Fasteignaland kynnir:

BRÚ, BLÁSKÓGARBYGGÐ (ÚTSÝNI - STÓR LÓÐ)

Um er að ræða einstaklega vandað og vel viðhaldið sumarhús í landi Brúar, rétt austan við Geysi í Haukadal. Um er að ræða hús byggt 2009 með forstofu, tveimur rúmgóðum svefnherbergjum, baðherbergi, stofu/borðstofu/eldhúsi í opnu rými ásamt svefnlofti. Stór verönd á þrjá vegu við húsið og stendur það á stórri leigulóð 7670 fm að stærð. Á lóðinni er ca. 15 fm geymsluskúr. Birt stærð er 65,7 fm skv. Þjóðskrá Íslands en til viðbótar er 31,6 fm svefnloft undir súð (1,45 m hæð við mæni) og 7,5 fm einandruð geymsla undir húsinu. Húsið fæst afhent við kaupsamning.

Lóðin er einstök paradís, mjög gróin og afgirt á afleggjara sem eingöngu 6 sumarhús standa við og rennur áin Tungufljót meðfram hverfinu. Húsið er byggt sem heilsárshús með extra mikilli einangrun bæði í veggjum og þaki. Allt gler er K gler í húsinu.

100km frá Reykjavík ef ekið er um Mosfellsdal og Þingvöll.

Nánari lýsing:
Forstofa - með fatahengi.
Svefnrými - tvö rúmgóð svefnherbergi og gott svefnloft.
Baðherbergi - með sturtuklefa, klósetti, vaski, skápum og tengi fyrir þvottavél.
Stofa/borðstofa - opið og bjart með góðum gluggum, fallegt útsýni.
Eldhús - með U laga innréttingu, efri og neðri skápar, ískápur, eldavél með bakaraofni, uppþvottavél, vaskur og góðu bekkjaplássi.
Verönd - í vestur, suður og austur, góðar geymslur undir verönd, manngengar að hluta, einangraðar að hluta og gott aðgengi í allar undirstöður og lagnir.
Geymsluskúr - er gamall og ca. 15 fm.
Lóð - er stór með sér innkeyrslu, vel afmörkuð með gróðri og góðir grasblettir innan um tré og gróður.

Stutt er í marga þekkta staði, Geysir, Gullfoss, Flúðir, Laugarvatn, Reykholt, Laugarás, Sólheimar, Borg, allt innan við 20 min aksturstími.

Upplýsingar gefa:
Hrannar Jónsson, löggiltur fasteignasali s. 899-0720, netfang: hrannar@fasteignaland.is
Heimir Eðvarðsson, löggiltur fasteignasali s. 893-1485, netfang: heimir@fasteignaland.is