Lind fasteignasala / Heimir Hallgrímsson lögg. fasteignasali kynna til sölu afar fallega og bjarta íbúð við Kleppsveg 4 í Reykjavík. Um er að ræða 107,5 fermetra 4ra herbergja íbúð í lyftuhúsi á 4. hæð með 3 svefnherbergjum, rúmgóðri stofu með gluggum og svölum til suðurs og afar fallegu útsýni yfir Laugardalinn og miðborg Reykjavíkur. Einnig er virkilega fallegt útsýni úr hjónaherbergi og eldhúsi út á sundin, Viðey og til fjalla. Sérgeymsla í kjallara sem er 6,7 fermetrar að stærð. 

Húsið, sem er hannað af Einari Sveinssyni arkitekt, er byggt árið 1959 og hefur fengið gott viðhald á undanförnum árum. Árið 2010 var þak yfirfarið á húsinu. Þá var farið í sprunguviðgerðir árið 2016 og húsið málað árið 2018. Malbikuð sameiginleg stæði á framlóð og steypt stétt við inngang. Þá er fyrirhugað að yfirfara/uppfæra lyftuna bráðlega.

Stutt er í alla þjónustu (m.a. Laugalæk, Borgartún og Holtagarða) og afþreyingu. Laugardalurinn með allri sinni útivist, Laugardalslauginni, íþróttasvæðum og fallegum gönguleiðum í næsta nágrenni. Leikskóli og grunnskólar í göngufjarlægð.

Fasteignamat 2023 er kr. 57.500.000,-

Nánari lýsing:
Forstofa/hol: Með harðparketi á gólfi, fatahengi og geymsluskáp. Gengið er inn í öll rými íbúðar frá holi.
Stofa: Er rúmgóð með harðparketi á gólfi. Stórir gluggar til suðurs með afar fallegu útsýni yfir miðborg Reykjavíkur og Laugardalinn. M.a. að Laugardalsvelli, Stýrimannaskólanum, Háteigskirkju, Hallgrímskirkju og víðar. Útgengi á svalir frá stofu.
Svalir: Snúa til suðurs með afar fallegu útsýni eins og fyrr greinir.
Svefnherbergi I: Er rúmgott með harðparketi á gólfi og gluggum til suðurs.
Svefnherbergi II: Með harðparketi á gólfi og glugga til suðurs.
Hjónaherbergi: Er rúmgott með harðparketi á gólfi, góðum skápum og glugga til norðurs. Fallegt útsýni út á sundin og til fjalla.
Eldhús: Með harðparketi á gólfi og fallegri upprunalegri eldhúsinnréttingu. Tengi fyrir uppþvottavél, Gram stál eldavél með keramik helluborði. Góður borðkrókur inn af eldhúsi og gluggi til norðurs með fallegu útsýni.
Geymsla: Er 6,7 fermetrar á jarðhæð með glugga.

Þvottaherbergi: Er sameiginlegt á jarðhæð. Málað gólf og þvottavélar og þurrkari í eigu húsfélags. Vaskur, gluggi til suðurs og útgengi á baklóð
Þurrkherbergi: Er sameiginlegt á jarðhæð. Málað gólf, þvottasnúrur, vinnuborð og gluggar til suðurs.
Hjóla- og vagnageymsla: Er sameiginleg á jarðhæð. Málað gólf, hjólagrindur, gluggar til suðurs og útgengi á baklóð hússins.

Nánari upplýsingar:
Bókið skoðun hjá Heimi Hallgrímssyni lögg. fasteignasala og lögmanni í síma 849-0672 eða á netfanginu heimir@fastlind.is