Löggiltir fasteignasalar innan Félags fasteignasala:
Sverrir Kristinsson
Kjartan Hallgeirsson
Guðlaugur Ingi Guðlaugsson
Daði Hafþórsson
Gunnar Helgi Einarsson
Gunnar Bergmann Jónsson
Lilja Guðmundsdóttir
Jenný Sandra Gunnarsdóttir
Kári Sighvatsson
7732
6628 Skoðendur
Skráð 15. des. 2025
fjölbýlishús
Flyðrugrandi 20
107 Reykjavík
114.900.000 kr.
878.440 þ.kr./m2
Fasteignanúmer
F2025641
Fasteignamat
86.450.000 kr.
Brunabótamat
76.050.000 kr.
Áhvílandi
0 kr.
Arion
banki – Reikna lán
Upplýsingar
Byggt 1979
130,8 m²
5 herb.
1 baðherb.
2 svefnh.
Þvottahús
Sameiginl. inngangur
Lýsing
Eignamiðlun kynnir:
Sérlega hlýleg og falleg, mikið endurnýjuð og vel skipulögð þriggja til fimm herbergja á efstu hæð á eftirsóttum stað við Flyðrugranda í Vesturbænum. Sólríkar vestursvalir eru út af sjónvarpsrými og stórar suðaustursvalir frá stofu sem njóta morgunsólar. Tvö rúmgóð svefnherbergi en auðvelt að bæta við því þriðja, glæsilegt opið eldhús, mjög fallegt baðherbergi. Eignin er skráð 130,8 fermetrar, en þar af er geymsla á jarðhæð 5 fermetrar.Allar upplýsingar veitir Ólafur H. Guðgeirsson, MBA, lgfs., í síma 663-2508 eða olafur@eignamidlun.is sem einnig sýnir eignina.
Íbúðin er staðsett í eftirtektarverðum hringlaga fjölbýlishúsum við KR-völlinn í vesturbænum. Íbúðirnar eru bjartar og snúa vel við sólu, og stórar svalir eru á öllum íbúðum. Næg bílastæði eru bæði við húsið og við bílskúralengju sem tilheyrir húsinu, en einnig hafa verið útbúin nokkur rafhleðslustæði.
Komið er inn í snyrtilegan stigagang þar sem er rými til að geyma barnavagna. Á jarðhæðinni eru einnig geymslur sem tilheyra íbúðunum, stór hjólageymsla með útgengi út í garð og fundarherberg/setustofa sem húsfélagið nýtir, en á hverri hæð eru síðan þvottahús fyrir hæðina þar sem hver íbúð er með sínar vélar.
Í íbúðinni er komið inn í gang eða skála þar sem herbergi eru til vinstri, stór fataskápur á hægri hönd og opið til hægri í eldhús og stofu, og opið í enda gangs til sjónvarpsrýmis sem er hluti af stofu. Stórar bókahillur setja mikinn svip á rýmið, en bókahillur og fataskápur í gangi eru úr rauðeik eins og allur viður í íbúðinni. Svefnherbergi íbúðarinnar eru til vinstri úr gangi, tvö mjög rúmgóð og björt herbergi þar sem áður voru þrjú herbergi. Í báðum herbergjum eru stórir hvítlakkaðir fataskápar, en gluggar í herbergjunum ná milli veggja og veita mikilli birtu inn auk þess að bjóða uppá gott útsýni. Til hægri úr gangi er baðherbergi á vinstri hönd en opið í eldhús og stofu. Eldhúsið var stækkað og bætt við eyju á árinu 2020. Eldhúsið er afar glæsilegt, opið með eldunareyju og innréttingu og skápum til lofts, hvítt og rauðeik með granít borðplötum. Árný Þórarinsdóttir hjá Stáss arkitektar sá um breytinguna á eldhúsinu. Eldhúsið og stofa eru í einu opnu og björtu alrými, með stórum gluggum á heilum vegg. Breiðar skjólsælar svalir, 16 fermetrar, eru meðfram öllum glugganum sem snýr til suðausturs inn í garð hússins. Í enda stofu fjærst eldhúsi er rúmgott sjónvarpsrými. Áður var svefnherbergi þar sem sjónvarpsrýmið er og væri auðvelt að bæta við herberginu aftur þó breytingin komi mjög vel út. Svalir eru útfrá sjónvarpsrými, snúa til vesturs og bjóða uppá gott útsýni, jafnvel til sjávar ef vel er að gáð.
Núverandi eigendur hafa gert miklar endurbætur á eigninni frá því að þau eignast hana 2001. Á allri íbúðinn er olíuborið parket, rauðeik, en til að geta sett það á gólfið þurfti að flota öll gólf íbúðarinnar. Parketið hefur verið olíuborið en aldrei pússað. 2004 var baðherbergi endurgert með vönduðum hætti, en nýlega var skipt um hitastýringu í sturtu og krana í baðvaski. Baðherbergið er flísalagt, veggir að hluta og gólf, með innréttingum, granít borðplötu, baðkari, veghengdu salerni og handklæðaofni.
Árið 2007 voru allir veggir og loft sléttað, en áður voru allir fletir hraunaðir. Rafmagn í íbúðinni var endurnýjað og loft tekin niður fyrir innfellda lýsingu, breiðari hurðir settar í íbúðina, nýir vandaðir skápar settir í herbergin og nýjar hurðir settar á skáp á gangi. Nýjar sérsmíðaðar innréttingar, bókahillur og skápar, voru settar í gang og stofu. Allar breytingar á íbúðinni, að frátaldri endurhönnun eldhúss árið 2020, eru hannaðar af Birni Skaptasyni arkitekt.
Húsin hafa fengið viðamikið viðhald gegnum árin. Búið er að skipta um skolprör undir öllum kjallaranum og út í rotþrær sem einnig var skipt um en ekki er búið að klára þessa aðgerð í öðrum stigagöngum í húsunum, og þarf að hafa það í huga þegar ráðist verður í lóðaframkvæmdir sem verið er að safna fyrir; komnar eru yfir 200 milljónir í sjóð og stefnt á 400 milljóna sjóð til endurgerðar á sameiginlegri lóð beggja húsanna. Á þessarri íbúð er búið að skipta um alla glugga í svefnherbergjum, gler í nokkrum gluggum sem snúa að garði, öll opnanleg fög og báðar svalahuðir.
Frábær staðsetning og umhverfi - stutt í skóla, leikskóla og íþróttasvæði KR. Öll helsta verslun og þjónusta í næsta nágrenni - göngufæri við miðborgina og Háskólann. Melabúðin og sundlaug Vesturbæjar í næsta nágrenni.
Kostnaður kaupanda af kaupum:
1. Stimpilgjald af kaupsamningi er fyrir einstaklinga 0,8% af heildarfasteignamati eignar. Sé um fyrstu kaup að ræða er stimpilgjald af kaupsamningi 0,4% af heildarfasteignamati.
2. Stimpilgjald af kaupsamningi fyrir lögaðila er 1,6% af heildarfasteignamati eignar.
3. Þinglýsingargjald af kaupsamningi, afsali, veðskuldabréfi, veðleyfi og mögulega fleiri skjölum - kr. 2.500 af hverju skjali.
4. Lántökugjald lánastofnunar - samanber gjaldskrá viðkomandi lánastofnunar.
5. Umsýslugjald til fasteignasölu samkvæmt kaupendasamningi.
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu seljanda samanber 26.gr. laga nr.40/2002 um fasteignakaup og 25.gr. laga nr.26/1994 um fjöleignarhús. Eignamiðlun fasteignasala bendir fasteignakaupendum á ríka skoðunarskyldu kaupenda sem kveðið er á í lögum um fasteignakaup nr.40/2002. Kaupanda er bent á að nýta sér þjónustu fagmanna við skoðun fasteigna, en mælt er með því að kaupendur fasteigna fái óháðan fagaðila til að framkvæma formlega ástandsskoðun á eignum sem gert er tilboð í.
Eignamiðlun fasteignasala | Grensásvegur 11 | 108 Reykjavík | Sími 588 9090 | www.eignamidlun.is
***
Ábyrg þjónusta í áratugi. Eignamiðlun var stofnuð 1957 og er elsta starfandi fasteignasala á Íslandi. Reynsla, heiðarleiki og þekking á fasteignamarkaðnum eru grunnur að farsælum viðskiptum.
Eignamiðlun Grensásvegi 11, 108 Reykjavík - Opið frá kl. 9-17 mánudaga til fimmtudaga og 9-16 á föstudögum.
Heimasíða Eignamiðlunar
Eignamiðlun á Facebook
Allar myndir
