Eignin er seld og er í fjármögnunarferli.

Fasteignamarkaðurinn ehf. s: 570-4500 kynnir til sölu einstaklega fallega, bjarta og vel skipulagða 111,5 fermetra 4ra herbergja íbúð á jarðhæð með stórri viðarverönd til suðausturs og stæði í bílageymslu í góðu fjölbýlishúsi með lyftu við Selvað í Reykjavík.   Fasteignamat eignarinnar fyrir árið 2024 er kr. 71.900.000.-

Leikskólinn Rauðhóll er í göngufjarlægð sem og Norðlingaskóli.  Ný matvöruverslun er í hverfinu og útivistarsvæðin í Heiðmörk og Elliðaárdalurinn eru í göngufjarlægð.

Virkilega falleg, vel skipulögð og björt íbúð með um 40 fermetra nýlegri viðarverönd til suðurs og sér bílastæði í bílageymslu.  Eignin getur verið laus til afhendingar fljótlega.

Lýsing eignar:
Forstofa, parketlögð og með fataskápum.
Hol, parketlagt og rúmgott.
Barnaherbergi I, parketlagt og rúmgott með fataskápum.
Barnaherbergi II, parketlagt og rúmgott með fataskápum.
Þvottaherbergi, flísalagt gólf, vinnuborð og hillur.
Baðherbergi, flísalagt gólf og veggir, innrétting, handklæðaofn, vegghengt wc og baðkar með sturtuaðstöðu.
Hjónaherbergi, stórt, parketlagt og með fataskápum.
Eldhús, opið við stofu, parketlagt og með fallegum eikarinnréttingum með tengi fyrir uppþvottavél og eyju með helluborði, háfi yfir og góðum hirslum.
Stofa, parketlögð, björt og rúmgóð með útgengi á stóra og skjólsæla viðarverönd með skjólveggjum og þaðan gengið út á sameiginlega lóð.

Í kjallara hússins eru:
Sér bílastæði í lokaðri og upphitaðri bílageymslu og búið er að leggja að bílastæðinu fyrir rafhleðslustöð.
Sérgeymsla, 7,1 fermetri að stærð og er innaf bílastæði íbúðarinnar.
Sameiginleg hjóla- og vagnageymsla, með útgengi á lóð.

Húsið að utan lítur vel út og sameign er öll mjög snyrtileg og vel umgengin.

Lóðin er fullfrágengin með fjölda malbikaðra bílastæða og hellulögðum stéttum á framlóð og stórri tyrfðri flöt á baklóð.

Staðsetning eignarinnar er mjög góð á eftirsóttum stað þaðan sem mjög stutt er leikskóla, skóla, verslanir, þjónustu og virkilega fallegar gönguleiðir og útivistarsvæði.

Allar nánari upplýsingar veittar á skrifstofu Fasteignamarkaðarins ehf. í síma 570-4500 eða á netfanginu fastmark@fastmark.is