Skálagerði 5 - Vel staðsett 6-7 herbergja einbýlishús með bílskúr og á 2 hæðum innst í lítilli botnlangagötu á Brekkunni - stærð 244,4 m²

Eignin skiptist með eftirtöldum hætti, 
Neðri hæð, 102,3 m²: Forstofa, köld geymsla, gangur/hol, svefnherbergi, þvottahús, geymslur og bílskúr með geymslu inn af. 
Efri hæð, 142,1 m²: Forstofa/aðalinngangur, snyrting, eldhús, borðstofa, stofa, sjónvarpshol, gangur, baðherbergi, tvö barnaherbergi og hjónaherbergi með fataherbergi. 

Forstofurnar eru tvær, aðalinngangurinn er á efri hæðinni og þar eru flísar á gólfi. Önnur forstofa er á neðri hæðinni og þar er teppi á gólfi. 
Eldhús, eldri viðar innrétting með flísum á milli skápa og parket á gólfi. Ágætur borðkrókur með glugga til austurs. 
Stofa og borðstofa eru í opnu rými með parketi á gólfi og gluggum til þriggja átta. Loft í stofu er tekið upp. 
Sjónvarpshol og gangur eru með parketi á gólfi. Úr sjónvarpsholinu er hurð út á timbur verönd sem snýr í suðvestur.
Svefnherbergin eru fjögur, þrjú barnaherbergi og hjónaherbergi með rúmgóðu fataherbergi. Parket og dúkur eru á gólfum í herbergjum á efri hæð og plast parket á neðri hæð. Möguleiki er að breyta fataherbergi í barnaherbergi.
Baðherbergi er flísalagt bæði gólf og veggir, með ljósri innréttingu, wc, baðkari, sturtu og opnanlegum glugga. 
Lítil snyrting er á efri hæðinni við hliðina á forstofu með flísum á gólfi, handlaug, wc og glugga. Lúga er í loftinu upp á loft. 
Gangur og hol á neðri hæðinni eru með plast parketi á gólfi og innfelldum skápum. 
Nokkrar geymslur eru á neðri hæðinni þar á meðal kalt búr.
Þvottahús er með lökkuðu gólfi og neðri skápum. 
Bílskúr og geymsla inn af bílskúr eru skráð 44,9 m² að stærð og með lökkuðu gólfi. Innkeyrsluhurð er með rafdrifnum opnara. Fyrir framan bílskúr er hellulagt bílaplan með hitalögnum í. 

Annað
- Köld geymsla er undir stiga að aðalinngangi.
- Geymsluskúr og gróðurhús eru á baklóðinni. 
- Eignin er í einkasölu