Höfði fasteignasala kynnir:

Hringdu núna og bókaðu einkaskoðun, eignin er laus strax.

Til sölu fallegt 400m2 einbýlishús á Arnarnesi. Húsið er á stórri horn lóð, um 1300m2, með fallegu útsýni og fallegur suður garði. Stórt bílaplan og tvöfaldur bílskúr. Frábært innra skipulag með stórri aðalhæð. Aðalhæð með fjórum rúmgóðum, samliggjandi stofum, rúmgóðu holi, eldhúsi með borðkróki og 4 herbergjum, auk hjónasvítu með sér baði og fataherbergi. Einnig eru þvottahús, búr og bakinngangur á hæðinni auk gestasalernis og sér baðherbergis fyrir barnaherbergi.
Gegnheilt parket úr hlyn er á hæðinni allri, auk þess sem allar hurðir eru úr hlyn sem og allar innréttingar. Þrjár sér hannaðar og sérsmíðaðar rennihurðir aðskilja opin rými. Sér hannaður fallegur arinn prýðir miðstofuna, hlaðinn með Drápuhlíðargrjóti.
Neðri hæð var endurnýjuð árið 2015. Hún er með sér inngang, einstaklega stóru, björtu herbergi, rúmgóðu holi, eldhúsi og fallegu baðherbergi. Auðvelt væri að gera sér íbúð þar.

Tvöfaldur bílskúr með lítilli eldhúsinnréttingu og sér klósetti.
Einnig fylgir eigninni sér bílastæði fyrir bakinngang frá austur hlið hússins á Æðarnesi.

Garðurinn er allur sérhannaður með náttúrusteinum og fallegu plöntuúrvali, fallegri verönd ásamt heitum potti.
Hús á frábærum stað með mikla möguleika og einstaklega gott innra skipulag.

Nýtt þak er á öllu húsinu, niðurföll endurnýjuð, sperrur endurnýjaðar og öll einangrun ný. Þetta er vottað frá verkfræðistofunni Verkís 2022-23.
Loftið á aðalhæð er ófrágengið, með það í huga að leyfa nýjum eigendum að hanna lýsingu og lofthæð eftir vild, en það væri hægt að ganga frá því fljótlega.

Neðri hæð var endurnýjuð 2015, (stækkaðir gluggar í stóra rýminu og eldhúsinu, ný gólfefni, nýtt bað, nýtt eldhús og nýjar hurðir)
Vatnslagnir voru endurnýjaðar á norðurhlið hússins 2014, einnig skolplagnir að hluta til sunnan megin, þar sem nauðsynlegt var.
Garður allur endurnýjaður árið 2011, skipt um jarðveg og heitur pottur settur inn, ásamt snjóbræðslu á bílaplani, tröppum og við bakinngang.
Einnig var bílaplan og tröppur endurhannað með náttúrusteini árið 2011.
Allar nánari upplýsingar veitir Ásmundur Skeggjason fasteignasali, as@hofdi.is, Gsm 895 3000.-