Domusnova og Hallgrímur Tómasson löggiltur fasteigna- og skipasali kynna:
Fasteignin við Nesflóa 1, Akranesi, er sérlega vandað atvinnuhúsnæði í grænum iðngörðum, byggt á steyptum grunni, með burðarvirki úr stáli, og ysta lag er úr yleiningum.
Eignirnar eru fullbúnar og tilbúnar til afhendingar.
ATH mögulega er hægt að fá eignina leigða í langtímaleigu!
Hönnun byggingingarinnar er öll miðuð að því að húsið sé í samræmi við sýn og stefnu Grænna iðngarða með gæða efnisvali og snjöllum lausnum í fyrirrúmi. Öll hönnun Nesflóa 1 miðar að snjalllausnum en svæðið er afgirt með rafmagnshliði, öryggismyndavélum og aðgangsstýringum með snjallbúnaði.

Helstu eiginleikar Grænna Iðngarða, Nesflóa 1 eru: Snjalllausnir og símastýringar, lyklalaust aðgengi, vistvænt umhverfi, hleðslustöðvar fyrir rafbíla, full frágengið, malbikað bílastæði. afgirt svæði með rafstýrðu öryggishliði, merkt og upphituð bílastæði með hverju rými.

Grænir iðngarðar:
Húsið er afhent fullbúið og fellur sérstaklega vel að hugmyndafræði og stefnu Akraneskaupstaðar um græna iðngarða, þar sem gerð er krafa um snyrtilegan frágang, gróður, sorpflokkun og blágrænar ofanvatnslausnir. Eigendum fasteigna í grænu iðngörðum, Flóahverfi, Akranesi, ber að framfylgja stefnu Akraneskaupstaðar um græna iðngarða skv. deiliskipulagi. Framangreint tryggir að umhverfið verði sem snyrtilegast fyrir alla eigendur.
GRUNNUR OG PLATA:
Nesflói 1 verður jarðvegsskiptur að lóðamörkum. Sökkull samkvæmt teikningu en upp úr botnplötu stendur 50cm veggur sem stálvirki stendur á á milli allra 7 eininga hússins. Sjá nánar á teikningu. Sökkull og botnplata er einangruð og steypt úr járnbentri steinsteypu.
ÚTVEGGIR:
Húsið verður byggt úr stáli með yleiningum þar utan á. Á gafli hússins eru corten klæðningarplötur.
ÞAK:
Þak verður fullfrágengið ásamt niðurföllum sem tengd verða fráveitukerfi eða tvinnað saman við blágrænar ofanvatnslausnir. Burðarvirki þaks er úr stáli. Ofan á stálbita koma berandi plötur. Ofan á þær verður lögð 150mm einangrun og að lokum þakdúkur sem vatnsvarnarlag með UV sólarvörn. Þakniðurföll sett með laufgildru og tengd þakniðurföllum.
LÓÐ OG GIRÐING:
Öll lóðin verður malbikuð og hún afgirt með 180cm hárri galvan- og pólýhúðaðri girðingu. Eitt tíu metra breitt snjall- og rafmagnshlið, með síma- og fjarstýrðum aðgangstýringum, verður inn á lóð og staðsett samkvæmt teikningu. Auk þess verður gönguhurð við hliðið fyrir gangandi vegfarandur.
MILLILOFT:
Millilofti er skilað fullbúnu með snyrtingu, parketlögðu gólfi og eldhúsinnréttingu. Þá eru hágluggar í þakbroti sem skila inn dagsbirtu.
Annað:
Seljandi greiðir öll lóðargjöld til bæjarins svo og heimæðagjald vegna vatns og rafmagns. Kaupandi greiðir skipulagsgjald þegar það verður lagt á eignina. Annað en að framan greinir er ekki innifalið í kaupverði. Sjá nánari um skil á eigninni í SKILALÝSINGU og á www.floi.is
Eignin er með virðisaukakvöð og væntanlegur kaupandi þarf að gera ráð fyrir yfirtöku á vsk. kvöð sem mun vera áhvílandi á eignunum. Allar upplýsingar í söluyfirliti eru fengnar frá seljanda og úr opinberum gögnum.

Áhugasamir hafið samband við Hallgrím Tómasson í s: 659-1896 eða hallgrimur@domusnova.is