Grettisgata 6 Penthouse, 101 Reykjavík

Löggiltir fasteignasalar innan Félags fasteignasala:

Vilhjálmur Bjarnason

MYNDIR

DEILA

260

235 Skoðendur

Skráð 1. mar. 2025

fjölbýlishús

Grettisgata 6 Penthouse

101 Reykjavík

114.700.000 kr.

854.694 þ.kr./m²

Fasteignanúmer

F2006191

Fasteignamat

83.100.000 kr.

Brunabótamat

62.150.000 kr.

Áhvílandi

0 kr.

Arion banki – Reikna lán

Upplýsingar

Verðsaga

Byggt 1947

134,2 m²

4 herb.

1 baðherb.

3 svefnh.

Þvottahús

Útsýni

Sameiginl. inngangur

Laus strax

Lýsing

Grettisgata 6. Einstaklega sjarmerandi 134.2 fm penthouse íbúð með mikilli lofthæð og stórkostlegu útsýni enda stendur þessi hæð ofar en flest húsin í nágrenninu þar sem hún er staðsett á 4. og efstu hæð í einu af glæsilegasta húsinu á Skólavörðuholtinu.
Húsið er skráð byggt 1947 og var eitt af fyrstu steinsteyptu fjögurra hæða húsunum á Íslandi sem byggt var í evrópskum stíl en arkitekt hússins var Halldór H. Jónsson arkitekt en eftir hann standa mörg og merk mannvirki eins og Háteigskirkja, Bogahúsið við Höfðabakka, Hótel Saga, mörg kaupfélagshús á landsbyggðinni og fjölda annarra fallegra húsa.

Grettisgata 6 hefur sterkan svip og er með innbyggðan rúmgóðan stigagang sem myndar einstakan boga út frá húsinu götumegin ásamt því að sameiginlegar mjög fallegar svalir eru þeim megin á öllum hæðum hússins sem gefa því glæsilegt útlit og yfirbragð.

Stórfenglegt útsýni er allt frá Hörpunni að Esjunni frá bæði norðurgluggum íbúðarinnar og frá 28 fm svölum sem eru eftir endilangri norðurhlið þessarar íbúðar.
Norðursvalirnar eru allar með fallegu upprunalegu steyptu píralahandriði og hafa eigendur þessar penthouseíbúðar oft notað áðurnefndar 28 fm svalir sem útisetrými og grillaðstöðu á sumrin.

Nánari upplýsingar um þessa sérstöku penthouseíbúð og um tíma til skoðunar gefur Vilhjálmur Bjarnason löggiltur fasteignasali.
Vinsamlega sendið tölvupóst á ekkifjarfestir@gmail.com til að fá meiri upplýsingar eða bóka tíma til skoðunar, einnig er mögulegt að senda SMS í síma 8228183.

Aðkoma: Falleg aðkoma og aðalinngangur hússins leiðir inn í sameiginlega fallega og rúmgóða forstofu.
Stigagangurinn er teppalagður, breiður og fallega málaður og hefur greinilega verið viðhaldið samkvæmt upprunalega fallega handverkinu sem lagt var í hann í upphafi.
Stigapallarnir eru bjartir og óvenjulega rúmgóðir og bjóða því upp á möguleika að koma fyrir setuhúsgögnum, steyptu stigahandriðin eru með glæsilega unnum tréverki í handriðunum sem skapar flæðandi bogalínu á stigana og stigagangana og gefur þeim mjúkt og fágað yfirbragð.

Skipulag íbúðarinnar:
Forstofa og gangur: Flísalagður gangur með fataskáp. Gangurinn er rúmgóður og tengir saman öll rými íbúðarinnar.
Baðherbergi: Flísalagt með stórum glugga, klassískur sturtuklefi með skreyttum glervegg.
Svefnherbergi 1: Rúmgott svefnherbergi sem eru með tveimur góðum gluggum með flottu útsýni í norður, innbyggður skápur og parket.
Svefnherbergi 2: Mjög rúmgott hjónaherbergi með innbyggðum skápum og parketi, góður gluggi og svalahurð með útgengi á góðar suðursvalir með flottu útsýni yfir fallegu húsin í nágrenninu og upp að Hallgrímskirkju.
Borðstofa / svefnherbergi: Parketlagt og rúmgott rými með stórum glugga og rennihurð sem skilur það frá stofunni og hefur rýmið verið nýtt sem þriðja svefnherbergið.
Eldhús: Sjarmerandi og mjög rúmgott eldhús með tveimur stórum gluggum með frábæru útsýni, rúmgóð og snyrtileg eldri innrétting. Nýleg eldunartæki frá Electrolux með spanhelluborði og nýlegum eldhúsvask. Eldri uppþvottavél fylgir en hún hefur virkað mjög vel hingað til.
Stofa: Rúmgóð stofa með parketi og mjög stórum glugga með norðurútsýni og að auki er áðurnefnd rennihurð yfir í borðstofuna / herbergið við hliðina.

Sameign: Í kjallara hússins er stórt þvottahús og þurrkherbergi með sértengjum íbúðarinnar fyrir þvottavél og þurrkara ásamt hjóla- og vagnageymslu en frekar lágt er til lofts í kjallaranum. Einnig er rúmgóð 24.2 fm sérgeymsla í kjallaranum.

Viðhald hússins: Húsið virðist hafa fengið gott viðhald í gegnum tíðina og var það til dæmis nýlega yfirfarið og gert við það sem þurfti og svo var húsið allt endursteinað með marmarasalla að utan í upprunalega fallega rauðbrúna litnum.
Gluggar, gler og svalahurðir á suðurhlið hússins voru allir endurnýjaðir á sama tíma og húsið var viðgert og endursteinað. Það er kominn tími á að huga að því að setja nýtt gler og skoða gluggana norðanmegin í íbúðina en auðvelt aðgengi er til þess þar sem það eru margnefndar um 28 fm svalir eftir allri þeirri hlið.
Stóru svalirnar norðanmegin eru sameiginlegar en þær ásamt steyptu þakrennunni út frá þeim voru pússaðar og lagað það sem þurfti og svo var þéttað yfir og að lokum málaðar með vönduðu efni sumarið 2024.

Möguleikar á endurskipulagningu: Íbúðin býður upp á spennandi möguleika til breytinga. Flestir innveggir eru léttir eins og sjá má á teikningum af íbúðinni sem eru með myndum af eigninni á fasteignavefjunum sem gerir auðveldara að opna og breyta rýmum. Til dæmis mætti færa eldhúsið í stofuna og taka niður langa millivegginn á milli stofunnar og gangsins og skapa með því stórt, bjart og opið alrými með stórbrotnu útsýni. Núverandi eldhúsrými mætti þá nota sem auka svefnherbergi eða vinnuaðstaða. Slík breyting myndi auka nýtingu rýmisins, og gefa íbúðinni nútíma glæsibrag.

Grettisgata 6 er skráð sem hér segir hjá FMR: Eign 200-6191, íbúð 0401, birt stærð 134.2 fm

Í stuttu máli má segja að þetta er einstök eign sem býður upp á stórkostlega möguleika