32
27 Skoðendur
Skráð 3. apr. 2025
Hraunbær 109
64.200.000 kr.
F2266479
53.800.000 kr.
38.350.000 kr.
0 kr.
Arion
banki – Reikna lán
Lýsing
Kaupstaður fasteignasala ehf. kynnir fjölbýlishús í 110, Reykjavíkurborg
Fáðu nánari upplýsingar og gerðu tilboð á sölusíðu eignarinnar.
Vel skipulögð, nýuppgerð, björt þriggja herbergja 75,6 m2 íbúð á efstu hæð í þriggja hæða fjölbýlishúsi. Með sérinngangi er leyfilegt að vera með gæludýr. Til norðurs er óhindrað og fallegt útsýni frá svefnherbergjum yfir Esjuna. Stórar suðursvalir út frá stofu snúa inn að skjólgóðum sameiginlegum garði með leiktækjum fyrir börn.
Glerin í gluggum eru í toppstandi og extra þykkt með góðri hljóðeinangrun, gluggakarmar eru sem nýir og úr viðhaldsfríu efni. Staðsetningin er afar hentug og fjölskylduvæn með stutt í alla þjónustu svo sem skóla, leikskóla, bónus, heilsugæslu, sund og góðar strætó samgöngur. Íbúðin hefur verið í leigu hjá sama leigjanda í 9 ár sem er jafnframt meðmælandi með eigninni. Íbúðin er laus til afhendingar við undirritun kaupsamnings og er afar vandlega þrifin, ný uppgerð og ekkert því til fyrirstöðu að flytja strax inn. Skipulag: Anddyri, gangur, baðherbergi, 2 svefnherbergi, stofa, eldhús, þvottahús, geymsla. Nánari lýsing: Komið inn í anddyri með fatahengi og skáp fyrir yfirhafnir. Eldhús með vel með farinni, vel skipulagðri og snyrtilegri innréttingu, skápar ofan og neðan borðplötu, nýlegur ofn og helluborð með viftu fyrir ofan, hólf fyrir ísskáp og uppþvottavél fylgir íbúð. Inn af eldhúsi er þvottahús með góðu hilliplássi, fatagrind og djúpum vask. Opið er frá eldhúsi yfir í stofu með útgengi út á svalir íbúðarinnar sem snúa til suðurs að bakgarði hússins. Baðherbergi með speglaskáp fyrir ofan handlaug og sturtu. Tvö svefnherbergi, stærra herbergið með þreföldum fataskáp. Annað: Íbúðinni fylgir geymsla 5,8 m2 á jarðhæð í sameign hússins. Sameiginleg hjóla - og vagnageymsla. Sameiginlegur garður með leiktækjum fyrir börn og sér merkt einkabílastæði rétt við inngang fylgir íbúðunni. Húsgjöld eru einstaklega lág þótt inni þeim sé hiti og mikið af þjónustu. Hraunbær 109 -109A er þriggja hæða fjölbýlishús með 22 íbúðum, byggt árið 2004.
Fyrirvarar:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill seljandi því skora á væntanlega kaupendur að kynna sér vel ástand fasteignarinnar fyrir kauptilboðsgerð og leita til þar til bærra sérfræðinga um nánari skoðun.
Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002.
Allar myndir
