822
661 Skoðendur
Skráð 25. júl. 2024
Hringbraut 63
144.900.000 kr.
F2076140
107.100.000 kr.
90.720.000 kr.
0 kr.
Arion
banki – Reikna lán
Opið hús: Hringbraut 63, 220 Hafnarfjörður. Eignin verður sýnd þriðjudaginn 30. júlí 2024 milli kl. 17:30 og kl. 18:00.
Lýsing
Heimili fasteignasala og Anna Sigurðardóttir löggiltur fasteignasali s. 898-2017 kynna í einkasölu glæsilega og fjölskylduvæna eign á tveimur hæðum við Hringbraut 63 í Suðurbænum í Hafnarfirði. Fjögur svefnherbergi, tvær stofur, glæsilegt endurnýjað eldhús, tvö baðherbergi og rúmgóður bílskúr með tveimur bílskúrshurðum.
Nánari lýsing efri hæð:
Forstofa: Sameiginlegur inngangur með risíbúð. Flísalagt gólf.
Hol: Rúmgott hol með flísum á gólfi.
Bakinngangur: Gengið úr holi í aðra flísalagða bjarta forstofu sem breyta mætti auðveldlega í herbergi. Fallegir gluggar, glerhurð og tröppur út í fallegan skjólgóðan garð. Svalir til austurs og suður eru við bakinnganginn sem nýttur er í dag sem aðalinngangur.
Svefnherbergi: Bjart og gott herbergi með tveimur gluggum og parketi á gólfi.
Baðherbergi: Flísar á gólfi og veggjum, gluggi, handklæðaofn, innrétting og baðkar.
Eldhús: Sélega rúmgott og bjart, tveir gluggar ný glæsileg hvít innrétting, flísar á gólfi.
Samliggjandi stofur: Sérlega bjartar og rúmgóðar stofur með fallegu parketi á gólfi. Gluggar í þrjár áttir og fallegt útsýni út á sjóinn, að Álftanesi og Reykjanesi.
Geymsla: Lítil geymsla er inn af holi.
Nánari lýsing neðri hæð:
Gengið úr holi niður á neðri hæðina í flísalagt rúmgott hol. Sérinngangur er einnig inn á neðri hæðina.
Á neðri hæð er þrjú mjög stór svefnherbergi og sérlega rúmgott flísalagt baðherbergi með gluggum í tvær áttir. Hornbaðkar, flísalagður sturtuklefi með glerhurð. Handlaug í innréttingu, falleg innbyggð lýsing og sér innrétting þar sem tengi er fyrir þvottavél og þurrkara. Útigeymsla er undir tröppunum við innganginn. Fyrir framan innganginn er hellulögð skjólsæl verönd.
Bílskúrinn sérstæður með tveimur bílskúrshurðum, stærð 36,3 fm. Bílskúrinn var allur endurnýjaður fyrir fáeinum árum , þak einangrað og klætt að innan, þakjárn endurnýjað og raflagnir endurnýjaðar. Bílskúrinn er í dag nýttur sem tónlistar stúdíó. Rúmgóð frágengin innkeyrsla fyrir framan bílskúr tilheyrir eigninni. Lóðin, sem er 568 fm og sameiginleg með risíbúð hússins er falinn fjársjóður með fallegum trjágróðri og nýlegri skjólsælli verönd. Þar hafa oftar en einu sinni verið haldnir tónleikar sem glatt hafa eyrað.
Hér er um að ræða eftirtektarverða eign á eftirsóttum stað þar sem hjarta Hafnarfjarðar slær.
Allar nánari upplýsingar um eignina veitir Anna Sigurðardóttir lgf. S. 898-2017 / netfang as@heimili.is
Hús að utan: Að sögn eigenda hefur húsið fengið gott viðhald í gegnum árin m.a.:
1999: Drenlögn lögð framan við húsið og safnlögn sett upp við bakhlið bílskúrs og leidd út í hraunið.
2000: Innkeyrsla steypt og lagðar hitalagnir undir hana og á sama tíma var sett upp drenlögn þeim megin við húsið.
2001: Þak á bílskúr endurnýjað.
2003: Skipt um þakjárn og þakkantur klæddur með blikki,þakrennur og niðurföll endurnýjuð.
2004: Gluggar og gler endurnýjað, sett háeinangrandi gler og gluggakarmar úr Oregon Pine.
2005: voru svalir bakvið hús steyptar og þá var sett drenlögn á þá hlið hússins auk þess sem niðurföll af þaki voru tengd inn á lögnina, bæði af húsi og bílskúr.
2006: Klóaklagnir endurnýjaðar að hluta og fóðraðar að hluta og nýr brunnur var settur út í lóð. Eins var lögð ný klóaklögn frá brunni og út í götu, en hún hefur enn ekki verið tengd þar sem fyrri lögn er enn í lagi.
2024: Húsið yfirfarið og málað að utan.
Heimili fasteignasala - á traustum grunni frá 2002. Vegna mikillar eftirspurnar á markaði vantar okkur fleiri eignir á söluskrá. Hafið samband í síma 530-6500 eða sendið okkur tölvupóst á heimili@heimili.is og við verðmetum eignina þína þér að kostnaðarlausu.
Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Heimili fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð.
Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.
Gjöld sem kaupandi þarf að standa straum af vegna kaupanna:
1.Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.
3. Lántökugjald lánastofnunar í samræmi við gjaldskrá viðkomandi lánveitanda.
4. Umsýslugjald kaupanda er kr. 79.900.
5. Þegar um nýbyggingu er að ræða greiðir kaupandi skipulagsgjald, 0,3% af endanlegu brunabótamáti, þegar það er lagt á af viðkomandi sveitarfélagi.
Heimili fasteignasala – á traustum grunni frá 2002.
Grensásvegi 3, 108 Reykjavík - Opið frá kl. 9-17 mánudaga til fimmtudaga og 9-16 á föstudögum.
Upplýsingar um starfsfólk má finna á heimasíðu Heimili og á Facebook.
Allar myndir
