662
509 Skoðendur
Skráð 12. sep. 2025
Blönduhlíð 21
123.000.000 kr.
F2031190
93.600.000 kr.
71.290.000 kr.
0 kr.
Arion
banki – Reikna lán
Lýsing
Íbúðin sjálf er mikið til upprunalega að innan en afar vel um gengin - húsið sjálft hefur fengið gott viðhald m.a. verið endursteinað, skipt um glugga ofl.
Eignin er skráð 168,5 fm. en skiptist í íbúð á hæð með sérinngangi (118,4 fm), gott herbergi á jarðhæð (15, 3 fm) með sér salerni (1,3 fm), geymslu (6,2 fm) og bílskúr sem er 27,3 fm.
Nánari lýsing; Komið er inn í flísalagða forstofu með fatahengi. Frá forstofu er hurð niður í sameign annarsvegar og inn í íbúðina sjálfa hinsvegar.
Rúmgott hol með sérsmíðuðum, innfelldum skáp tengist öllum öðrum vistarverum íbúðarinnar.
Stórar og bjartar, samliggjandi stofur eru með fallegum listum við loft og gluggum í suður, opið er á milli stofanna en falleg gler-rennihurð setur svip á rýmin.
Eldhús er rúmgott í sér rými, þar er eldri innrétting með góðu skápa- og bekkplássi, stór gluggi með opnanlegu fagi tryggir birtu og góð loftskipti, pláss er fyrir notalegan borðkrók.
Svefnherbergi eru 2-3.
Hjónaherbergi er rúmgott með innbyggðum fataskápum.
Barnaherbergi er stórt en léttur veggur eða skilrúm hefur skipt því í tvennt.
Baðherbergi er flísalagt með baðkari, innréttingu og salerni, góður gluggi með opnanlegu fagi.
Íbúðin er öll afar vel um gengin og ber þess merki að vel hafi verið hugsað um eignina en hún hefur verið í eigu sömu aðila í rúma 6 áratugi.
Í sameign á jarðhæð er stórt herbergi (15,3 fm) sem upphaflega var hugsað sem tvær geymslur en lengst af verið sameinað og notað sem íverurými. Í sameigininni er snyrting með salerni og handlaug sem aðeins tilheyrir þessari eign, hún kemur ekki fram á teikningu en er undir stiganum. Auk þess fylgir geymsla 6,2 fm. með glugga og hillum.
Í sameigninni er auk þess rúmgott sameiginlegt þvottahús þar sem hver íbúð er með sína þvottavél/þurrkara.
Sameignin er afar snyrtileg og sér inngangur býður upp á ýmsa möguleika varðandi nýtingu á herberginu.
Bílskúrinn er sérstæður, 27,3 fm. með heitu og köldu vatni og rafmagni, þar eru gluggar og nýlegur ofn. Fyrir framan bílskúrinn er hæglega pláss fyrir 3 bíla.
Húsið er fallegt og reisulegt, það var endursteinað 2008-9.
Allar frekari upplýsingar um eignina veitir Þóra Birgisdóttir Lögg. fasteignasali í s. 777-2882 eða thora@esjafasteignasala.is
Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Esja fasteignasala ehf. bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.
Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.
Gjöld sem kaupandi þarf að standa straum af vegna kaupanna:
Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup m.v. að lágmarki 50% eignarhlut) og 1,6% fyrir lögaðila.
Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.
Lántökugjald lánastofnunar. Um lántökugjald vísast í gjaldskrá viðkomandi lánveitanda.
Umsýsluþóknun fasteignasölu skv. gjaldskrá.
Ef um nýbyggingu er að ræða greiðir kaupandi skipulagsgjald, 0,3% af brunabótamati, þegar það er lagt á.
Esja fasteignasala
Allar myndir
