1219
958 Skoðendur
Skráð 5. jún. 2025
Nesbali 54
235.000.000 kr.
F2068001
165.000.000 kr.
120.300.000 kr.
0 kr.
Arion
banki – Reikna lán
Lýsing
Miklaborg kynnir: Mikið uppgert og fallegt einbýlishús á einni hæð vestast á Seltjarnarnesi. Húsið er með 2-3 rúmgóðum svefnherbergjum, innbyggðum bílskúr og góðri geymslu. Eignin er á rólegum stað innarlega í botnlanga og stutt í náttúruna. Allar breytingar og innréttingar hannaði Haraldur Örn Jónsson arkitekt hjá Andrúm arkitektar.
Uppgerðir felast m.a. í að skipt hefur verið um þak, raflagnir endurnýjaðar, skólplagnir undir húsi endurnýjaðar og skipt um eldhús. Bæði baðherbergin hafa verið gerð upp, sólpallur stækkaður, nýlegt gróðurhús er í garði (sjá nánar aftar í lýsingu)
BÓKIÐ SKOÐUN HJÁ VIÐARI BÖÐVARSSYNI, viðskiptafræðingi og lögg. fast.: vidar@miklaborg.is SÍMI 694 1401
Nánari lýsing: Eignin skiptist í: Tvö góð svefnherbergi, anddyri, borðstofu, stofu, eldhús, þvottahús, tvö baðherbergi, gestasnyrtingu og bílskúr.
Anddyri með flísum á gólfi, frá því er gengt í góða gestasnyrting með sturtu, innréttingu og glugga og í svefnherbergi.
Stofa og borðstofa eru samliggjandi við eldhús og mynda góða opna heild, með parketi á gólfi. Útgengt er út stóran fallegan sólpall, þar sem er heiturpottur og gott gróðurhús. Af sólpalli er inngangur í bílskúr og í aðalbaðherbergi.
Eldhúsið er rúmgott með góðu skápaplássi og fallegri viðarinnréttingu, Gaggenau spanhelluborð í eyju með innbyggðum gufugleypi, Siemens ofn er í vinnuhæð.
Innaf eldhúsi er gott herbergi, sem nýtist sem vinnuherbergi eða gæti verið gott fyrir ungling.
Á herbergisgangi er: Gott þvottahús, baðherbergi með baðkari, sturtuklefa, innréttingu og útgangi á sólpall.
Gott hjónaherbergi og fataherbergi
Í svefnherbergjum hússins er loftræsting sem tryggir góð loftgæði. Hiti í gólfum ásamt miðstöðvarofnum sem hita upp við gólfsíða glugga.
Húsið er hellulagt var að framanverðu og lagnir fyrir hita settar í bílaplan og inngang að eigninni.
Bílskúr er upphitaður með vatni og rafmagni.
Bókið skoðun: vidar@miklaborg.is, s. 694-1401
Lýsing eiganda á framkvæmdum: Húsið var gert algjörlega upp á árunum 2022 og 2023. Allar breytingar og innréttingar hannaði Haraldur Örn Jónsson arkitket hjá Andrúm arkitektum. Herbergjaskipan og skipulagi rýmis var breytt og allar innri klæðningar endurnýjaðar. Allar raflagnir og raflagnakerfi frá inntaki og til síðasta enda voru endurgerðar og sama má segja um allar pípulagnir í húsinu. Sett var gólfhitakerfi í allt húsið og sérstakir port – eða gólfofnar í stofurými sem er ætlað að taka sveiflur í hitastigi án þess að sveifla þurfi gólfhita. Í svefnherbergjum var komið fyrir loftræstikerfi sem endurnýjar loft og heldur niðri hita í svefnherbergjum. Allar innihurðir og innréttingar voru endurnýjaðar. Að stofni til og það sem snýr að alrými og aðalbaðherbergi er sérhannað og sérsmíðað en almennar innréttingar í fataherbergi, þvottaherbergi og bryggers eru frá HTH. Allar útihurðir eru nýjar og nánast allir gluggar allt frá Velfac en bílskúrshurðir frá Héðni. Þá var skipt um klæðningu á þaki og þakrennur allar. Þakkanti hússins var breytt og lokaðir rennukassar fjarlægðir. Garði hússins var lokað og bætt við timburpöllum og hellulögðu svæði með hitalögnum þar sem m.a. var komið fyrir gróðurhúsi. Þá var settur heitur pottur og útgangur úr aðalbaðherbergi sem opnast rétt við pottinn. Sorptunnugeymslur voru endurnýjaðar og reistar nýjar útigeymslur.
Allar myndir
