Fasteignasalan Borgir og Heiðar Kristinsson Lfs kynna:
Mjög fallegt einbýlishús með bílskúr sem breytt hefur verið í íbúð á Kársnesinu í Kópavogi. Bílskúrnum var breytt í 3 herb. íbúð fyrir um tveimur árum síðan. Húsið er 167,3 fm að stærð og þar af er bílskúrinn 35,0 fm skv skráningu í Þjóðskrá. Elsti hluti hússins er byggður 1942, bílskúrinn er byggður 1950 og byggt var við, og húsið stækkað árið 2000.
Húsið skiptist í þrjú svefnherbergi, stofu, borðstofu, eldhús, baðherbergi, þvottahús og bílskúr sem breytt hefur verið í 3ja herbergja í búð. Tveir sólpallar þar sem annar er fyrir framan hús og snýr í norður og afgirtan skjólsælan sólpall bak við hús sem snýr í suður.
Fallegt sjávarútsýni þar sem sést vel yfir Öskjuhlíð, Nauthólsvík og til Esju.
Nánari upplýsingar: Heiðar Kristinsson löggiltur fasteignasali 822-4242 eða heidar@borgir.is eða Jóhanna M Jóhannsóttir í námi til löggildingar fasteignasala 820-0788 johanna@borgir.is
Nánari lýsing: Gengið er inn í flísalagt anddyri. Íbúðin er öll parketlögð sem flæðir um alla íbúðina. Baðherbergið er mjög rúmgott og flísalagt í hólf og gólf, með dökkri innréttingu, upphengdu salerni, handklæðaofni og hornbaðkari með sturtu. Eldhúsið er með harðparketi og með nýlegri innréttingu, bakaraofni, helluborði og er einstaklega hátt til lofts. Þar setja gamlar uppgerðar sperrur og steinhleðslur fallegan svip á rýmið. Frá eldhúsi er útgengi út í pall við framanvert húsið og út á pall á bakhlið hússins. Svefnherbergin eru þrjú. Hjónaherbergið er rúmgott með góðu plássi fyir fataskápa og aðrar hirzlur. Herbergin tvö eru einnig nokkuð rúmgóð en þó án fataskápa. Stofa og borðstofa eru í opnu björtu rými. Þvottahúsið er við innangang íbúðar með flísum á gólfi. Bílskúr / Auka íbúð er frístandandi en þó áfast eigninni. Stærð íbúðar er 35 fm og skiptist í tvö herbergi, eldhúskrók, baðherbergi og stofu.

Þegar byggt var við húsið árið 2000 var þakið tekið í gegn og skjólpallar settir upp fyrir framan og aftan hús. Nýlegar skolp- og neysluvatnslagnir. Rafmagn var tekið fyrir um 5 árum síðan og vat sett ný rafmagnstafla í húsið og inn í bílskúr. Fyrir 2 árum síðan var bílskúr breytt í íbúð, hann klæddur að utan, og á sama tíma var drenið í kringum skúrinn tekið, planið hellulagt og snóbræðslu komið fyrir.

Fallegt og vel viðhaldið hús á besta stað í Kópavogi með fallegu og góðu útsýni. Stutt er í alla helstu þjónustu eins og matvöruverlsun, sundlaug, líkamsrækt og fl. Einnig er mjög stutt í alla náttúru til göngu eða til að njóta útivistar við Nauthólsvík. Kársnesið er mjög fjölskylduvænt hverfi í mikilli uppbyggingu.
Nánari upplýsingar: Heiðar Kristinsson löggiltur fasteignasali 822-4242 eða heidar@borgir.is eða Jóhanna M Jóhannsdóttir í námi til löggildingar 820-0788 johanna@borgir.is