Heimili fasteignasala, s: 530-6500, kynnir til sölu fallega þriggja herbergja íbúð með sérinngangi, verönd og sjávarútsýni í nýlegu lyftuhúsi við Herjólfsgötu í Hafnarfirði. Eignin er skráð 92,5 fm að stærð, þar af íbúðarrými 84,2 fm og geymsla 8,3 fm, og skiptist í forstofu, borðstofu, setustofu, tvö svefnherbergi og baðherbergi auk bílastæðis í lokuðum bílakjallara og geymslu.

***Áhugasamir geta bókað skoðun hjá brynjolfur@heimili.is***

Nánari lýsing.
Gengið inn um sér inngang á bakvið hús og komið inn í rúmgóða flísalagða forstofu þar sem er fataskápur sem nær upp í loft. Inn af forstofu er svefnherbergi sem er með parketi á gólfi og fataskáp. Stofa og eldhús eru í opnu alrými sem liggur í gegnum íbúðina og með gluggum í tvær áttir. Á gólfi er parket. Eldhús er með innréttingu frá Axis, er vel tækjum búið og er með borðplötu úr steini. Frá stofu er útgengi á verönd íbúðar sem snýr til suð-vesturs og þaðan sem má njóta fallegs útsýnis út á sjó. Hjónaherbergi er með parketi á gólfi, góðum fataskápum og hornglugga. Baðherbergi er flísalagt í hólf og gólf, er með flísalögðum sturtuklefa og nýlegri innréttingu þar sem borðplata við vask er úr steini. Inn á baðherbergi er skápur þar sem er tengi fyrir þvottavél og þurrkara. Eigninni fylgir stæði í lokuðum bílakjallara ásamt 8,3 fm sérgeymslu sem er inn af því stæði.

Falleg og stílhrein íbúð í nýlegu húsi á frábærum stað með óhindruðu sjávarútsýni og í nálægð við fallega náttúru.

Nánari upplýsingar veitir Brynjólfur Snorrason, lgfs., s: 896-2953, brynjolfur@heimili.is