Fasteignamarkaðurinn ehf. s: 570-4500 kynnir til sölu 1200 hektara lögbýlið Fagranes í Hörgárbyggð sem stendur beint á móti Hrauni í Öxnadal og frá jörðinni nýtur einstaks útsýnis yfir þá náttúruperlu.

Þetta er jörð sem gæti fallið mjög vel að nýjum áherslum stærri fyrirtækja um kolefnisjöfnun þar sem fyrir liggur samningur við Skógræktina um ræktun 74-150 hektara skóglendis þar sem Skógræktin greiðir allt að 97% af samþykktum framkvæmdum. 

Jörðin er skráð sem lögbýli og byggja má þrjú hús á henni skv. upplýsingum frá byggingarfulltrúa á svæðinu þrátt fyrir að ekkert deiliskipulag liggi fyrir á svæðinu. Þetta er heimilt þar sem jörðin er skráð sem lögbýli.

Um er að ræða 1200 hektara jörð sem að stórum hluta er á fjalli.    Samningur er um skógrækt á jörðinni við Skógræktina.   Þar er samið um ræktun skógar á 74-150 hektörum lands þar sem skógræktin greiðir allt að 97% af kostnaði við fyrirfram samþykktar framkvæmdir í samræmi við ræktunaráætlun á lögbýlinu.  

Jörðinni fylgir veiðiréttur í Hörgá sem felst í nokkrum bændadögum.  Ágæt rjúpna- og gæsaveiði er á jörðinni.

Ekkert deiliskipulag liggur fyrir á jörðinni og ekki er komið rafmagn eða rennandi vatn að henni.  Þó eru lækir í fjallinu sem nýta mætti bæði sem neysluvatn og til minni virkjunar. 

Allar nánari upplýsingar á skrifstofu Fasteignamarkaðarins ehf. í síma 570-4500 eða á netfanginu fastmark@fastmark.is