.png)
1871
1434 Skoðendur
Skráð 29. sep. 2024
Snorrastaðir
89.900.000 kr.
F2220450
38.400.000 kr.
70.350.000 kr.
0 kr.
Arion
banki – Reikna lán
Lýsing
Glæsilegt heilsárshús/sumarhús á 5.000 m2 eignarlóð við Snorrastaðaland í Bláskógabyggð við Laugarvatn. Aðeins um 50 mínútna akstur frá höfðuðborgarsvæðinu. Eignin er skráð samtals 110 m2, þar af sumarhús 105,4 m2 og geymsla 4,6 m2. Eignin skiptist í forstofu, gang, stofu og eldhús, baðherbergi, 3 svefnherbergi og geymslu. Góð lofthæð er í húsinu, innfelld lýsing í loftum, fallegar ítalskar flísar á gólfum með gólfhita og Danfoss hitastýring í öllum rýmum. Timburverönd er kringum húsið, samtals u.þ.b. 300 m2. Á timburverönd er heitur pottur, útieldhús og óklárað geymsluhús. Húsið tilheyrir Giljareitum sumarhúsafélagi en stendur á VM svæðinu (Félag vélstjóra og málmtæknimanna) við Laugarvatn og hafa eigendur aðgang að lokuðu símahliði inn á svæðið. Stutt er í helstu þjónustu, fallegar gönguleiðir og útivistarsvæði í nágrenninu og uppsveitum Suðurlands.
Helstu framkvæmdir og endurbætur á seinustu árum skv. seljendum: Vegg í stofu skipt út fyrir gifsvegg 2021. Húsið málað að innan 2021. Timburverönd stækkuð 2022 og heitum potti komið fyrir. Rafmagn á útisvæði endurnýjað 2021-2022. Útieldhús byggt 2023. Geymsluhús í byggingu stendur á timburverönd sem seljandi mun klára að loka en ekki einangra. Geymsluhúsið er ekki inni í skráðri fermetratölu. Skjólgirðing við geymsluhús verður jafnframt kláruð af seljanda.
Smelltu hér til að fá söluyfirlit sent
Nánari lýsing:
Forstofa með flísum á gólfi og fataskáp.
Gangur með flísum á gólfi og góðum fataskápum.
Stofa og eldhús mynda stórt og bjart alrými með flísum á gólfi. Í eldhúsi er falleg sérsmíðuð innrétting með granítborðplötu, bakarofn, helluborð og háfur. Ísskápur og uppþvottavél fylgja með í kaupum. Gólfsíðir gluggar eru í stofu með miklu útsýni. Sjónvarpsskenkur í stofu getur fylgt með í kaupunum. Úr alrými er útgengt á timburverönd um tvær svalahurðir.
Baðherbergi er með flísum á gólfi og veggjum að hluta, sturtu, handklæðaofni, vegghengdu salerni og góðri innréttingu með tvöföldum vaski og þvottavélaðstöðu. Þvottavél getur fylgt með í kaupunum. Útgengt er á timburverönd úr baðherbergi.
Svefnherbergi 1 (hjónaherbergi) er rúmgott með flísum á gólfi. Útgengt er úr herberginu á timburverönd.
Svefnherbergi 2 er með flísum á gólfi.
Svefnherbergi 3 er með flísum á gólfi.
Geymsla er úti, við aðalhurð, 4,6 m2. Hiti og rafmagn eru í rýminu.
Timburverönd, ca. 300 m2, úr viðhaldslitlum Síberíulerkivið er kringum húsið með innfelldri lýsingu. Á verönd er heitur pottur, útieldhús og ca. 10 m2 geymsluhús í byggingu. Gott geymslurými er undir timburverönd.
Á lóð, norðan meginn við húsið, eru komnir upp steyptir burðarbitar og undirstöður fyrir 30 m2 gestahús. Samþykktar teikningar liggja fyrir.
Rekstrarkostnaður, helstu tölur:
Fasteignagjöld 2024: 216 þkr á ári. Brunatrygging: 80 þkr á ári. Sumarhúsafélagið Giljareitir (kalt vatn): 25 þkr á ári. Heitt vatn og rafmagn: ca. 20 þkr á mánuði (fer eftir notkun).
Fyrirhuguð fasteignagjöld fyrir 2025 eru 49.050.000 kr.
Verð kr. 89.900.000
Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasala Mosfellsbæjar skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.
Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.
Gjöld sem kaupandi þarf að greiða vegna kaupa:
1. Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.
3. Lántökugjald lánastofnunar - er skv. gjaldskrá viðkomandi lánastofnunar.
4. Umsýslugjald til fasteignasölu skv. kauptilboði.
5. Þegar um nýbyggingu er að ræða greiðir kaupandi skipulagsgjald, 0,3% af endanlegu brunabótamáti, þegar það er lagt á af viðkomandi sveitarfélagi.
Allar myndir
