.png)
1731
1106 Skoðendur
Skráð 2. maí. 2025
Sölkugata 24
147.900.000 kr.
F2353916
120.400.000 kr.
109.730.000 kr.
0 kr.
Arion
banki – Reikna lán
Opið hús: Sölkugata 24, 270 Mosfellsbær. Eignin verður sýnd þriðjudaginn 6. maí 2025 milli kl. 16:30 og kl. 17:00.
Lýsing
Fasteignasala Mosfellsbæja kynnir: Glæsilegt og vandað raðhús á tveimur hæðum með innbyggðum bílskúr við Sölkugötu 24 í Mosfellsbæ. Eignin er skráð 205,2 m2, þar af raðhús 179,6 m2 og bílskúr 25,6 m2. Eignin skiptist í forstofu, stofu, borðstofu, eldhús, 4 svefnherbergi, þrjú baðherbergi, þvottahús, geymslu og bílskúr. Afgirtur bakgarður með timburverönd, steypt bílaplan með snjóbræðslu og timburverönd í suðurátt, auk 30fm þaksvala með heitum potti og útsýni.
Um er að ræða eign á mjög skjólsælum og fallegum stað, neðst í Helgafellshverfi Mosfellsbæ. Ósnortin náttúra í næsta nágrenni við Álafoss og Reykjalundaskóg og útsýni yfir Úlfarsfell og víðar. Helgafellsskóli, sem er bæði leik- og grunnskóli, er í 5 mín göngufjarlægð og þá er glænýr leikskóli að opna í næstu götu haustið 2025. Stutt gönguleið er niður á útivistarsvæðið Stekkjarflöt og í Varmá sem er íþróttasvæði Aftureldingar, engin bílaumferð á leiðinni og því mjög barnvæn staðsetning.
Smelltu hér til að fá söluyfirlit sent strax.
Nánari lýsing
Neðri hæð:
Forstofa er með flísum á gólfi og rúmgóðum fataskápum. Úr forstofu er innangengt í bílskúr. Forstofa er aðskilin aðalrými með fallegri gegnheillri eikar-rennihurð úr brúnbæsaðri eik sem nær upp í loft.
Eldhús er með stórri eyju og góðu skápaplássi. Innréttingin er að hluta sprautulökkuð, mött og hvít, og að hluta sérsmíðuð úr brúnbæsaðri gegnheillri eik. Flísalagt með möttum hvítum flísum á milli innréttingar og efri skápa. Led-ljós innbyggt í efri skápa. Í innréttingu eru tveir bakaraofnar, annar með innbyggðri örbylgju, niðurfelldur vaskur, innbyggð uppþvottavél, vifta og spanhelluborð. Borðplötur eru úr hvítum kvartstein með mynstrinu noble carrera.
Stofa er með gegnheilu eikarparketi frá Ebson. Mikil lofthæð og gólfsíðir gluggar. Í stofu er tvöföld rennihurð sem opnast út í sólríkan og skjólsælan bakgarð. Við stofu er rými undir stiga sem hefur verið smekklega nýtt sem heimaskrifstofa og að hluta lokað af með hvítum hurðum sem nýtist sem geymslurými.
Borðstofa er með gólfsíðu gluggum og fallegu útsýni yfir á Úlfarsfell. Úr borðstofu er gengið út á sólríka timburverönd í suðurátt. Í borðstofu er einnig sérsmíðaður skenkur í stíl við eldhúsinnréttingu úr brúnbæsaðri gegnheillri eik og fylgir með.
Baðherbergi nr. 1 er með flísum á gólfi, skolvaski og vegghengdu salerni.
Þvottahús er með flísum á gólfi og innréttingu. Gert er ráð fyrir þvottavél og þurrkara í vinnuhæð. Innaf þvottahúsi er góð geymsla. Úr geymslu er útgengt út í bakgarð.
Bílskúr er með epoxy á gólfi, skápum og vaski. Er skráður 25,6 m2. Úr bílskúr er gengið inn í forstofu.
Efri hæð:
Svefnherbergi nr. 1 (hjónaherbergi) er rúmgóð hónasvíta með fataherbergi með sérsmíðuðu skápakerfi. Gengið er úr hjónasvítu út á svalir og gólfsíðir gluggar. Inn af því er baðherbergi nr. 2.
Baðherbergi nr. 2 er flísum á gólfi, sturtu, vegghengdu salerni, handklæðaofn, innréttingu með vaski og borðplötu úr kvarstein. Gólfsíður opnanlegur gluggi með fallegu útsýni
Svefnherbergi nr. 2 er með gegnheilu eikarparketi á gólfi og fataskáp. Úr herbergi er gengið út á svalir.
Svefnherbergi nr. 3 er með gegnheilu eikarparketi á gólfi og fataskáp. Úr herbergi er gengið út á svalir.
Svefnherbergi nr. 4 er með gegnheilu eikarparketi á gólfi. Var upphaflega teiknað sem sjónvarpshol en er búið að breyta í herbergi.
Baðherbergi nr. 3 er með flísum á gólfi, sturtu, vegghengdu salerni, handklæðaofni, innréttingu með vaski og borðplötu úr kvarstein. Úr baðherbergi er útgengt út á svalir.
Svalir eru um 33 m2, en þar er að finna glæsilegt útsýni yfir Úlfarsfell og víðar. Á svölunum er heitavatnspottur frá Trefjum og fallegur frágangur í kring um hann. Vandað stýrikerfi er fyrir pottinn bæði niðri í þvottahúsi og uppi á svölum. Svalirnar eru mjög prívat og sólríkar.
Lóðin: Mjög skjólsæl gata, og fylgir húsinu þrjú útisvæði. Lóð aftan við hús er alveg lokuð af, þar kemur sól snemma að morgni og framm eftir degi. Pallur framan við hús, þar er sól fram á kvöld. Steypt bílaplan með snjóbræðslu. Rafmagnshleðslustöð er komin upp í innkeyrslu. Glæsileg eign á frábærum stað í fjölskylduvænu og kyrrlátu umhverfi umvafið óteljandi útivistarsvæðum og stutt í alla þjónustu.
Annað: Seljendur hafa vandað frágang á öllu innanhúss, sett gegnheilt eikarparket frá Ebson og látið sérsmíða innréttingar að hluta, heitaveitupottur á svölum sem útgengt er út á úr fjórum herbergjum efri hæðar, og skjólsæll garður. Allt gluggakerfi hússins, og innbyggðar hurðar, eru úr ál að utan, lakkað timbur að innan. Gólfhiti er á neðri hæð hússins og baðherbergjum á efri hæð. Ofnakerfi er í svefnherbergjum.
Verð kr. 147.900.000,-
Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasala Mosfellsbæjar skorar því á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef með þarf.
Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.
Gjöld sem kaupandi þarf að greiða vegna kaupa:
1. Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.
3. Lántökugjald lánastofnunar - er skv. gjaldskrá viðkomandi lánastofnunar.
4. Umsýslugjald til fasteignasölu skv. kauptilboði.
5. Þegar um nýbyggingu er að ræða greiðir kaupandi skipulagsgjald, 0,3% af endanlegu brunabótamáti, þegar það er lagt á af viðkomandi sveitarfélagi.
Allar myndir
