Medial ehf. og Jóna Benný Kristjánsdóttir lögmaður og löggiltur fasteignasali kynna til sölu reisulegt einbýlishús á frábærum stað að Hafnarbraut 3, 780 Höfn í Hornafirði. Húsið er þrílyft einbýlishús, 173,4 m2 að stærð, byggt árið 1924 og ber nafnið "Þórshamar". Sólstofu á steyptum palli, 8,55 m2 að stærð, var bætt við húsið í kringum árið 2003.

Snyrtileg aðkoma er að húsinu, möl í bílastæði og er þaðan gengið sunnan megin við húsið að aðalinngangi um sólstofuna. Í kringum sólstofuna er viðarpallur að hluta. Glænýr viðarpallur var settur á hluta af lóðinni núna í haust, 2022. Þá hefur einnig verið steyptur lágur veggur að hluta á lóðarmörkum til að hindra jarðvegsskrið.

Gengið er upp viðarstiga að sólskálanum sem tengist miðhæð hússins. Í sólskálanum er jafnframt aðalinngangur hússins. Sólskálinn er rúmgóður, flísar á gólfi með hita, nýtist að hluta til sem anddyri en einnig sem dagsstofa. Geysifallegt útsýni er yfir höfnina úr sólskálanum. Þaðan er gengið í gegnum anddyri/lítinn gang þar sem er fataskápur.
Á hæðinni er einnig hol, stofa og eldhús. Ljóst harðparket á gólfi.
Eldhúsið er með hvítri innréttingu í ágætis standi, plast borðplata, stálvaskur, Siemens helluborð og ofn, Elvita háfur. Flísar eru á vegg á milli innréttinga. Góður borðkrókur. Lítil kompa undir stiga inn af borðkróki.

Frá aðalhæð hússins liggur nýlega teppalagður stigi upp á rishæðina, þar eru 3 herbergi ásamt litlu vinnuherbergi/geymslu og baðherbergi. Gegnheilt parket á gólfum. Fataskápar í tveimur herbergjanna. Eitt herbergjanna er inn af hjónaherberginu og er möguleiki að breyta skipulagi hæðarinnar og setja fataherbergi.
Baðherbergi er flísalagt í hólf og gólf. Hvít baðinnrétting með vaski og efri skápum. Komin til ára sinna. Baðkar og salernisskál.

Brattur stigi liggur frá aðalhæð hússins niður á jarðhæðina. Einnig er sérinngangur/útidyrahurð inn á jarðhæð.
Þar er rúmgott þvottahús með góðu vinnuplássi, borðplötu með vaski, hillur á vegg. Dúkur á gólfi og útgengt út í garð.
Í dag er hluti af jarðhæðinni leigt út sem gisting, þar eru þrjú svefnherbergi og eitt baðherbergi ásamt litlu holi. Þar ersem er á aðalhæð hússins. Loft jarðhæðarinnar er panelklætt og gefur rýminu hlýtt yfirbragð. Mahogany parket er á gólfum jarðhæðar að undanskildu þvottahúsi og salerni.
Baðherbergi jarðhæðar er með flísum á gólfi ásamt flísalögðum sturtuklefa. Salernisskál. Borðplata með handlaug og einn neðri skápur, jafnframt gert ráð fyrir þvottavél undir borðplötu.
.
Snyrtileg aðkoma og staðsetning á fjölförnu og vinsælu ferðamannasvæði með fjölda veitingastaða og iðandi mannlífi, ekki síst yfir sumartímann. Einkar tignarlegt hús og stendur undir nafni, Þórshamar. Ljósleiðaratenging er í húsinu.

Fasteignin er staðsett á svokölluðu "miðsvæði" á Aðalskipulagi Hornafjarðar og því heimilt að vera með rekstur sem fellur undir þá skilmála en skv. Aðalskipulaginu er miðsvæðið skilgreint sem "Svæði fyrir verslunar- og þjónustustarfsemi og stjórnsýslu sem þjónar heilu landsvæði, þéttbýlisstað eða fleiri en einu bæjarhverfi, svo sem verslanir, skrifstofur, þjónustustofnanir, hótel, veitinga- og gistihús, menningarstofnanir og önnur hreinleg atvinnustarfsemi sem talin er samræmast yfirbragði og eðli starfsemi miðsvæðis."
Allar nánari upplýsingar um eignina veitir Jóna Benný Kristjánsdóttir lögmaður og löggiltur fasteignasali í síma 4771222 og á netfanginu jona@medial.is

Skoðunarskylda:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Medial beinir þess vegna þeim tilmælum til kaupenda að skoða eign vel áður en kauptilboð er gert og jafnframt að fá þar til bæra sérfræðinga til að ástandsskoða eignir.

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi, fyrstu kaup (0,4%), almenn kaup (0,8%), lögaðilar (1,6%) af heildarfasteignamati.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.500 af hverju skjali.
3. Lántökugjald lánastofnunar er skv. verðskrá viðkomandi lánastofnunar. Nánari upplýsingar á heimasíðum lánastofnana.
4. Umsýslugjald til fasteignasölu skv. kauptilboði.