Dalprýði 13, 210 Garðabær

Löggiltir fasteignasalar innan Félags fasteignasala:

Sverrir Kristinsson

Kjartan Hallgeirsson

Guðlaugur Ingi Guðlaugsson

Daði Hafþórsson

Gunnar Helgi Einarsson

Gunnar Bergmann Jónsson

Lilja Guðmundsdóttir

Jenný Sandra Gunnarsdóttir

Ingimar Óskar Másson

Kári Sighvatsson

Jenný Sif Ólafsdóttir

MYNDIR

DEILA

5970

4493 Skoðendur

Skráð 9. maí. 2025

einbýlishús

Dalprýði 13

210 Garðabær

350.000.000 kr.

1.023.392 þ.kr./m²

Fasteignanúmer

F2315005

Fasteignamat

252.150.000 kr.

Brunabótamat

170.500.000 kr.

Áhvílandi

0 kr.

Arion banki – Reikna lán

Upplýsingar

Verðsaga

Byggt 2013

342 m²

6 herb.

3 baðherb.

4 svefnh.

Þvottahús

Bílskúr

Lýsing

Eignamiðlun kynnir:

Eignamiðlun og Ólafur H. Guðgeirsson, MBA, lgfs., kynna: Einstakt einbýlishús í jaðri byggðar í enda Dalprýði, þar sem lóðin liggur að ósnertu hrauni. Þess er gætt að lóðin, sem er 821,8 fermetrar, falli vel að umhverfinu. Óheft útsýni yfir nyrsta hluta Garðahrauns allt til Bessastaða og sjávar þar sem sólsetrið og Snæfellsjökull njóta sín til fulls. Húsið er sérlega glæsilegt, hannað af Pálmari Kristmundssyni arkitekt með mikilli lofthæð í meginrýmum, glæsilegum póstalausum útsýnisgluggum og skjólsælum sólpöllum þar sem húsið myndar hálfhring um útisvæðið sem snýr til suðurs. Sérstaklega er horft til staðsetningar, náttúru og umhverfis við hönnun hússins til að glæsilegt útsýnið njóti sín sem best. Húsið er byggt á þremur pöllum, sem tryggir að svefnrými eru mjög prívat en um leið með góðu aðgengi að sameiginlegum rýmum. Mikil lofthæð, gott pláss, mikil birta og glæsileg hönnun einkenna húsið, en innanhússhönnun var í höndum Sæju. Prýðahverfið er sérlega friðsælt en um leið ákaflega vel staðsett með tilliti til t.d. skóla en stutt er í bæði Flataskóla, Garðaskóla og Sjálandsskóla. Sömuleiðis er stutt í alla helstu þjónustu í Garðabæ, Hafnarfirði og á Álftanesi. Fjölda gönguleiða má finna allt um kring þar sem stutt er í óspillta náttúruna. Húsið er skráð samkvæmt fasteignamati 312 fermetrar en til viðbótar eru 32 fermetrar óskráðir, þannig að húsið er í raun 342 fermetrar.

Allar upplýsingar veitir Ólafur H. Guðgeirsson, MBA, lgfs., í síma 663-2508 eða olafur@eignamidlun.is sem einnig sýnir eignina. Hringið og bókið einkaskoðun og fáið send gögn - ekki verður haldið opið hús á eigninni.

Húsið lætur frekar lítið yfir sér frá götunni séð, fáir gluggar snúa í þá áttina en zink-klædd efri hæð hússins setur svip á aðkomuna. Húsið er að mestu klætt að utan með vandaðri zink-klæðningu frá Vík blikksmiðju. Bílastæði er framan við húsið með plássi fyrir nokkra bíla. Gengið er inn af bílastæði inná neðsta pall hússins þar sem gluggaveggur er inndreginn undir efri hæði hússins. Komið er inn í bjarta og rúmgóða forstofu með mjög stórum flísum á gólfi, gluggar frá gólfi til lofts á tveimur veggjum, steyptur veggur til vinstri með dyrum að bílskúr og sérlega fallegir veggir klæddri reyktri eik, með stórum innbyggðum skápum, á hægri hönd. Allar innréttingar hússins, skápar, innihurðir, hillur, klæðningar og annað er hannað af Sæju og sérsmíðað úr reyktri eik.

Við enda forstofurýmisins er stigi upp á annan pall, þar sem er alrými hússins, stofur og eldhús í einu glæsilegu en um leið einstaklega hlýlegu rými. Sömu glæsilegu flísar flæða frá inngangi og forstofurými upp stigann og um allt alrýmið. Lofthæð alrýmis er fjórir metrar, gólfsíðir gluggar eru á tvo vegu og arinveggur í enda klæddur reyktri eik að hluta ásamt föstum hillum í sama efni, með flísalagðri arinhillu með marmaraáferð eftir endilöngum veggnum. Arininn er eftirtektarverður, klæddur með svörtu stáli og hannaður og smíðaður af Jóni Eldon í samvinnu við BlikkásFuna. Birta úr tveimur áttum, hljóðklæðning í lofti og náttúrlegt umhverfi alveg við stofugluggann býr til einstaklega notalegt, hlýlegt en um leið glæsilegt rými. Hægt er að opna gólfsíða glugga úr stofu út á sólpall til vesturs ásamt opnun út á aðalverönd hússins til suðurs.

Í enda alrýmis á hægri hönd frá stiga er glæsilegt eldhús, dökkgrá innrétting á heilum vegg með dökkri steinplötu á borði og vegg og undirfelldum vaski með Hansgrohe blöndunartækjum, og fjögra metra löng ljósgrá eldunareyja með ljósri granítplötu og flísar með marmaraáferð framan á þeirri hlið sem setið er við, en fjórir geta setið við eyjuna. Í vegginnréttingu eru innfeldir Miele eldunrtæki í vinnuhæð, tveir ofnar og einn örbylgjuofn, ásamt innfelldum Liebherr ísskáp. Í eyjunni er stórt span-helluborð og innfelldur gufugleypir frá Miele. Gólfsíðir gluggar á stofuvegg andspænis eldhúsinnréttingu tryggja mikla birtu og stórkostlegt útsýni. Við stiga milli hæða, nærri enda eyjunnar, er gengið út á verönd hússins en birta flæðir einnig um rýmið úr þeirri átt. Veröndin, sem smíðuð er úr Cumaro harðvið, með innfelldri lýsingu og niðurteknum heitum potti, er skjólsæl og afar glæsileg með nægu plássi fyrir garðhúsgögn og grill.

Gengið er upp stiga með viðarþrepum úr stofu á þriðja pall, þar sem eru tvö rúmgóð herbergi bæði með sérsmíðuðum innréttingum, baðherbergi, rúmgott flísalagt þvottahús og hjónasvíta með fataherbergi og sér baðherbergi. Þvottahúsið hefur verið stækkað um 12 fermetra, sem ekki eru skráðir í fermetratölu hússins. Baðherbergin á hæðinni eru flísalögð með stórum gráum flísum, marmaramunstraður steinn á borðum og framan á baðkari í meginbaðherbergi, göngusturtum, innfelldum Vola blöndunartækjum, vegghengdum klósettum, stórum speglum, innréttingum úr reyktri eik og vandaðri lýsingu. Hjónaherbergi er stórt og rúmgott, með fataherbergi innaf, allar innréttingar sérsmíðaðar úr reyktri eik, rennihurð fyrir baðherbergi og einstaklega glæsilegum hornglugga þar sem er útsýni yfir allt Reykjanes frá Bláfjöllum.

Á neðsta palli hússins er þriðja baðherbergið, innréttað með saman hætti og baðherbergin á þriðja palli. Einnig stór „unglingsvíta“ með stórum fataskápum. Dyr eru úr forstofurými í 40 fermetra bílskúr, en innaf bílskúrnum er rúmlega 20 fermetra geymsla sem ekki er skráð í fermetratölu hússins.

Sem fyrr segir er arkitekt hússins Pálmar Kristmundsson sem hlotið hefur margskonar viðurkenningar fyrir hönnun sína. Innanhússhönnun var í höndum Sæju, en innréttingar í eldhúsi eru hannaðar af Guðrúnu Atladóttur og smíðaðar hjá SBS innréttingum. Eldhúsitæki eru Miele og Leibherr frá Eirvík, blöndunartæki í eldhúsin frá Hansgrohe. Flísar eru ítalskar Mirage frá Vídd. Postulín á böðum er frá Kaldewei og blöndunartæki á böðum eru Vola frá Tengi. Gluggar og rennihurðir úr stofu á sólpalla eru úr áli frá Reynares, gler er sólvarnar-speglagler frá Íspan. Utanhússklæðning er handsmíðuð úr endurvinnanlegu zinki. Þak er úr stáli, einangrað með steinull og klætt með Sarnofil þakdúk.

Hér er um að ræða einstaka eign, frábærlega staðsetta með stutt til allra átta en þó í jaðri byggðar, við friðlandið í Gálgahrauni þar sem hönnun hússins tryggir að umhverfi og útsýni njóti sín sem allra best. Eign sem verður að skoða til að gæði hennar skili sér fullkomlega. Eingöngu sýnt í einkasýningu – bókið skoðun í síma 663-2508.

Kostnaður kaupanda af kaupum:
1. Stimpilgjald af kaupsamningi er fyrir einstaklinga 0,8% af heildarfasteignamati eignar. Sé um fyrstu kaup að ræða er stimpilgjald af kaupsamningi 0,4% af heildarfasteignamati.
2. Stimpilgjald af kaupsamningi fyrir lögaðila er 1,6% af heildarfasteignamati eignar.
3. Þinglýsingargjald af kaupsamningi, afsali, veðskuldabréfi, veðleyfi og mögulega fleiri skjölum. - kr. 2.500 af hverju skjali.
4. Lántökugjald lánastofnunar - samanber gjaldskrá viðkomandi lánastofnunar.
5. Umsýslugjald til fasteignasölu samkvæmt kaupendasamningi.
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu seljanda samanber 26.gr. laga nr.40/2002 um fasteignakaup og 25.gr. laga nr.26/1994 um fjöleignarhús. Eignamiðlun fasteignasala bendir fasteignakaupendum á ríka skoðunarskyldu kaupenda sem kveðið er á í lögum um fasteignakaup nr.40/2002. Kaupanda er bent á að nýta sér þjónustu fagmanna við skoðun fasteigna, en mælt er með því að kaupendur fasteigna fái óháðan fagaðila til að framkvæma formlega ástandsskoðun á eignum sem gert er tilboð í.
Eignamiðlun fasteignasala | Grensásvegur 11 | 108 Reykjavík | Sími 588 9090 | www.eignamidlun.is

***
Ábyrg þjónusta í áratugi. Eignamiðlun var stofnuð 1957 og er elsta starfandi fasteignasala á Íslandi. Reynsla, heiðarleiki og þekking á fasteignamarkaðnum eru grunnur að farsælum viðskiptum.

Eignamiðlun Grensásvegi 11, 108 Reykjavík - Opið frá kl. 9-17 mánudaga til fimmtudaga og 9-16 á föstudögum.

Heimasíða Eignamiðlunar

Eignamiðlun á Facebook