.jpg)
434
313 Skoðendur
Skráð 14. nóv. 2024
Ástún 10
62.500.000 kr.
F2058669
56.800.000 kr.
42.300.000 kr.
0 kr.
Arion
banki – Reikna lán
Opið hús: Ástún 10, 200 Kópavogur, Íbúð merkt: 01 04 01. Eignin verður sýnd þriðjudaginn 19. nóvember 2024 milli kl. 17:30 og kl. 18:00.
Lýsing
Um er að ræða snyrtilega og mikið endurnýjaða 3ja herbergja íbúð á 4. hæð (efstu hæð) í fjölbýli með sérinngangi frá stigahúsi, þvottaaðstöðu innan íbúðar og sérmerkt einkabílastæði.
* Ástand hússins að utanverðu er mjög gott en árið 2021 var farið í gagngerðar endurbætur á húsinu að utanverðu. Skipt var um glugga/opnanleg fög, tréverk og gler eftir þörfum. Múrverk var hreinsað, lagað og málað að nýju. Svalagólf voru háþrýstiþvegin og máluð. Þakið var málað og settar flasningar á milli þaks og þakrenna. Skipt var um niðurfall og þakpappi lagður á þak yfir anddyri árið 2023. Bílastæðið var malbikað árið 2023 og bílastæði máluð.
** Í þessum framkvæmdum var skipt um glugga íbúðarinnar sem eru á suðurgafli hússins, í eldhúsi og borðstofu, og á árinu 2019 var skipt um gler í stofu sem snýr í vestur. Fyrr á árinu 2024 voru ný útiljós tengd á svölum. **
Nánari lýsing:
Komið er inn í forstofu með náttúruflísum á gólfi og góðum fataskáp.
Úr forstofu er gengið inn í rúmgott parketlagt hol.
Eldhús, stofa og borðstofa eru í sameiginlegu björtu rými með stórum gluggum sem snúa í suður og vestur. Aðgengi er út á stórar ca. 15 fm svalir með glæsilegu útsýni í vesturátt frá stofu. Eldhúsið var endurgert í kringum árið 2014 og var þá opnað á milli rýma. Eldhúsið er með eyju, gaseldavél, flísalagðri borðplötu, nýjum bakaraofni og nýlegri uppþvottavél. Mikið skápapláss er í eldhúsi.
Baðherbergið er flísalagt að hluta með gólfhita, baðkari með glerhlið og sturtuaðstöðu. Þvottavélin er í innréttingu sem hægt er að loka. Tveir opnanlegir gluggar eru á baðherberginu. Skipt var um blöndunartæki árið 2021
Hjónaherbergið er rúmgott með parketi og stórum fataskáp. Útgengt er á svalir frá hjónaherbergi.
Barnaherbergi er með parketi á gólfi og þreföldum fataskáp.
Geymsla er á neðstu hæð, sem er um 6 fm, en hún er ekki talin inn í fermetrafjölda íbúðarinnar. Eignin er því um 85 fm að stærð. Þá er sameiginleg hjóla- og vagnageymsla í kjallara hússins.
Uppþvottavél, innfelldur ísskápur, gardínur og öll ljós fylgja íbúðinni. Þvottavélin getur fylgt ef áhugi er fyrir því.
Húsfélagið á og leigir út stúdíóíbúð á jarðhæð hússins. Leigutekjur íbúðarinnar renna í framkvæmdasjóð hússins.
Falleg og vel staðsett eign á mjög vinsælum stað - örstutt í alla þjónustu sem og falleg útivistarsvæði, göngu- og hlaupaleiðir í Fossvogsdal.
Nánari upplýsingar veitir Marta Jónsdóttir, lögfr. og lfs. í síma 8633445 og netfanginu marta@sunnafast.is.
Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Sunna fasteignasala ehf. bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.
Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.
Gjöld sem kaupandi þarf að standa straum af vegna kaupanna:
Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup m.v. að lágmarki 50% eignarhlut) og 1,6% fyrir lögaðila.
Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.
Lántökugjald lánastofnunar. Um lántökugjald vísast í gjaldskrá viðkomandi lánveitanda.
Umsýsluþóknun fasteignasölu skv. gjaldskrá.
Ef um nýbyggingu er að ræða greiðir kaupandi skipulagsgjald, 0,3% af brunabótamati, þegar það er lagt á.
Allar myndir
