Fasteignasalan TORG kynnir: Fallegt og vel við haldið einbýlishús í hjarta Kópavogs þaðan sem stutt er í allar áttir. Húsið er skráð 181,3 fm en 1982 var steypt botnplata og stofan stækkuð um 24,5 fm skv. samþykktum teikningum og er húsið því samtals 205,8 fm í dag.  Í húsinu er stór stofa/sólstofa, rúmgott eldhús með borðkrók, 3 svefnherbergi, baðherbergi með baðkari, þvottahús. Sturta í kjallara. Bílskúr. Hitalögn í útiröppum og stétt fyrir framan húsið. Verðlaunagarður. Allar nánari upplýsingar veitir Jóhanna Kristín Tómasdóttir, lgfs. í síma 837.8889 hjá johanna@fstorg.is 

Nánari lýsing: Húsið er byggt 1960 og hefur alltaf verið í eigu sömu eigenda. Árið 1982 var viðbótargrunnur steyptur fyrir framan stofu og hún stækkuð um 24,5 fm. Húsið var síðan klætt að utan um 1990. Húsinu hefur verið mjög vel við haldið í gegnum tíðina, þakið endurnýjað í þremur áföngum árin 2016, 2020 og 2024. Húsið skiptist í þrjár einingar. Komið er inn á aðalhæð af útitröppum og þar er forstofa,hol, eldhús og, stofa. Gengið er upp fjórar tröppur í svefnherbergisálmu þar sem eru 3 svefnherbergi og baðherbergi. Úr holi er gengið niður í þvottahús, geymslu og bílskúr. Garðurinn er vel gróinn og einstaklega fallegur og árið 2021 veitti Umhverfis- og samgöngunefnd Kópavogs eigendum Löngubrekku 21 viðurkenningu fyrir umhirðu húss og lóðar.  
Aðalhæð -Forstofa: Með flísum á gólfi og fataskáp.  
Forstofuhol: Tengir öll rými. Þaðan er gengið niður í kjallara. Parket á gólfi.
Eldhús: Mjög rúmgott og bjart með dökkri, sérlega vel með farinni viðarinnréttingu frá 1982 og borðkrók. Gaggenau eldhústæki frá sama tíma í fínu lagi en nýlegur Siemens bakaraofn. Korkflísar á gólfi en parket á borðkrók. Tveir gluggar.   
Stofa/sólstofa: Mjög björt og rúmgóð enda stækkuð um 24,5 fm. Stórir gluggir. Útgengt út á sólpall og þaðan út í garð. Parket á gólfi. 
Svefnherbergisálma: Gengið upp 4 tröppur og komið í svefnherbergisálmu þar sem eru 3 svefnherbergi og baðherbergi. Dúkur á gólfi á svefnherbergisgangi og í herbergjum.
Hjónaherbergi: Mjög rúmgott með upprunalegum þreföldum fataskáp með geirnegldum skúffum.
Barnaherbergi 1: Nú nýtt sem vinnuherbergi með nýlegum fataskápum yfir heilan vegg.
Barnaherbergi 2: Ágætlega rúmgott.
Baðherbergi: Flísalagt í hólf og gólf með baðkari og innréttingu við vask. Gluggi.
Kjallari og bílskúr: Gengið niður teppalagðan tréstiga úr forstofuholi. Þar er þvottahús og geymsla ásamt bílskúr, sem er með rafstýrðri hurð. Sett var upp sturta í þvottahúsi árið 2020.
Viðhald: Eins og fyrr segir hefur húsinu verið vel við haldið í gegnum tíðina. Má þar helst telja  viðbyggingu frá 1982 og húsið klætt að utan í kringum 1990.,Á sl. 25 árum hefur þetta m.a. verið gert: 2001 var baðherbergið endurnýjað, 2006 var hitalögn lögð í stétt og útitröppur og tröppurnar steyptar upp á nýtt. 2009 voru gólf flotuð á aðalhæð og nýtt parket lagt. 2011 var rafmagn endurnýjað og settir upp nýir ofnar. Nýtt þak var sett á helming hússins 2016 og síðan á seinni helming hússins 2020, sem þurfti síðan að endurnýja aftur 2024 þar sem það galli kom í ljós í viðgerðum. 2020 var sett upp sturta í þvottahúsi og sama ár var loft í stofu endurnýjað. 2021 var bílskúrshurð endurnýjuð og sett upp rafstýring.  Útihurð og gluggakarmar eru olíubornir árlega. Nýlegt gler í öllum gluggum nema á norðurhlið. 
Garður: Einstaklega fallegur og vel gróinn garður sem hlaut viðkenningu Umhverfisnefndar Kópavogs árið 2021.
Virkilega fallegt og vel við haldið hús í góðu hverfi í austurbæ Kópavogs þaðan sem stutt er í alla helstu þjónustu og stofnbrautir. Allar nánari upplýsingar veitir Jóhanna Kristín Tómasdóttir, lgfs. í síma 837.8889 eða hjá johanna@fstorg.is

Gjöld sem kaupandi þarf að standa straum af vegna kaupa á fasteign:
1. Stimpilgjald af fasteignamati fasteignar er 0.8%, en 0,4% fyrir fyrstu kaup og 1,6% fyrir lögaðila.  
2. Þinglýsingargjald: kaupsamningi, skuldabréfi, veðleyfi, afsali o.s.frv. er kr. 2.700 af hverju skjali.
3. Lántökukostnaður samkvæmt verðskrá viðkomandi lánastofnunar.
4. Umsýslugjald til fasteignasölu skv. gjaldskrá.

Skoðunarskylda kaupanda:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma
í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags.
Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002.
Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir
og sjást ekki berum augum, t.d. lagnir, dren, skólp og þak.