Fasteignasalan Byggð 464-9955 - Einkasala

Háagerði 1

Sex herbergja einbýlishús á tveimur hæðum á glæsilegum útsýnisstað í rólegu hverfi á efri Brekku með tvöföldum bílskúr. Eignin er á tveimur hæðum, íbúð efri hæðar er skráð 145,1 fm, rými neðri hæðar skráð 30 fm og bílskúr 53 fm. Afar skemmtileg eign sem stendur á hornlóð í botnlangagötu. 

Eignin skiptist í forstofu, tvö baðherbergi, borðstofa, stofa, hol, eldhús, búr, þvottahús, þrjú svefnherbergi, geymsla og bílskúr. 

Forstofa er með flísar á gólfi.
Baðherbergi, annað af tveimur er inn af forstofu. Þar eru físar á gólfi og í kringum sturtu, vaskur og salerni. 
Hol og gangur er með parket á gólfi og úr holi er útgengt út á stærri svalir til suðurs. Af þeim eru þrep niður í garð.
Borðstofa er með parket á gólfi og þaðan er útgengt út á svalir til austurs. 
Stofa er inn af borðstofu aðskilin að hluta með léttum vegg. Þar er parket á gólfi og glæsilegt útsýni til allra átta. 
Eldhús er með parket á gólfi, vel með farinni upprunalegri innréttingu með bakaraofn í vinnuhæð. Kalt búr auk vinnuherbergis er inn af eldhúsi og þar er einnig parket á gólfi. Opnanlegur gluggi er í vinnuherberginu.
Þvottahús er einnig inn af eldhúsi en þar er málað gólf stæði fyrir þvottavél, bekkur og vaskur auk þess sem annar inngangur er á hæðina við hlið aðalinngangs. 
Þrjú mjög rúmgóð svefnherbergi eru á gangi. Eitt þeirra hefur verið sameinað úr tveimur og ekkert mál að breyta því til fyrra horfs. Parket er á gólfum og fataskápar í tveimur þeirra. 
Baðherbergi er með flísar á gólfi og í kringum baðkar, innrétting í kringum vask, salerni og opnanlegt fag. 

Á neðri hæð er rými sem gengið er niður úr forstofu um hringstiga og er 30 fm. Þar er nýlegt parket á gólfi, búið að koma fyrir eldhúsinnréttingu og innst er geymsla þar sem áður var kyndiklefi. Tveir gluggar eru í rýminu með opnanlegu fagi. 

Bílskúr sem er tvöfaldur og 53 fm. er bæði innangengur úr áður nefndu rými sem og að utan um inngönguhurð. Þar er málað gólf, rafmagnsdrifnar innkeyrsluhurðir en aðkoman er á austurhlið hússins. Þar eru tvö bílastæði. 

Fyrir framan húsið er eitt steypt bílastæði, sorpskýli og steyptar stéttar að inngangi. 

Annað: 
-Þak málað fyrir um þremur árum
-Frábært útsýni er úr eigninni sem stendur hátt
-Neðri hæð hefur verið nýtt sem útleigueining 
-Almennt hefur eigninni verið vel við haldið
-Eignin er laus til afhendingar 1. desember 2023

Rakaskemmdir á vegg líklega úr sprungu að utan í svefnherbergi sem snýr til suðvesturs. 
Móða í einu gleri í borðstofu sem snýr í austur 
  
Gjöld sem kaupandi þarf að standa straum af vegna kaupanna:  
1. Stimpilgjald af kaupsamningi - 0.8% af heildarfasteignamati / 1.6% fyrir lögaðila.    (0.4% við fyrstu kaup einstaklinga m.v. að lágmarki 50% eignarhlut).
2. Þinglýsingagjald af kaupsamningi, veðskuldabréfi, veðleyfi o.fl.- kr. 2.700 af hverju skjali.
3. Lántökugjald lánastofnunar -almennt 0,5-1,0% af höfuðstól skuldabréfs (nánari upplýsingar m.a. á heimasíðum lánastofnanna).
4. Umsýsluþóknun til fasteignasölu, sbr.kauptilboð. 


Frekari upplýsingar:
olafur@byggd.is
greta@byggd.is
bjorn@byggd.is
berglind@byggd.is

Skipagötu 16 á 2. hæð.
S:464 9955