NÁNARI LÝSING: Forstofa er með fatahengi  og gestasnyrtingu  ásamt góðu svefnherbergi. Gengið  áfram inn í skála með góðri lofthæð og fallegum arni, sem settur er náttúrusteini.  Á aðra hönd er stór stofa sem var stækkuð  með því að  opna inn í lítið svefnherbergi sem sýnt er á teikningu.  Úr stofu er útgengi um rennihurð í sólskála með  hita í gólfi og þaðan áfram út í suðurgarð með upphitaðri verönd.  Inn af skála er eldhús með borðkrók og endurnýjaðri eldhúsinnréttingu með tvöföldum ísskáp. Þar inn af er þvottahús með  nýrri innréttingu, geymsluplássi og  útgengi á upphitaða stétt. Gangstígur fyrir framan húsið er sömuleiðis upphitaður. Hins vegar er  herbergjagangur inn af skála með góðu svefnherbergi og stóru hjónaherbergi, sem sameinað var úr tveimur herbergjum, sem sýnd eru á teikningu. Hjónaherbergið er með stórum endurnýjuðum skápum og  útgengi á  stóra  upphitaða verönd mót suðri.  Á ganginum er endurnýjað baðherbergi með sturtu og  góðri innréttingu.

Úr stofu er gengið  upp í rúmlega 20 m2  þakherbergi með gluggum á  fjóra vegu.  Herbergið má nýta sem svefnherbergi, tómstundaherbergi, skrifstofur  o.m.m.fl.

GÓLFEFNI:  Parket á stofu, þakherbergi og svefnherbergjum. Annars flísar.

Bílskúr hússins er 22,5 fm í bílskúralengju vestan megin við hússið. Falleg ræktuð lóð með stórum trjám.  

Að sögn eiganda var járn á þaki endurnýjað f. um  átta árum. Eldhúsinnrétting  var  endurnýjuð fyrir fjórum árum sem og  baðherbergi á herbergjagangi sem var endurnýjað fyrir  tveimur árum. Ofnar hússins voru sömuleiðis  endurnýjaðir fyrir tveimur árum. Komin er viðhaldsþörf á bílskúralengju.

Allar nánari upplýsingar gefur Friðrik Þ. Stefánsson lögmaður í s.616 1313 eða fridrik@miklaborg.is eða Ólafur Finnbogason lgfs. í s. 5697000