VB Eignir Malarhöfði 2. Efri hæð. 110 Reykjavík 8228183 - www.vbeignir.is
Löggiltir fasteignasalar innan Félags fasteignasala:
Vilhjálmur Bjarnason

Bragagata 29, 101 Reykjavík 84.700.000 kr.

149,1 m², fjölbýlishús, 8 herbergi

Vilhjálmur Bjarnason löggiltur fasteignasali kynnir: 

Þetta fallega hús er selt og komið í lánaferli.
Bragagata 29. 101 Reykjavík. Hef fengið í einkasölu eitt af þessu sjarmerandi gömlu húsum á frábærum stað rétt við Þingholtin í Reykjavík.    
Stutt er í háskólana, framhaldsskóla, grunnskóla og leikskóla og svo er ekki langt, en þó hæfilega langt, í alla þá afþreyingu, veitingar, verslanir og þjónustu sem boðið er upp á í miðbænum og nágrenninu.

Best er að senda fyrirspurnir um húsið og ósk um skoðun í gegnum tölvupóst á villi@vbeignir.is  Húsið getur verið laust fljótlega þar sem seljendur eru búnir að kaupa aðra eign.
Húsið er skráð 149.1 fm sem skiptist á eftirfarandi hátt, aðalhæð hússins er 58.1 fm, efri hæðin er skráð 45.9 fm og kjallarinn er skráður 45.1 fm en þar er í dag lítil aukaíbúð með sérinngangi. 
Um sérinnganginn á aðalhæðinni er fyrst komið inn í forstofu með hengi og hillu. Þar við hliðina er fallegt rými sem nota má sem vinnuaðstöðu, herbergi eða geymslu. Gesta Wc með vaski og skáp. Fallegt eldhús með borðaðstöðu, nýlega endurnýjað, pússaðar gamlar gólffjalir. Fallegt og rúmgott hol og stigahol með pússuðum gömlum gólffjölum. Góð og sjarmerandi borðstofa sem er opin yfir í fallega og bjarta stofu, fallegar gamlar pússaðar gólffjalir og hvítlakkaður panill á veggjum að hluta. Frá stigaholinu er fallegur timburstigi upp á efri hæðina en þar er fyrst rúmgott og bjart hol með þakglugga og er gengið frá því í gott baðherbergi með vaski og skáp, baðkar með sturtutækjum og hengi. Fjögur svefnherbergi eru á efri hæðinni og er útgangur úr einu þeirra á vestursvalir. Hvítlakkaðar fulningahurðar. Sérinngangur er í kjallarann en þar eru þvottahús og geymsla hússinga ásamt lítilli sér studioíbúð sem hefur verið leigð út.
Fallegur sameiginlegur garður
með Bragagötu 29 B og er komin á sú hefð að eigendur þessarar eignar nota þann hluta garðsins sem er ekki innan þess afgirta trépalls sem búið er að setja upp við Bragagötu 29 B en auðvitað má semja um það upp á nýtt.
Húsið er upphaflega steypt og byggt 1925 og var þá einbýlishús sem var kjallari og ein hæð. Byggt var ofan á upphaflega húsið úr timbri og það allt einangrað og það allt klætt að utan með bárujárni um 1983 því þá eru teikningar af núverandi útliti samþykktar þar sem þetta kemur meðal annars fram.
Á sama tíma var innganginum í húsið götumegin lokað og settur nýr aðalinngangur garðmegin þar sem gengið er í húsið í dag.
Húsið er samtengt næstu húsum í götunni sem skapar þessa fallegu götumynd hverfisins sem margir eru svo hrifnir af. 

Forsendur söluyfirlits: Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru m.a. fengnar með sjónskoðun fasteignasala eignarinnar, sóttar í opinberar skrár, samkvæmt upplýsingum frá eiganda eignarinnar og eftir atvikum til húsfélags. Seljandi skal veita fasteignasala og tilboðsgjöfum upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki með berum augum, t.d. vatns og raflagnir, dren, skólp og þak. Um skoðunar- og aðgæsluskyldu kaupenda: Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. VB Eignir fasteignasala bendir væntanlegum tilboðsgjöfum á að kynna sér vel ástand eigna með  skoðun á eigninni fyrir tilboðsgerð og að leita til sérfræðinga um nánari ástandsskoðun ef þeir telji þörf á því. 


Ég hef öll mín ár frá 1992 sem fasteignasali hjálpað fólki og fjölskyldum að selja heimili sitt og finna réttu eignina fyrir sig og sína.
Í þessu felst meðal annars að ef ég hef ekki réttu eignina til sölu sjálfur að leita með ykkur á öðrum fasteignasölum, aðstoða við að komast í gegnum greiðslumat og lánafyrirgreiðslu því tengdu ásamt því að ráðleggja og hjálpa með tilboðsgerð og annað sem viðkemur kaupum á nýju heimili. Margir eru að hugsa um að endurfjármagna úr óhagstæðum bankalánum yfir í hagstæðari lífeyrissjóðslán þessa dagana og hjálpa ég fólki að athuga hvort það borgar sig og þá hvar best er að taka ný lán.
Ég liðsinni þér alla leið hvort sem þú ert að kaupa eða selja, endurfjármagna, vantar ráðgjöf eða annað sem viðkemur lánamálum og eða fasteignaviðskiptum.
Bendi ég öllum á að betra er að taka lífeyrissjósðlán en bankalán vegna kaupa á nýju heimili eða vegna endurfjármögnunar.
Allir eiga rétt á láni í nánast öllum þeim lífeyrissjóðum sem þeir hafa borgað í frá því þeir byrjuðu að vinna og svo er að velja þann sjóð sem er með lægstu vextina og eða hæsta lánshlutfallið eftir því sem hentar hverjum og einum. Ef þið þurfið meiri lán en þau 60 til 75 % sem lífeyrissjóðirnir eru að bjóða þá er hægt að taka allt upp í 90 % lán fyrir fyrstu kaupendur með því að taka lán frá Framtíðinni lánasjóð á eftir lífeyrissjóðsláninu. Þeir sem hafa keypt íbúð áður geta fengið upp í 85 % lán á eftir lífeyrissjóðslánunum.
Ég hef undanfarin tíu ár starfað sem stjórnarmaður, formaður og varaformaður í sjálfboðavinnu innan Hagsmunasamtaka heimilanna og hef þar og annars staðar "eftirnafnið" Ekki fjárfestir. 

Vilhjálmur Bjarnason löggiltur fasteignasali.
VB Eignir  Heilshugar um þinn hag. Sími 822-8183

Sýna alla lýsingu
Reikna lán
  • Brunabótamat44.800.000 kr.
  • Fasteignamat71.450.000 kr.
  • Áhvílandi0 kr.
  • Skráð 1. júl. 2021
  • Flettingar4470
  • Skoðendur2250
  • 149,1 m²
  • Byggt 1925
  • 8 herbergi
  • 3 baðherbergi
  • 6 svefnherbergi
  • Sérinngangur
  • Laus strax
  • Þvottahús

Vilhjálmur Bjarnason Löggiltur fasteignasali innan félags fasteignasala

VB Eignir
Malarhöfði 2. Efri hæð. 110 Reykjavík
villi@vbeignir.is
822-8183


Lánareiknir: 84.700.000 kr. ásett verð
Veljið upphæð útborgunar og lánstíma í árum.
Lántaka: 67.760.000 kr.
Fyrsta eign:
Útborgun: 16.940.000 kr.
Lánstími: 40 ár


Senda fyrirspurn vegna Bragagata, 101 Reykjavík

Verð:84.700.000 kr. Stærð: 149.1 m² Tegund:Fjölbýli Herbergi: 8
Captcha

* Það sem er stjörnumerkt verður að fylla út til þess að skráning verði tekin gild.

VB Eignir

Sími: 8228183
villi@vbeignir.is
www.vbeignir.is

Fasteignasalar innan Félags fasteignasala
Vilhjálmur Bjarnason

Eignin var skráð 1 júlí 2021
Síðast breytt 23 september 2021

Senda á vin eignina Bragagata, 101 Reykjavík

Verð:0 kr. Stærð: 149.1 m² Tegund:Fjölbýli Herbergi: 8
Captcha

* Það sem er stjörnumerkt verður að fylla út til þess að skráning verði tekin gild.

VB Eignir

Sími: 8228183
villi@vbeignir.is
http://www.vbeignir.is

Fasteignasalar innan Félags fasteignasala
Vilhjálmur Bjarnason

Eignin var skráð 1 júlí 2021
Síðast breytt 23 september 2021

Senda ábendingu á Fasteignir.is

Captcha

Nýtt! Náðu í appið fyrir iPhone símann þinn.

Fasteignir.is

Available in the App Store