Húsið er selt (með hefðbundnum fyrirvörum) og óska ég seljendum og nýjum eigendum innilega til hamingju. 

Get bætt við mig eignum í sölu.
- Við finnum út úr þessu saman!
kv. Ragnar Þorgeirsson, löggiltur fasteignasali.
774 7373 / ragnar@heimili.is 

Heimili fasteignasala kynnir í einkasölu mikið endurnýjað 198 fm. einbýlishús, þ.a. liðlega 40 fm. vel búna auka íbúð, á ljúfum stað innst í botnlanga í Mosfellsbæ.  Tveir sólríkir pallar eru við húsið, heitur pottur og nýlegir geymsluskúrar á lóð.  Aukin lofthæð er í hluta hússins. Ný baðherbergi, nýtt eldhús, gólfefni, innihurðar og glerhandrið við stofu.  Ný málað utan og innan.  Falleg aðkoma er að húsinu og stutt í alla þjónustu, verslun, skóla og íþróttasvæði Aftureldingar. 

Nánari lýsing: Komið er inn í forstofu með flísum á gólfi og fatahengi. Gestasnyrting og gott forstofuherbergi, þar sem komið hefur verið fyrir þvottavél og þurrkara í innfeldum skáp. Úr forstofu er komið inn í bjartan skála með mikilli lofthæð, borðstofu og eldhús með nýrri innréttingu með stórri eyju og miklu skápaplássi. Inn af borðstofunni er lítið hol og gengið inn í hjónaherbergi með nýlegum skápum, barnaherbergi og baðherbergi sem er nýlega flísalagt í hólf og gólf, með upphengdu salerni, baðkari, sturtu (e. walk in shower), góðum innréttingum, innfelldri lýsingu og góðum glugga.  Hiti í baðherbergisgólfi.  Úr hjónaherberginu er út gengið út á timburverönd með heitum potti. Gengt forstofunni er gengið niður í stofu sem er á neðri palli. Stofan er rúmgóð með aukinni lofthæð, arni og glerhurð út í garðinn.  Á vinstri hönd frá forstofunni er fjórða herbergið og innangengt í bílskúrinn, sem nú rúmar góða auka íbúð með sér inngangi.  Þar er alrými með eldhúsinnréttingu, svefnherbergi og baðherbergi sem er ný flísalagt í hólf og gólf, með upphengdu salerni og sturtu.  Flísar á öllum gólfum hússins.

Auk framkvæmda innan húss hefur þak verið yfirfarið, áfellur endurýjaðar, húsið og þakið málað.
Nýtt fasteignamat er kr. 112,5 millj

Hús á góðum stað í grónu hverfi í Mosfellsbæ, barnvænt umhverfi, skóli í göngufæri og íþróttasvæði Aftureldingar að Varmá.
Áhugasamir panti skoðun hjá Ragnari Þorgeirssyni, löggiltum fasteignasala, sem jafnframt veitir nánari upplýsingar um eignina í síma 774 7373 eða ragnar@heimili.is

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Heimili fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Gjöld sem kaupandi þarf að standa straum af vegna kaupanna:
1.Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.
3. Lántökugjald lánastofnunar í samræmi við gjaldskrá viðkomandi lánveitanda.
4. Umsýslugjald kaupanda er kr. 79.900. 
5. Þegar um nýbyggingu er að ræða greiðir kaupandi skipulagsgjald, 0,3% af endanlegu brunabótamáti, þegar það er lagt á af viðkomandi sveitarfélagi.
 
Heimili fasteignasala – á traustum grunni í 20 ár.
Grensásvegi 3, 108 Reykjavík - Opið frá kl. 9-17 mánudaga til fimmtudaga og 9-16 á föstudögum.
Upplýsingar um starfsfólk má finna á heimasíðu Heimili og á Facebook.