6 m²
  • Byggt 1968
  • 7 herbergi
  • 2 baðherbergi
  • 4 svefnherbergi
  • Sérinngangur
  • Bílskúr
  • Þvottahús

Lánareiknir: 49.000.000 kr. ásett verð
Veljið upphæð útborgunar og lánstíma í árum.
Lántaka: 39.200.000 kr.
Fyrsta eign:
Útborgun: 9.800.000 kr.
Lánstími: 40 ár


Senda fyrirspurn vegna Seljalandsvegur, 400 Ísafjörður

Verð:49.000.000 kr. Stærð: 188.4 m² Tegund:Einbýlishús Herbergi: 7
Captcha

* Það sem er stjörnumerkt verður að fylla út til þess að skráning verði tekin gild.

Fasteignasala Vestfjarða

Sími: 4563244
eignir@fsv.is
www.fsv.is

Fasteignasalar innan Félags fasteignasala
Tryggvi Guðmundsson
Guðmundur Óli Tryggvason

Eignin var skráð 24 febrúar 2020
Síðast breytt 26 febrúar 2020

Senda á vin eignina Seljalandsvegur, 400 Ísafjörður

Verð:0 kr. Stærð: 188.4 m² Tegund:Einbýlishús Herbergi: 7
Captcha

* Það sem er stjörnumerkt verður að fylla út til þess að skráning verði tekin gild.

Fasteignasala Vestfjarða

Sími: 4563244
eignir@fsv.is
http://www.fsv.is

Fasteignasalar innan Félags fasteignasala
Tryggvi Guðmundsson
Guðmundur Óli Tryggvason

Eignin var skráð 24 febrúar 2020
Síðast breytt 26 febrúar 2020

Senda ábendingu á Fasteignir.is

Captcha

Nýtt! Náðu í appið fyrir iPhone símann þinn.

Fasteignir.is

Available in the App Store