Fasteignamiðstöðin er með til sölu jörðina Selhagi, 311 Borgarbyggð. Fastanúmer 210-9819, landnúmer 134926. 
Selhagi er innsti bær í byggð í fyrrum Stafholtstungnahreppi. Upphaflega byggð út úr Ásbjarnarstöðum og hét þá Ásbjarnarstaðasel. Þar var föst búseta til 1959. Síðan hefur jörðin verið nytjuð til hagabeitar fyrir hross og sauðfé, en fjárbú var rekið þar til 1965. Landstærð um 390 hektarar. Jörðin má heita húsalaus, en þar er íbúðarhús, byggt um 1927-30 steinbær með tyrfðu þaki. Sá húsastíll markar upphaf nýrrar byggingarstefnu í íslenskum sveitum eftir að torfbæirnir runnu sitt skeið. Húsið er byggt á pöllum og stóð fjós norðanvert við það, en þak fjóssins er fallið niður. Kjallari er lítið niðurgrafinn. Þar var eldhús og búr. Gengið er upp tröppur úr eldhúsi og var þar forstofa, herbergi, eldiviðargeymsla og snyrting. Gengið er úr forstofu upp í baðstofu en inn af henni er mjög rúmgott svefnherbergi. Húsið er að mestu upprunalegt og þarfnast algerrar endursmíði til íveru ef það er þá mögulegt. Í þvi er miðstöðvarkerfi og kolaketill sem hægt var að nota. Gömul fjárhús og hlaða stóðu austan hússins en eru að mestu niður fallin.

Veiðihlunnindi u.þ.b.ein milljón á ári. Land jarðarinnar liggur með Þverá frá Klapparstreng að Skiptafljóti. Frá báðum stöðum liggja merki til Síðufjalls á móti Fróðastöðum og Þorgaustsstöðum í Hvítársíðu til suðurs. Þverá rennur um grunnt gljúfur fyrir landinu og þar eru 4 - 5 veiðistaðir. Tveir þeirra; Klettsfljót og Skiptafljót eru meðal fallegustu og gjöfulustu veðistaða í miðánni. Frá ánni er landið fyrst melar og uppþurrkaðar mýrar en vallendi með fjallinu. Fjallið er mjög gróið og hefur jörðin verið mjög góð til beitar. Jörðin selst ásamt jörðinni Guðnabakka, sem er í eigu sömu aðila. 

Tilvísunarnúmer: 10-2463

Nánari upplýsingar á skrifstofu Fasteignamiðstöðvarinnar, Hlíðarsmára 17 201 Kópavogi - sími: 550 3000
tölvupóstfang:  fasteignamidstodin@fasteignamidstodin.is  / leiga@fasteignamidstodin.is
Sjá einnig: fasteignamidstodin.is / jardir.is / fasteignir.is / mbl.is/fasteignir
Eftir lokun skiptiborðs:
Magnús Leópoldsson lögg. fasteignasali sími: 550 3000 og 892 6000 - tölvupóstfang magnus@fasteignamidstodin.is
Guðrún Olsen síma 550 3000 - tölvupóstfang gudrun@fasteignamidstodin.is            
María Magnúsdóttir lögfræðingur gsm: 899 5600 - tölvupóstfang maria@fasteignamidstodin.is
Gjöld sem kaupandi þarf að standa straum af vegna kaupanna:
1. Stimpilgjald af kaupsamningi - 0,4% - 0,8% hjá einstaklingum og 1,6% hjá lögaðilum af heildarfasteignamati.
2. Þinglýsingargjald af kaupsamningi, veðskuldabréfum, veðflutningsskjölum, mögulegu veðleyfi o.fl. - kr. 2.700 af hverju skjali.
3. Lántökugjald lánastofnunar - almennt 0,0 - 1,8% af höfuðstól skuldabréfs. Nánari upplýsingar á t.d. heimasíðu lánastofnana.
4. Umsýslugjald til fasteignasölu, sbr. þjónustusamning.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár,
til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002.
Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta
fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.