Fasteignamiðstöðin er með til sölu eignina Haukabrekka Snæfellsnesi á Skógarströnd, 371 Búðardalur. Fastanúmer 211-6524, landnúmer 137485. 
Jörðin er talin vera um 1100 hektarar í einum fallegasta dal á Vesturlandi. Um 20 mínútna akstur er í Stykkishólm; sem margir telja einn fallegasta bæ á Íslandi, þar er boðið upp á alla þjónustu, sundlaug; golfvöll; siglingar, sjávarfuglaveiði, sjóstangaveiði o.s.frv. Sömu eigendur hafa verið að jörðinni síðan 1998.
Sex eigendur eru að jörðinni og eru einn hlutur til sölu. Hverjum eignarhlut fylgir rúmlega hektari lands( ca 1,5 hektari) undir gróður og sumarbústað. Auðveldlega má stækkka þetta land ef vilji er fyrir hendi.
Stóra-Langadalsá rennur um jörðina og kemur tæplega 30% veiðidaga í hlut jarðarinnar. Áin hefur verið ein af bestu bleikjuám á Íslandi, en talsvert hefur dregið úr veiði á bleikju s.l. tvö ár, væntanlega vegna hlýnandi árferðis eða náttúrulegra sveiflna í stofnstærð. Veiði á lax og sjóbirting hefur að sama skapi vaxið verulega. Rúmlega 40 laxar og 40 vænir sjóbirtingar veiddust í ánni í fyrra, þrátt fyrir litla ástundun. Auk þess má gera má ráð fyrir að skráning fiska sé vantalin, enda er nánast ekkert eftirlit með veiðinni. Veitt er á tvær stangir í ánni,og fær Haukabrekka um 30% veiðidaga. Fyrirkomulag veiðidaga er með þeim hætti að veiðidögum til Haukabrekku er úthlutað dögum til sérhvers eiganda, en önnur stöngin er alltaf almenningur fyrir alla eigendur. Talsverðir möguleikar eru því á að komast í veiði. Um 40,4% árinnar er í eigu eiganda Stóra-Langadals sem hefur lítið notað sína veiðidaga, veiði hefur því verið minni fyrir vikið. Í undanfarið hefur verið ákveðið að veiða eingöngu á flugu.  Jörðinni fylgir heiðarvatn, en þangað er um klukkutíma göngutúr, væn bleikja er í vatninu. Auk þess er víða mklir möguleikar á veiði á Vesturlandi.

Jörðin er gott rjúpuland, og ræktun er hafin á ökrum vegna gæsaveiða. Á haustin er talsvert af gæs við sandstrendur heiðarvatnsins. Haukabrekka er frábært sveppa og berjaland, einkum nálægt birkiskóginum inni í dalnum. Búið er að plægja tún til akuryrkju fyrir eigendur.

Bóndabærinn hefur verið gerður upp á smekklegan hátt, öll gólfefni eru nýleg, svo og eldhús og bað. Smekkleg húsgögn eru í húsinu. Bóndabærinn hefur verið klæddur að utan og er að flestu leiti í góðu ásigkomulagi. Bærinn er hæð og ris, neðri hæðin er m.a tvö stór herbergi og stofa. Uppi er eitt herbergi og stórt alrými. Hverjum eiganda er úthlutað vikum í húsinu, yfirleitt eru engin vandkvæði við skipti á vikum við aðra eigendur. Þrír eigendur hafa byggt sér sumarhús á jörðinni og nota húsið því lítið nema fyrir gesti. Jörðinni fylgir lítið verkstæði og hlaða sem gerð hefur verið upp sem geymsluhúsnæði fyrir fjórhjól, kajaka o.fl. Allir eigendur hafa komið sér upp fjórhjólum, sem jók mjög nýtingarmöguleika jarðarinnar.
Haukabrekka hefur verið í sameign 6 fjölskyldna sem almennt þekktust lítið þegar kaupin áttu sér stað. Þetta er ekki vinahópur, heldur hagsmunasamfélag hóps manna sem hefur ánægju af útivist, veiði og gróðurrækt. Gott samkomulag hefur verið um reksturinn. Sérhverjum hlut fylgir þó sumarbústaðarland með glæsilegu útsýni inn í dalinn og til sjávar. Samstarf eigenda hefur verið farsælt. 

Smellið hér til að sjá kort:

Tilvísunarnúmer: 10-1558 

Nánari upplýsingar á skrifstofu Fasteignamiðstöðvarinnar, Hlíðarsmára 17 201 Kópavogi - sími: 550 3000
tölvupóstfang:  fasteignamidstodin@fasteignamidstodin.is  / leiga@fasteignamidstodin.is
Sjá einnig: fasteignamidstodin.is / jardir.is / fasteignir.is / mbl.is/fasteignir
Eftir lokun skiptiborðs:
Magnús Leópoldsson lögg. fasteignasali sími: 550 3000 og 892 6000 - tölvupóstfang magnus@fasteignamidstodin.is
Guðrún Olsen síma 550 3000 - tölvupóstfang gudrun@fasteignamidstodin.is            
María Magnúsdóttir lögfræðingur gsm: 899 5600 - tölvupóstfang maria@fasteignamidstodin.is
Gjöld sem kaupandi þarf að standa straum af vegna kaupanna:
1. Stimpilgjald af kaupsamningi - 0,4% - 0,8% hjá einstaklingum og 1,6% hjá lögaðilum af heildarfasteignamati.
2. Þinglýsingargjald af kaupsamningi, veðskuldabréfum, veðflutningsskjölum, mögulegu veðleyfi o.fl. - kr. 2.700 af hverju skjali.
3. Lántökugjald lánastofnunar - almennt 0,0 - 1,8% af höfuðstól skuldabréfs. Nánari upplýsingar á t.d. heimasíðu lánastofnana.
4. Umsýslugjald til fasteignasölu, sbr. þjónustusamning.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár,
til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002.
Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta
fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.