Fasteignamarkaðurinn ehf. s: 570-4500 kynnir til sölu virkilega glæsilega, bjarta, vel skipulagða og mjög mikið endurnýjaða 117,2 fermetra efri sérhæð með tvennum svölum og fallegu útsýni í mjög fallegu þríbýlishúsi á eftirsóttum stað við Austurbrún í Reykjavík. Mjög stórar samliggjandi bjartar stofur með arni og vel mögulegt að útbúa þriðja svefnherbergið í hluta af stofum.

Hið innra var eignin öll endurnýjuð árið 2014, þ.m.t. raflagnir, neysluvatnslagnir, ofnar og ofnalagnir, gólfefni, eldhús og baðherbergi. Rafmagnstafla var endurnýjuð árið 2018 og klóaklagnir undir húsi og út í götu eru um 15 ára gamlar. Skipt hefur verið um stóran hluta glers og glugga í húsinu, þakjárn er nýlegt sem og þakrennur og niðurföll.

Lýsing eignar:
Forstofa, flísalögð og með fatahengi.
Gengið er upp mjög fallegan parketlagðan, bjartan og steyptan stiga á efri hæð.
Stigapallur, parketlagður og með innbyggðum fataskáp og hillum. Af stigapalli er útgengi á svalir til vesturs.
Hol, parketlagt.
Barnaherbergi, parketlagt.
Baðherbergi, með glugga, flísalagt gólf og veggir, innrétting, vegghengt wc, baðkar með sturtuaðstöðu og tengi fyrir þvottavél.
Samliggjandi stofur, stórar, glæsilegar og bjartar með gluggum í 3 áttir og fallegum arni. Frá stofum nýtur fallegs útsýnis.
Eldhús, opið við hol og stofur, parketlagt og bjart með fallegu útsýni. Nýlegar og fallegar eikarinnréttingar með innbyggðum ísskáp, frysti og uppþvottavél. Borðaðstaða er í eldhúsi.
Hjónaherbergi, rúmgott, parketlagt og með innréttingum. Úr hjónaherbergi er útgengi á svalir til austurs þaðan sem nýtur mjög fallegs útsýnis til austurs yfir borgina.

Í kjallara hússins, sem innangengt er í úr íbúðinni eru:
Sér geymsla, 7,2 fermetrar undir útitröppum og innangengt í hana úr sameign í kjallara.
Sameiginlegt þvottaherbergi með gluggum.

Húsið að utan virðist vera í góðu ástandi, nýlega málað. Skipt hefur verið um stóran hluta glers og glugga í húsinu og þakjárn er nýlegt.

Lóðin er fullfrágengin með tyrfðum flötum og trjágróðri og er í óskiptri sameign allra íbúða í húsinu.

Staðsetning eignarinnar er virkilega góð á rólegum og eftirsóttum stað þaðan sem stutt er í skóla, leikskóla, fallegar gönguleiðir, verslanir og þjónustu.

Allar nánari upplýsingar veittar á skrifstofu Fasteignamarkaðarins ehf. í síma 570-4500 eða á netfanginu fastmark@fastmark.is