Kleifarsel 39, 109 Reykjavík

Löggiltir fasteignasalar innan Félags fasteignasala:

Sverrir Kristinsson

Kjartan Hallgeirsson

Guðlaugur Ingi Guðlaugsson

Daði Hafþórsson

Gunnar Helgi Einarsson

Gunnar Bergmann Jónsson

Lilja Guðmundsdóttir

Jenný Sandra Gunnarsdóttir

Kári Sighvatsson

MYNDIR

DEILA

5842

4573 Skoðendur

Skráð 7. nóv. 2025

einbýlishús

Kleifarsel 39

109 Reykjavík

145.900.000 kr.

666.514 þ.kr./m²

Fasteignanúmer

F2056162

Fasteignamat

107.750.000 kr.

Brunabótamat

97.260.000 kr.

Áhvílandi

0 kr.

Arion banki – Reikna lán

Upplýsingar

Byggt 1982

218,9 m²

5 herb.

Bílskúr

Lýsing

Eignamiðlun kynnir:

Einstaklega notalegt og vel um gengið fjölskylduhús á tveimur hæðum með bílskúr við Kleifarsel. Húsið er skráð samtals 218,9 fermetrar, en þar af er bílskúr skráður 27,4 fermetrar. Neðri hæð hússins er skráð 109,5 fermetrar og efri hæðin 82 fermetrar en er talsvert undir súð, en porthæð á efri hæðinni er 1.10 m. Húsið er „keðjuhús“ og tengist næsta húsi að hluta, en hefur alla eiginleika einbýlis þrátt fyrir nálægð við önnur hús í klasanum. Lóðin er mjög gróin og með hellulögðum veröndum, en lóðin og húsið er hluti af hverfi eða klasa 24 svipaðra húsa með sameiginlegri lóð þar sem eru leiksvæði og útisvæði. Hverfið var á sínum tíma byggt sem tilraunareitur á vegum borgarinnar. Húsin eru sameinuð í húsfélagi og sér stjórn húsfélagsins um umsýslu á svæðinu samkvæmt ályktun aðalfundar. Húsgjaldið var um 30 þúsund á árinu 2025, sem er kostnaður við sameiginlega lóð. Svæðið allt er sérlega skemmtilegt, vel gróið og barnvænt, stutt frá skóla svo ekki þarf að fara yfir umferðargötu, stutt í íþróttahús og ýmsa þjónustu. Húsið er til afhendingar þann 1.mars 2026. Eign sem vert er að skoða.

Eignin verður eingöngu sýnd í einkasýningu. Allar upplýsingar veitir Ólafur H. Guðgeirsson, MBA, lgfs., í síma 663-2508 eða olafur@eignamidlun.is

Lagt er á bílastæðum í jaðri hverfisins, þar sem einnig eru bílskúrar (allra) húsa á neðra svæði og gengið stuttan spotta inn í hverfið eftir göngustíg. Húsin standa í kringum grænt miðsvæði þar sem eru leiktæki og sólpallar með skjólveggjum. Húsin eru timburhús á steyptri plötu og með steyptum veggjum að hluta, til dæmis kringum stigaganga, forstofur í tengibyggingum og milli eldhúss og stofu þar sem arin er á steyptum vegg.
Gengið er inn í forstofu, á þeirri hlið hússins sem snýr að miðsvæðinu og göngustígnum. Í forstofu er fataskápur með fatahengi, fallegar upprunalegar leirflísar á gólfum.
Úr forstofu er gengið í rúmgott og bjart hol, þar sem þvottahús með geymslu innaf, snyrting og stigi að efri hæð eru á hægri hönd, breiðar dyr inn í stórt eldhús til vinstri og opið í stofur beint framundan. Á forstofu, holi, gestasalerni og eldhúsi eru mjög smekklegar upprunalegar leirflísar, en nýtt teppi er á stofu- og borðstofugólfi ásamt stiga. Holið og stofur mynda opna og bjarta heild með nægu rými, en í stofu eru bjartir og stórir gluggar á tveimur veggjum, með útgengi út á verönd í garði í enda setustofu. Burðarbitar hússins eru sjáanlegir í lofti og að hluta í veggjum, og setja mikinn og hlýlegan svið á rýmin. Stór arin er á vegg í setustofu, með flísum á gólfi en múrsteinar og timbur setur svip á arininn. Eldhús er óvanalega stórt og eins og önnur rými mjög vistlegt og hlýlegt, með björtum gluggum, stórri innréttingu með miklu vinnuplássi, skrifborð/vinnuborð í enda rýmis. Þaðan er einnig gengið út á pall.
Stigi til efri hæðar er steyptur, teppalagður með Velux þakglugga yfir. Á efri hæð eru hjónaherbergi, tvö aukaherbergi, baðherbergi og stór sjónvarps/fjölskylduými sem auðvelt er að breyta í herbergi. Svalir eru á báðum endum hússins og eru svaladyr í hjónaherbergi og fjölskyldurými. Mikil lofthæð er á efri hæðinni, þar sem hæðin á risinu er nýtt til fulls til að auka lofthæðina. Gluggar eru efst í báðum stöfnum hússins, sem veita birtu inn og yfir rýmin. Allt loftið er klætt með einstaklega hlýlegri upprunalegri viðarklæðningu, sem setur mikinn svip á öll rými efri hæðar. Á gólfum efri hæðar, að frátöldu baðherbergi, er ljóst viðarparket. Baðherbergi er flísalagt, gólf og veggir að hálfu, með viðarinnréttingu, baðkari og sturtuklefa.
Bílskúr er í lengju við götuna, þar sem bílskúrar húsanna eru. Bílskúrinn er rúmgóður endabílskúr, með gluggum á tveimur veggjum og geymslulofti yfir.
Þak hússins var málað fyrir fimm árum og veggir fyrir fjórum árum. Allmargar rúður voru að sögn seljanda endurnýjaðar árið 2024, skipt var um ofn í eldhúsi árið 2025, eldhústæki endurnýjuð 2022 og 2024. Nýtt teppi á stiga 2024 og nýr sturtuklefi á baði 2025.

Einstaklega notalegt og vel staðsett fjölskylduhús sem vert er að skoða, á rólegum stað en samt í næsta nágrenni við skóla og útveru.

Kostnaður kaupanda af kaupum:
1. Stimpilgjald af kaupsamningi er fyrir einstaklinga 0,8% af heildarfasteignamati eignar. Sé um fyrstu kaup að ræða er stimpilgjald af kaupsamningi 0,4% af heildarfasteignamati.
2. Stimpilgjald af kaupsamningi fyrir lögaðila er 1,6% af heildarfasteignamati eignar.
3. Þinglýsingargjald af kaupsamningi, afsali, veðskuldabréfi, veðleyfi og mögulega fleiri skjölum - kr. 2.500 af hverju skjali.
4. Lántökugjald lánastofnunar - samanber gjaldskrá viðkomandi lánastofnunar.
5. Umsýslugjald til fasteignasölu samkvæmt kaupendasamningi.
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu seljanda samanber 26.gr. laga nr.40/2002 um fasteignakaup og 25.gr. laga nr.26/1994 um fjöleignarhús. Eignamiðlun fasteignasala bendir fasteignakaupendum á ríka skoðunarskyldu kaupenda sem kveðið er á í lögum um fasteignakaup nr.40/2002. Kaupanda er bent á að nýta sér þjónustu fagmanna við skoðun fasteigna, en mælt er með því að kaupendur fasteigna fái óháðan fagaðila til að framkvæma formlega ástandsskoðun á eignum sem gert er tilboð í.
Eignamiðlun fasteignasala | Grensásvegur 11 | 108 Reykjavík | Sími 588 9090 | www.eignamidlun.is

***
Ábyrg þjónusta í áratugi. Eignamiðlun var stofnuð 1957 og er elsta starfandi fasteignasala á Íslandi. Reynsla, heiðarleiki og þekking á fasteignamarkaðnum eru grunnur að farsælum viðskiptum.

Eignamiðlun Grensásvegi 11, 108 Reykjavík - Opið frá kl. 9-17 mánudaga til fimmtudaga og 9-16 á föstudögum.

Heimasíða Eignamiðlunar

Eignamiðlun á Facebook