Brekkugata 7 í miðbæ Akureyrar sem skráð er á tveimur fastanúmerum en skipt hefur verið upp í fjórar útleigueiningar - samtals 205,4 m² að stærð.   
Góðarleigutekjur - fjárfestingartækifæri.

Framhúsið er með skráð byggingarár 1903 og er tvílyft timburhús á háum steyptum grunni sem skiptist þannig að í suður-enda þess er ein íbúð á sér fastanúmeri, og í norðurhluta eru tvær íbúðir auk bakhúss á öðru fastanúmeri. 
Íbúðin í suður hlutanum 3ja herbergja, skráð  92,4 m² að stærð og inn í hana er gengið frá Brekkugötunni inn um sérinngang á jarðhæð, og þaðan er farið upp tröppur í íbúðina sjálfa sem á er á tveimur hæðum.  Á neðri hæðinni er eldhús, stofa og bakdyrainngangur og geymsla, og á efri hæð eru tvö svefnherbergi og baðherbergi. 

Í norður hluta hússins er íbúð á tveimur hæðum í sambærileg þeirri sem er í suðurhlutanum, lítil íbúð í kjallara og íbúð í steinsteyptu bakhúsi.  Stærri íbúðin í norðurhlutanum er 3ja herbergja, 68,0 m² og er á tveimur hæðum og inngangurinn í hana er á vesturhlið hússins (bakhlið).  Neðri hæð íbúðarinnar skiptist í forstofu, geymslu, eldhús, baðherbergi og stofu, og á efri hæð eru tvö svefnherbergi. 

Í kjallaranum undir íbúðinni er lítil íbúð, um 33 m² að stærð sem tekin var í gegn fyrir nokkrum árum.  Inn í hana er sérinngangur frá Brekkugötunni og þar er eldhús og stofa í einu alrými, baðherbergi og eitt svefnherbergi.   

Á baklóðinni stendur svo steinsteypt stakstætt hús á einni hæð, sem er 57 m² að stærð með skráð byggingarár 1922.  Eignin er skráð sem iðnaðarhúsnæði en hefur verið nýtt sem íbúð síðustu áratugina og innréttuð sem slík. 
Lóðin undir syðri íbúðinni er eignarlóð og lóðin undir nyrðri íbúðinni er eignarlóð að 40,51%  

Tími er kominn á ýmislegt viðhald við húsið, en allar íbúðirnar eru í langtímaleigu.  
Áhugasömum er ráðlagt að skoða eignina vandlega og leita sér liðsinni fagmanna við skoðun.

Um er að ræða áhugaverða eign í hjarta bæjarins, góðar leigutekjur og stór lóð sem er að hluta til eignarlóð.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasalan Hvammur skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.