Loftur Erlingsson löggiltur fasteignasali s. 896 9565 og Hús Fasteignasala kynna í einkasölu:
Voðmúlastaðir lóð, 115fm einbýlishús auk 39,4fm bílskúrs, samtals 154,4fm að stærð, á 1ha eignarlóð í Rangárþingi eystra. 
Fallegur blómagarður umhverfis húsið og gróðurhús og geymsluskúr baka til, ljósleiðari og þriggja fasa rafmagn.
Voðmúlastaðir lóð er 13km fyrir austan Hvolsvöll, ekið um þjóðveg 1, Bakkaveg 253 og Kanastaðaveg. 
Húsið er timburhús með timburgólfi og hvílir á steyptum súlum og trébitum, en bílskúrinn og tengibyggingin eru með steyptum sökklum og gólfplötu. 
Í íbúðarhúsinu er komið inn í flísalagða forstofu með hengi fyrir yfirhafnir. Þá stór og björt stofa með parketi á gólfi og panel upp á miðja veggi, og nettu eldhúsi með eldavél, viftu, lítilli uppþvottavél og ísskáp sem fylgja við sölu. Inn af stofu eru tvö svefnherbergi, annað heldur stærra og með góðum fataskápum.  Baðherbergið með sturtuklefa, klósetti, vaski á nettri innréttingu og dúk á gólfi.  Tréstigi úr forstofu upp á loft sem er yfir nánast öllu húsinu, einn geymur uppi og vel manngengt í miðju og í kvisti til austurs, tveir þakgluggar á vestur þaki hússins, dúkur á gólfi.   Bílskúr (39,4fm byggður 1997) sem rúmar venjulegan bíl ágætlega, er með nýjum innkeyrsludyrum og tengibyggingu við húsið með herbergisrými eða geymslu og skoti fyrir þvottavél og þurrkara.
Að utan er húsið klætt með hvítri álklæðningu, gluggar og hurðir úr tré og bárujárn á þaki. Lóðin er gróin, töluvert af margs konar trjám og runnum, og fallega hirtur blómagarður næst húsinu. Gróðurhús með eplatrjám og geymsluskúr í bakgarðinum.
Sannkallaður sælureitur í sveitinni.

Nánari upplýsingar veitir Loftur Erlingsson löggiltur fasteignasali
s. 896 9565,
loftur@husfasteign.is 

Hringið og bókið skoðun.

 Gjöld sem kaupandi þarf að standa straum að vegna kaupanna.
1. Stimpilgjöld af kaupsamningi - 0,8 % af heildarfasteignamati, (0,4% fyrstu kaup)  lögaðilar 1,6%
2. Þinglýsingargjald af kaupsamningi, veðskuldabréfi, mögulegu veðleyfi o.fl. kr. 2500 af hverju skjali.
3. Lántökugjald lánastofnunnar. Nánari upplýsingar t.d. á heimasíðum lánastofnanna.
4. Umsýslugjald til fasteignasölu sbr. kauptilboð

Skoðunarskylda:  Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill Hús Fasteignasala því skora á væntanlega kaupendur að kynna sér vel ástand fasteigna fyrir kauptilboðsgerð og leita jafnvel til þar til bærra sérfræðinga um nánari skoðun.