Betri Stofan fasteignasala og Jason Kristinn Ólafsson, sími 7751515 - jason@betristofan.is kynnir: Haukanes 5,til sölu virkilega glæsilegt, mikið endurnýjað, vel skipulagt og afar vel staðsett einbýlishús á tveimur hæðum með innbyggðum tvöföldum bílskúr á 1.130 fermetra eignarlóð við Haukanes á Arnarnesi. Eignin er skráð 356,4 fermetrar skv. Fasteignaskrá Íslands, en er í raun eitthvað stærri að sögn eigenda, eða um 410,0 fermetrar. Á neðri hæð hússins er 60,0 fermetra 2ja herbergja aukaíbúð með sérinngangi sem mögulegt er að stækka um eitt aðliggjandi herbergi og breyta henni í 3ja herbergja íbúð.
Virkilega fallegs útsýnis nýtur frá stofum og eldhúsi á efri hæð hússins. 

Myndband af Haukanesi 5 - af Facebook síðu Betri Stofunnar

Húsið var byggt af Guðjóni Guðbirnssyni múrarameistara á sínum tíma og var iðnaðarsteypa notuð við byggingu hússins.  Eignin var í byrjun sumars 2024 yfirfarin af fagmönnum og fékk mjög góða umsögn.
Allar skolplagnir, sem lagðar eru í plasti, voru myndaðar sem og neysluvatnslagnir og reyndust í mjög góðu ástandi. Allt rafmagn var yfirfarið af Fagraf ehf. og allt gler var tekið úr af fagmanni og fékk mjög góða einkunn.
Þakjárn var allt hreinsað upp, ryðvarið og málað tveimur umferðum.  Sérstök skoðun var framkvæmd inni á þaklofti og reyndist altt vera í góðu ástandi þar. 
Hús að utan og allt tréverk var málað í byrjun sumars 2024.

Eignin hefur alla tíð fengið gott viðhald og var fyrir fáeinum árum mikið endurnýjuð af Nýmót ehf., m.a. öll baðherbergi, eldhús í báðum íbúðum hússins, gólfefni að stórum hluta, innihurðir o.fl. 

Lýsing eignar:
Forstofa, flísalögð og rúmgóð með gólfhita og fataskápum.
Barnaherbergi I, innaf forstofu, parketlagt, stórt og með fataskápum.
Hol, flísalagt, bjart og rúmgott með fataskápum.  Úr holi liggur stigi upp á efri hæð hússins, en úr holi er einnig innangengt í 2ja herbergja sér íbúð á jarðhæð hússins, sem einnig er með sérinngangi af lóð.
Gengið er upp um breiðan, steyptan og flísalagðan stiga á efri hæð hússins og eru stórir gluggar til suðurs við stiga.
Stigapallur/hol, parketlagt.
Baðherbergi, með glugga, flísalagt gólf og veggir, handklæðaofn, innrétting og stór flísalögð sturta með sturtugleri.
Þvottaherbergi, stórt, flísalagt og með glugga. Í þvottaherbergi eru góðar innréttingar með skápum, vinnuborði og vaski.
Svefngangur, parketlagður, breiður og bjartur með útgengi á mjög stórar svalir til suðurs.
Barnaherbergi II, mjög stórt og parketlagt. Á teikningum er þetta herbergi sýnt sem tvö barnaherbergi.
Baðherbergi, með gluggum, flísalagt gólf og veggir, góðar innréttingar með graníti á borðum, vegghengt wc og stór flísalögð sturta með sturtugleri. 
Hjónaherbergi, stórt, parketlagt og með góðum fataskápum.
Eldhús, sem bæði er gengið í af stigapalli og úr borðstofu er stórt og bjart með góðri borðaðstöðu. Fallegar nýlegar hvítar + viðarinnréttingar með innbyggðri kaffivél, vínkæli og vönduðum blástursofni. Granít er á borðum innréttinga og gert ráð fyrir tvöföldum ísskáp með klakavél. Falleg sjávarsýn úr eldhúsi.
Borðstofa, opin við eldhús og setustofu, parketlögð og björt með fallegum útbyggðum glugga til norðurs og fallegri sjávarsýn.
Samliggjandi arin- og setustofa, mjög stórar, bjartar og parketlagðar með stóru arinstæði og útgengi á mjög stórar svalir til suðurs þar sem gert er ráð fyrir útiarni og með stórum innbyggðum steyptum heitum potti í svalagólf.
Sjónvarpsstofa, innaf stofum er parketlögð og rúmgóð.  Sjónavarpsstofu mætti nýta sem svefnherbergi eða stækka stofu sem þessu herbergi nemur.

Bílskúr, sem innangengt er í er tvöfaldur 58,8 fermetrar að stærð með tveimur innkeyrsluhurðum með mótorum á. Gluggar eru á bílskúr og rennandi heitt og kalt vatn.

Aukaíbúð á jarðhæð hússins er um 60,0 fermetrar og bæði með sérinngangi og innangengt:
Forstofa, rúmgóð og flísalögð með tengi fyrir þvottavél og þurrkara.
Hol, parketlagt og með fataskápum.
Stofa, parketlögð og björt með gluggum til austurs.
Eldhús, opið við stofu, parketlagt og með fallegum nýlegum hvítum innréttingum með innbyggðri kaffivél og uppþvottavél, blástursofni og hitaskúffu, eyju og nýlegum tækjum.
Svefnherbergi, parketlagt og rúmgott með fataskápum.
Baðhebergi, flísalagt gólf og veggir, gólfhiti, vegghengt wc., innrétting og stór flísalögð sturta með sturtugleri.
Húsið að utan lítur mjög vel út og var allt málað í byrjun sumars 2024, þ.m.t. þakjárn og allt tréverk.

Lóðin er 1.130,0 fermetra eignarlóð, fullfrágengin með hellulagðri innkeyrslu og stétt fyrir framan húsið með hitalögnum undir. Framlóðin er að öðru leyti tyrfð og með trjágróðri. Baklóð hússins sem er mjög skjólsæl er með tyrfðum flötum, steinhleðslum og trjárgróðri, en er fremur viðhaldslétt. Stórar svalir eru á húsinu til suðurs þar sem sólar nýtur frá morgni til kvölds og eru þær með innbyggðum steyptum heitum potti. Frá svölum er gengið um breiðan bogadreginn stiga niður á verönd á baklóð.
Staðsetning eignarinnar er virkilega góð á rólegum og eftirsóttum stað á Arnarnesinu í Garðabæ.

Gjöld sem kaupandi þarf að standa straum af ef að kaupum verður:
1. Stimpilgjald af fasteignamati fasteignar er 0.8%, en 0,4% fyrir fyrstu kaup og 1,6% fyrir lögaðila.  
2. Þinglýsingargjald: kaupsamningi, skuldabréfi, veðleyfi, afsali o.s.frv. er kr. 2.700 af hverju skjali.
3. Lántökukostnaður samkvæmt verðskrá viðkomandi lánastofnunar.
4. Umsýslugjald til fasteignasölu skv. gjaldskrá.