797
586 Skoðendur
Skráð 1. sep. 2024
Sigtún 39
114.900.000 kr.
F2019299
91.000.000 kr.
58.890.000 kr.
0 kr.
Arion
banki – Reikna lán
Lýsing
Eignin seldist strax eftir fjölmennt opið hús - erum með sterka kaupendur að sambærilegri fasteign.
Nánari uppl. í síma 774 7373 eða ragnar@heimili.is.
- Kannski eru tækifærin skammt undan!
Heimili fasteignasala og Ragnar Þorgeirsson, löggiltur fasteignasali sími 774-7373, kynna virkilega stílhreina og smart 147,7 fm fimm herbergja sérhæð í þessu vinsæla hverfi. Sjálf íbúðin er skráð 111 fm, sérgeymsla 6,1 fm og bílskúr, 30,6 fm. en hann hefur verið endurbyggður og nú nýttur sem aukaíbúð. Húsið hefur verið drenað og endursteinað. Framundan er endurnýjun á þaki - en kostnaður við það fellur ekki á kaupanda.
Komið er inn í forstofu með flísum á gólfi og góðu skápaplássi og áfram inn í rúmgott hol, þar sem gengið er inn í öll rými íbúðar; Til hægri er stórt hjónaherbergi með góðum skápum og rúmgóð stofa og boðstofa og þaðan gegnið út á 4,7 fm. suðursvalir. Til vinstri er eldhús, með góðri hvítri innréttingu auk baðherbergis sem er snyrtilegt með flísum, baðkari, lítilli innréttingu og glugga. Beint inn af holi eru tvö stór barnaherbergi, bleikt og blátt og góðir skápar í öðru þeirra. Steypt plata er milli hæða, gólf viðarklædd (parket) og máluð, nema forstofa og baðherbergi þar sem eru flísar. Í kjallara er sameiginlegt þvottahús og sérgeymsla íbúðar.
Bílskúrinn er góð viðbót, hann hýsir snortra íbúð þar sem skipulag er mjög gott og þakgluggar veita aukna birtu.
Varðandi þakið hafa íbúar efstu hæðar áform um hækkun risþaks hússins og verður ytra byrði þaks endurnýjað við þá framkvæmd. Kostnaður vegna þeirrar endurnýjunar mun, í samræmi við samkomulag núverandi eigenda, að mestu lenda á efstu hæð, utan kostnaðar vegna endurklæðningar þakkants, sem mun deilast á íbúðir í samræmi við eignarhlut.
Upphaflegir hönnuðir hússins eru þeir Sigvaldi Thordarson, Gísli Halldórsson og Kjartan Sigurðsson. Sigtúnið er í vaxandi hverfi miðsvæðis í borginni og vert að nefna að samkv. skipulagi verður hæð húsa, sem eru í byggingu handan götunnar, áþekk því sem hér er og kallast hönnun þeirra á við það sem fyrir er.
- Hér er fágætt tækifæri til að hreiðra um sig í skemmtilegri íbúð í vel höldnu húsi í þessu vinsæla hverfi.
Nánari upplýsingar veitir Ragnar Þorgeirsson, löggiltur fasteignasali, í síma 774 7373 eða ragnar@heimili.is
Heimili fasteignasala - á traustum grunni frá 2002. Vegna mikillar eftirspurnar á markaði vantar okkur fleiri eignir á söluskrá. Hafið samband í síma 530-6500 eða sendið okkur tölvupóst á heimili@heimili.is og við verðmetum eignina þína þér að kostnaðarlausu.
Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Heimili fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð.
Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.
Gjöld sem kaupandi þarf að standa straum af vegna kaupanna:
1.Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.
3. Lántökugjald lánastofnunar í samræmi við gjaldskrá viðkomandi lánveitanda.
4. Umsýslugjald kaupanda er kr. 79.900.
5. Þegar um nýbyggingu er að ræða greiðir kaupandi skipulagsgjald, 0,3% af endanlegu brunabótamáti, þegar það er lagt á af viðkomandi sveitarfélagi.
Heimili fasteignasala – á traustum grunni frá 2002.
Grensásvegi 3, 108 Reykjavík - Opið frá kl. 9-17 mánudaga til fimmtudaga og 9-16 á föstudögum.
Upplýsingar um starfsfólk má finna á heimasíðu Heimili og á Facebook.
Allar myndir
