Sunnubraut 29, 200 Kópavogur

Löggiltir fasteignasalar innan Félags fasteignasala:

Vilhjálmur Bjarnason

MYNDIR

DEILA

8269

6064 Skoðendur

Skráð 16. mar. 2025

einbýlishús

Sunnubraut 29

200 Kópavogur

217.800.000 kr.

566.892 þ.kr./m²

Fasteignanúmer

F2065467

Fasteignamat

194.350.000 kr.

Brunabótamat

151.800.000 kr.

Áhvílandi

0 kr.

Arion banki – Reikna lán

Upplýsingar

Byggt 1967

384,2 m²

11 herb.

4 baðherb.

6 svefnh.

Þvottahús

Bílskúr

Útsýni

Sérinngangur

Lýsing

Sunnubraut 29. 200 Kópavogur. Hef fengið í einkasölu 28 fm steypt bátaskýli sem stendur á einstaklega vel staðsettri sjávarlóð fyrir neðan götuna og er með frábæru útsýni á góðri suðurlóð við Kópavoginn sjálfan þar sem er ótrúlega skjólgott og stórkostlegt útsýni út á Kópavoginn, Arnarnesið, Arnarnesvog, Lambhúsatjörn, Áltfanesið og Bessastaði og víðar.
Með bátaskýlinu fylgir 356.2 fm einbýlishús á tveimnur hæðum og er bátaskýlið á neðri hæðinni undir bílskúrnum.
Húsið stendur það utarlega á Kársnesinu að það er ekki í endalausri störukeppni við Arnarnesið.

Sunnubraut 29 er einstök sjávarlóð sem stendur hátt sólarmegin við sjóinn jafnvel þó að grafið sé frá húsinu sunnanmegin.
Það er grasivaxin hallandi renna í lóðinni frá bátaskýlinu niður að fjöru næstum því.
Vandað og nett Valmaþak sem passar vel við við Fúnkisstíl hússins var sett á húsið um c.a.2000.
Nýja þakið er með góðri aukaeinangrun og er það fest ofan á útveggina og einnig fest við steypta slétta upprunalega þakið frá 1964.

Nánari upplýsingar og tímapantanir til að fá að skoða þessu miklu eign er hægt að fá hjá Vilhjálmi Bjarnasyni Löggiltum fasteignasala með því að senda tölvupóst á ekkifjarfestir@gmail.com og með SMS í síma 8228183. Opið hús verður auglýst síðar ef þess þarf.
Muna að senda allar fyrirspurnir á ekkifjarfestir@gmail.com því það er eitthvað ólag á villi@vbeignir.is

Það er kominn tími á margt í þessu ógnarstóra húsi en það þarf þá ekki að sjá eftir að henda einhverju nýlegu þegar farið verður í að gera þetta hús að höll.
Það er heldur ekkert að því að flytja bara næstum því beint inn í þetta risastóra hús ef það hentar einhverjum því það er ekki mikið sem er aðkallandi sem þarf að gera en það sem seljendur vita af er talið upp hér annars staðar.
Það er ein rúmgóð 2ja til 3ja herbergja aukaíbúð á neðri hæðinni vestanmegin í dag og einnig eru sitt hvort útleiguplássið í bílskúrnum og í bátaskýlinu sem fasteignasali hefur ekki skoðað þegar söluyfirlit þetta var gert.

Eignin Sunnubraut 29 er skráð sem hér segir hjá FMR: Eign 206-5467, birt stærð 356.2 fm.
Húsið er skráð byggt 1967 hjá fasteignaskrá HMS og er það sagt vera 328.2 fm einbýlishús á tveimur hæðum sem skiptist í 164.7 fm á efri hæðinni og 163.5 fm neðri hæð ásamt 28 fermetra bílskúr sem gerir samtals uppgefna 356.2 fermetra.
Þar að auki er áðurnefnt óskráð bátaskýli undir bílskúrnum og er það samkvæmt því líka 28 fm þannig að heildarfermetratala hússins með bátaskýlinu er því 384.2 fm.

Á einni teikningunni sem er með eigninni á netinu er ég búinn að setja fram hugmynd af breyttu og miklu fallegra útliti ásamt betri nýtingu á öllum þessum 284.2 fm.
Hugmyndin snýst um að grafa frá húsinu vestan og sunnan megin þannig að húsið fái að njóta sín og ná einnig með því betri tengingu beggja hæða hússins við frábæran suðurgarðinn þar sem er ótrúlega skjólgott og stórkostlegt útsýni út á Kópavoginn sjálfan, Arnarnesið, Arnarnesvog, Lambhúsatjörn, Áltfanesið og Bessastaði og miklu, miklu víðar.
Þegar búið er að grafa frá húsinu að sunnan- og vestanverðu þá er tilvalið að setja þar risastóra suðurverönd beint út frá gólfhæð neðri hæðarinnar sem væri til dæmis gerð úr timbri, plasttimbri í fallegum lit eða steypt með litaðri steypu og þá væri hægt að steypa þar bæði stóran heitan pott og góðan kaldan pott ásamt einhverjum föstum setu- og sólbekkjum og skjólveggjum.
Auðvitað gera nýjir eigendur eins og þeir vilja við þetta frábærlega vel staðsetta hús.

Um upplýsingarskyldu eigenda og seljenda: Lögum samkvæmt eiga seljendur að veita væntanlegum kaupendum og fasteignasala upplýsingar um eignina og hugsanlega galla eða annað sem hann veit um og skipt getur máli fyrir kaupendur að vita fyrir ákvörðun um kaup á eign almennt og í samræmi við upplýsingaskyldu laga og þar á meðal laga um fasteignakaup.
Upplýsingar frá seljendum varðandi það sem þau muna eftir til að segja frá varðandi húsið. 1: Gamli olíutankurinn er ennþá niðurgrafinn við norð- austur hornið á efri hæðinni við bílastæðið.  2. Gler og gluggar er upprunalegt en það hefur einhvern tímann verið skipt um 3 stór gler á efri hæðinni. 3. Ofnalagnir: Koparlagnir í ofnalögnum að hluta á báðum hæðum sem þarf að skipta út. Lögn á milli herbergis og bílskúrs á efri hæð lokuð eftir leka. Hitastillar ofna í forstofu og v.m. undir stóra suðurglugganum í stofunni uppi eru bilaðir.  4. Stamminn, frárennslislögnin fyrir skólpið út frá þvottahúsi neðri hæðar var myndaður fyrir einhverju síðan og er óþéttur. Beðið eftir tilboði í fóðringu lagna.  5. Þakrenna á bílskúr ónýt. 6. Parket á efri hæðinni er skemmt á nokkuð mörgum stöðum en það er frekar nýlegt og mögulega er hægt að pússa það upp og lakka eða olíubera það aftur. Parket er sennilega ónýtt í herberginu við hlið baðherbergis efri hæðar eftir leka frá ofnalögn sem búið er að loka fyrir.  7. Flísar í þvottaherbergi á efri hæð eru lausar.  8. Rafmagnstaflan, lagnir og rofar hússins er allt upprunalegt en eitthvað búið að fara yfir það í bátaskýlinu og þvottahúsi í kjallara en þó þarf að skoða það líka þar.
Um skoðunar- og aðgæsluskyldu kaupenda:   Í lögum um fasteignakaup er kveðið á um ríka skoðunarskyldu kaupenda á fasteignum og sérstaklega þegar um eldri eignir er að ræða.
VB Eignir fasteignasala bendir væntanlegum kaupendum á að kynna sér vel ástand eigna við skoðun og fyrir tilboðsgerð og að leita til sérfræðinga um nánari ástandsskoðun ef þeir telji þörf á því. Forsendur söluyfirlits: Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru m.a. sóttar í opinberar skrár, til eiganda eignarinnar og eftir atvikum til húsfélags.
Fasteignasali skoðar eignina með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.