Nýleg, björt og falleg 79,9 fm íbúð á 2. hæð í þessu nýja hverfi Edenbyggð í Hveragerði. Húsið sem er byggt 2019, er staðsteypt og klætt að utan með málm- og timburklæðingu, með sérinngangi í hverja íbúð en utanáliggjandi er stigi og lyfta. Íbúðin sjálf er 76,4 fm. og skiptist í forstofu/hol, stofu, eldhús, tvö svefnherbergi, baðherbergi og svalir. Í kjallara er 3,5 fm. sérgeymsla og sameiginleg hjóla- og vagnageymsla.

Nánari lýsing: Gengið er inn um sérinngang á flísalagða forstofu/hol með fataskáp. Strax til hægri er rúmgott parketlagt herbergi með tvöföldum fataskáp. Alrýmið er parketlagt og er stofan samliggjandi við eldhús. Í stofu er möguleiki á að bæta við öðru herbergi. Útgengt er úr eldhúsi á 11,7 fm. svalir með lýsingu og útsýni til norðausturs og suðausturs. Eldhúsið er með AEG heimilstækjum, bakaraofn í þæginlegri vinnuhæð, LED lýsing er undir efri skáp, spanhelluborð og fyrirferðalítil vifta sem fellur upp undir efri skáp. Stálvaskur og Grohe blöndunaræki í eldhúsi. Gert er ráð fyrir að hægt sé að vera með innbyggða uppþvottavél og fylgir frontur fyrir slíkt tæki. Hjónaherbergi er parketlagt og rúmgott með fjórföldum fataskáp. Baðherbergi er flísalagt á gólfi og vegg við sturtu, með gólfhita, vegghengdu salerni, með innréttingu og eru blöndunartæki Grohe.

- Nýtt harðparket er á öllum rýmum en flísar á votrýmum þ.e. anddyri og á baðherbergi.
- Auðvelt er að bæta við herbergi í hluta stofunnar.

Í heild er um að ræða fallega eign á góðum stað og stutt er í allra helstu þjónustu, þ.m.t. skóla og leikskóla.

Allar nánari upplýsingar veitir Sólveig Fríða Guðrúnardóttir lögfr. og lgf. í s: 843-9903 eða á solveig@midborg.is