Urðargil 24 - Skemmtilegt og vel hannað fjölskylduhús, 6-7 herbergja einbýlishús með bílskúr á vinsælum stað í Giljahverfi - stærð 248,9 m²
Eignin var mikið endurnýjuð árið 2013, lagður gólfhiti, ný gólfefni, nýjar innihurðar, fataskápar, eldhús o.fl. 

- Eignin seld með fyrirvara -

Eignin skiptist með eftirtöldum hætti,
Forstofa, eldhús og stofa í opnu rými, gangur, þrjú barnaherbergi, hjónaherbergi með fataherbergi, baðherbergi og bílskúr á hæð.
Neðri hæð, sjónvarpshol og eitt svefnherbergi.

Forstofa er með gráum flísum á gólfi og sérsmíðuðum hvítum sprautulökkuðum fataskáp og skúffueiningu. Innangengt er í bílskúr í gegnum forstofu. 
Eldhús, virkileg góð sérsmíðuð innrétting, hvít sprautulökkuð og eyja spónlögð með dökk bæsaðri eik. Mjög gott skápa- og bekkjarpláss. Á bekkjum er svartur steinn. Stæði er í innréttingu fyrir stórann ísskáp sem fylgir með við sölu og uppþvottavél er innbyggð í innréttingu og fylgir einnig með við sölu eignar. 
Stofa, borðstofa og eldhús eru í opnu rými. Þar eru gráar flísar á gólfum, gluggar til þriggja átta og tvöföld hurð út á steypta suðvestur verönd. 
Sjónvarpshol er á neðri hæðinni, þar er nýlegt ljóst harðparket á gólfi og sérsmíðaður sjónvarpsskápur. 
Hjónaherbergi er með gráum flísum á gólfi, fataherbergi með hvítum innréttingum og hurð út á verönd.
Barnaherbergin eru fjögur, þrjú með gráum flísum á gólfi og hvítum sprautulökkuðum fataskápum og eitt á neðri hæðinni með nýlegu ljósu harðparketi á gólfi og hvítum fataskáp.
Svefnherbergisgangurinn er með gráum flísum á gólfi og þar er lúga í loftinu með fellistiga. Af ganginum liggur steyptur stigi niður á neðri hæð.
Baðherbergi er flísalagt í hólf og gólf, með hvítri sprautulakkaðri innréttingu, upphengdu wc, handklæðaofni, sturtu með innfelldum tækjum og steyptu og flísalögðu stóru baði sem fellur ofan í gólfið. Innfelld lýsing í lofti og opnanlegur gluggi. 
Gestasnyrting er til hliðar úr forstofu, með gráum flísum á gólfi og einum vegg, upphengdu wc og handlaug.
Bílskúr er um 36 m² að stærð, með svargráu epoxy á gólfum, rafdrifinni innkeyrsluhurð, gönguhurð og hvítri innréttingu fyrir þvottavél og þurrkara. Lúga með fellistiga er í loftinu. Hitalagnir eru i báðum bílastæðunum og fyrir framan forstofuhurð undir skyggni.

Annað
- Gólfhiti er í öllum rýmum á aðalhæðinni.
- Fyrir framan húsið er virkilega vel frá gengið, hellulagt bílaplan og stétt ásamt hlöðnum blómabeðum.
- Steypt verönd með hitalögnum í er á baklóðinni og heiturpottur/skel.
- Árið 2021 voru steyptir veggir sem afmarka lóðina, sett gervigras og nýr einangraður 12 m² geymsluskúr byggður.
- Varmaskiptir
- Skorsteinn er upp úr þakinu og því möguleiki að koma fyrir kamínu.
- Geymsluloft er yfir hluta af húsinu.
- Steyptur stigi er með norðurhlið hússins og hurð inn í sjónvarpsholið á neðri hæðinni.
- Hér er um að ræða eign sem hefur verið mjög vel við haldið.

Eignin er í einkasölu