Berglind Hólm lgfs. og RE/MAX kynna: Glæsilegt einbýlishús á einni hæð innst í rólegum botnlanga. Húsið stendur við óbyggt svæði í hrauninu og er því einstaklega skemmtilegt umhverfi við húsið og útsýnið bæði úr stofunni og af veröndinni. Stór timburverönd er á bak við húsið sem snýr í suður með heitum potti og góðum skjólveggjum. Í húsinu eru fjögur góð svefnherbergi, tvö baðherbergi (bæði með baðaðstöðu), stórt alrými sem rúmar setustofu, borðstofu og eldhús, sér sjónvarpshol, þvottaherbergi og rúmgóður bílskúr með geymslu inn af. Húsið er sérlega vel skipulagt og allt í glæsilegasta. Gólfhiti og innfelld lýsing eru í nær öllum rýmum. 
 
Allar nánari upplýsingar veitir Berglind Hólm lögg.fasteignasali í síma 694-4000 eða berglind@remax.is
 
Nánari lýsing:
Lóð umhverfis húsið: Aðkoman að húsinu er sérlega snyrtileg með góðu hellulögðu bílaplani með snjóbræðslu, hlöðnum beðum og hellulagðri uppkomu að húsinu. Hraunið við hlið hússins gefur umhverfinu einstaklega skemmtilegan svip. Umhverfis húsið er svo gras og falleg tré. Á bak við húsið er stór timburverönd með heitum potti og skjólveggjum ásamt því að þar fyrir framan er einnig gras og fallegur gróður. Útsýni yfir á hraunið er af pallinum og lóðinni.
Lýsing eignar:
Forstofa: Komið er inn í forstofu með fallegum gráum flísum á gólfi og góðum fimmföldum fataskáp.
Alrými: Eldhús, borðstofa, setustofa.
Eldhús: Innst í alrýminu er eldhúsið. Innrétting er í U með stórri eyju. Sérlega mikið skápapláss er í innréttingunni og góð vinnuaðstaða. Ofn er í vinnuhæð og gert er ráð fyrir tvöföldum ísskáp. Span helluborð er í eyjunni sem snýr út að borðstofunni. Innréttingin er hvít með gegnheilli viðarborðplötu. Smá setusvæði er við eyjuna og góður gluggi við vaskinn.
Borðstofa + setustofa: Fyrir framan eldhúsið eru borðstofa og setustofa saman í mjög góðu rými. Fallegt harðparket á er á gólfi og gólfsíðir gluggar. Sérlega skemmtilegt útsýni er út um borðstofugluggann sem vísar út í hraunið við hlið hússins. Útgengt er frá setustofunni út á veröndina á bak við húsið. Stofurýmið er sérlega rúmt og rúmar setustofuna, borðstofuna og stóran flygil.
Sjónvarpshol: Inn af stofunni inn á svefnherbergisganginn er gott sjónvarpshol með fallegu harðparketi á gólfi sem flæðir yfir frá alrýminu. Gluggi er í rýminu. 
Aðalbaðherbergi: Baðherbergið er stórt með fallegum gráum flísum á gólfi og hluta af veggjum. Stór sturta er beint á gólf með glervegg. Baðkar er í horni með fallegum gráum flísum í kring. Falleg ljós eikarinnrétting er undir vaskinum og á vegg hjá salerni. Speglaskápur er á vegg fyrir ofan vaskaborðið. Útgengt er út á veröndina frá baðherberginu beint út að heita pottinum. Góðir gluggar eru í rýminu. 
4 x herbergi: í eigninni eru fjögur góð svefnherbergi öll með fallegu harðparketi á gólfi. Þrjú af herbergjunum eru inni á svefnherbergisgangi inn af stofunni og eitt herbergið er inn af forstofunni.  Góðir fataskápar eru í þremur af fjórum herbergjum. 
Baðherbergi nr.2: Inn af forstofunni er annað baðherbergi með sturtu. Hvít innrétting er undir vaskinum og speglaskápur á vegg fyrir ofan vask. Gráar flísar eru á gólfi og opnanlegur gluggi er á vegg fyrir ofan salernið. 
Þvottaherbergi: Á milli íbúðarrýmis og bílskúrs er mjög vel útbúð þvottaherbergi með gráum flísum á gólfi. Mjög góð hvít innrétting er á heilan vegg með góðu skápaplássi og svæði fyrir vélarnar í vinnuhæð. 
Bílskúr: Bílskúrinn er rúmgóður með epoxid lakki á gólfi, sjálfvirkum hurðaopnara, góðum gluggum, gólfhita og heitu og köldu neysluvatni. 
Geymsla: Inn af bílskúrnum er góð geymsla. 

Um er að ræða hús á einstakri staðsetningu miðsvæðis á Völlunum í Hafnarfirði. Fallegur og vandaður frágangur er gegnumgangandi í gegnum bæði hús og lóð. 

Allar nánari upplýsingar veitir Berglind Hólm lögg.fasteignasali í síma 694-4000 eða berglind@remax.is