Hraunhamar kynnir glæsilegt einbýli á einni hæð með innbyggðum bílskúr samtals 214,5 fm. þar af 39,8 fm bílskúr í Áslandi 4 í Hafnarfirði. Húsið er klætt að utan með álklæðningu. 
Húsið skilast fullbúið að utan og tilbúið til innréttingar að innan. Byggingaraðili KB verk.

✔️Hús á einni hæð
✔️ 3 rúmgóð herbergi
✔️ 2 baðherbergi
✔️Gerð ráð fyrir loftræsikerfi

Um er að ræða glæsilegt staðsteypt einbýlishús á einni hæð í nýja Áslandi 4 í Hafnarfirði við opið grænt svæði til suðurs. Frábær staðsetning í suður hlíðum Ásfjalls sem er vinsælt og fjölskylduvænt svæði með fjölbreyttum möguleikum til útivistar (Hvaleyrarvatn og Helgafell í bakgarðinum). Húsið er einstaklega vandað þar sem gert er ráð fyrir free@home hússtjórnunarkerfi, loftræstikerfi, gas arinn, vönduðu álgluggakerfi (Schueco), bluetooth aðgengi á útidyrahurð, rafmagnsgardínum og margt fleira. Raflagna- og ljósahönnun hjá LUMEX. Húsið er einangrað og klætt að utan með viðhaldslausri álklæðningu. Húsið skilast fullbúið að utan og tilbúið til innréttinga að innan (áður byggingarstig 5). Lóð skilast frágengin skv skilalýsingu með hellulögðu bílaplani, svörtum sjónsteypuskjólvegg með timburáferð og timburpalli
1. Frágangur innanhús
1.1 Gólfefni
Eignin skilast án gólfefna.
Gólf er ófrágengið og það á eftir að taka það í rétta hæð undir endanlegt slitlag.
1.2 Veggir
Léttir innveggir eru hefðbundir gifsplötuveggir með osb krossvið í innra lagi og eru uppsettir samkvæmt teikningum. Útveggir og innveggir eru slípaðir, sparslaðir, grunnaðir og málaðir eina umferð. Ekki verður búið að fullmála eignina.
1.3 Loft
Steyptar loftplötur eru slípaðar og sandspartlaðar, grunnaðar og málaðar eina umferð. Loft í alrými tilbúið fyrir hljóðloft.
Í steyptum loftaplötum eru ísteyptar ljósadósir fyrir innfelld ljós. Ljósabúnaður fylgir ekki með.
1.4 Gler
Saint gobain sólstopp gler í álgluggum og hurðum frá Schuko. Í timburál gluggum er hefðbundið einangrunargler með „heitum“ kanti á milli glerja. Öryggisgler er í öllum gólfsíðum gluggum. Ábyrgð á gleri er samkvæmt skilmálum glerframleiðanda.
1.5  Sólbekkir
Sólbekkir fylgja ekki með eigninni.
1.6  Hurðir
Hurðir fylgja ekki með eigninni.
1.7  Fataskápar
Fataskápar fylgja ekki með eigninni.
1.8  Eldhús
Eldhús innrétting, eldhústæki og blöndunartæki fylgja ekki með eigninni.
1.9  Baðherbergi
Baðherbergin skilast með klósettkössum. Innrétting og allur annar búnaður fylgir ekki með eigninni. Ekki verður búið að flota í sturtubotn.
1.10  Þvottahús
Innrétting og allur annar búnaður fylgir ekki með eigninni.
1.11  Geymsla
Á ekki við.
1.12  Timburverandir og skjólveggir
Timburverönd verður skv teikningu klædd lerki (eða sambærilegt). Skjólveggur verður skv teikningu svartur sjónsteypuveggur með timburáferð
1.13  Hitakerfi
Eignin er upphituð með gólfhita í öllum rýmum nema bílskúr, þar er ofnakerfi. Búið verður að ganga frá gólfhita fyrir utan hitaskynjara. Ekki er varmaskiptir á gólfhita og ofnakerfi.
1.14  Loftræsi-, vatns- og þrifalagnir
Gert er ráð fyrir loftræstikerfi í öllu húsinu. Loftræsilagnir komnar í plötu.
Vatns,- og þrifalagnir fylgja frágengnar að töppunarstöðum, skv. teikningu. Forhitari er á heitu neysuvatni.
1.15  Rafmagnslagnir
Heimataug rafmagns er tengd og frágengin. Pípur fyrir raf- og boðlagnir milli taflna og tengidósa eru fullgerðar. Aðal- og greinatöflur skilast fullgerðar m.t.t. vinnuljósa og uppsetts rafbúnaðar. Vinnuljós eru tengd í hverju herbergi. Ljósabúnaður og innlagnaefni (rofar og tenglar) fylgir ekki.
Raflagnir eru teiknaðar af LUMEX með ljósaplani. Gert er ráð fyrir free@home hússtýringarkerfi.
Möguleiki á rafmagnsstýrðum gardínum í flestum herbergjum
Möguleiki á óbeinni LED lýsingu í flestum gluggum
1.16  Útidyrahurðir
Allar útidyrahurðir fylgja frágengnar. Dyrabjalla og dyrasími fylgir ekki. Inngangshurð er sérstaklega vönduð frá Schueco (Álvík ehf) með bluetooth aðgangstýringu.
1.17  Bílskúr
Steyptir útveggir og innveggir eru slípaðir, sparslaðir, grunnaðir og málaðir eina umferð. Bílsskúrsgólf verður ófrágengið. Hurð fyrir bílskúr fylgir frágengin með sjálfvirkum opnunarbúnaði og einni fjarstýringu (vönduð hurð frá Hörmann).
2. Frágangur utanhúss
2.1 Klæðning og einangrun
Allir útveggir eru einangraðir að utanverðu með 100 mm steinull og klæddir með Dark gray panel állæðningu frá Málmtækni.
Botnplata er staðsteypt á þjappaðri fyllingu og einangrað með 100 mm plasteinangrun undir botnplötu.
Útiljós og tenglar verða komin þar sem við á. Innfelld lýsing verður í skyggni við aðkomuleið.
2.2 Þak
Flatt þak staðsteypt með vatnshalla að niðurföllum. Á þakplötunni er einangrun, þakdúkur og sjávarmöl samkvæmt teikningu hönnuðar.
Niðurföll eru tengd regnsvatnslögnum. Þök og þakbrúnir skilast fullgerðar og frágengnar með endalegri yfirborðsáferð, ásamt rennum og niðurföllum.
2.3. Gluggar
Gluggar eru ýmist álklæddir timburgluggar frá BYKO og vandaðir álgluggar og hurðir frá Álvík (Schuko) í dökkgráum lit (RAL- 7021) að utan og innan. Gluggar ásamt opnanlegum fögum eru fullgerðir með glerjum og gluggabúnaði og frágengir að utan með endanlegri yfirborðsáferð. Útihurðir skilast fullgerðar með öllum hurðbúnaði og frágengnar með endanlegri yfirborðsáferð. Opnanleg fög eru með opnunarstillingu til loftunar. Læsingar á hurðum eru hefðbundnar ASSA-læsingar eða sambærilegt.
2.4 Lóð
Bílastæði eru þrjú á lóðinni. Hellulagt verður fyrir framan bygginguna í samræmi við teikningu. Gert er ráð fyrir snjóbræðslu fyrir framan bílskúr og í gönguleið að húsi. Timburverönd verður skv teikningu klædd lerki (eða sambærilegt). Skjólveggur verður skv teikningu svartur sjónsteypuveggur með timburáferð. Lagnir í lóð skilast fullfrágengnar. Jarðvegur í lóð skilast grófjafnaður í um 25 cm undir endanlegu yfirborði þar sem gert er ráð fyrir gróðri. Gróður fylgir ekki eigninni. Kaupendur skulu hafa samráð við aðliggjandi lóðarhafa um frágang lóðar á lóðarmörkum
2.5  Sorp og sorpgeymslur
Eignin skilast með þreföldu sorptunnuskýli frá BM Vallá eða Steypustöðinni
2.6  Svalir
Á ekki við
3. Hönnuðir
Hönnun: Rýma arkitektar, Gunnar Páll arkitekt..
Verkfræðihönnun: Eyjólfur Valgarðsson.
Raflagnahönnun: Helgi Kristinn LUMEX
4. Byggingaraðili
KB Verk ehf
Athygli skal vakin á því að KB Verk ehf. áskilur sér allan rétt til að gera útlits, efnis- og tæknilegar breytingar meðan á byggingarframkvæmdum stendur.
Ef kaupandi kemur til með að fá aðra aðila/meistara til að klára ákveðin verk samanber pípu- og raflagnir þá þarf að fara fram meistaraskipti á þeim verkþáttum.
 
5. Afhendingartími
Eignin verður afhent þann 15.sept 2025 eða fyrr.
Allar breytingar á eigninni og einstökum hlutum hennar að ósk kaupanda getur haft áhrif á afhendingartíma til seinkunnar. Einnig er allur auka kostnaður vegna slíkra breytinga á ábyrgð kaupenda.
6. Mikilvæg atriði til áréttingar
Seljandi áskilur sér rétt til að láta breyta teikningum á byggingartímanum á samráði við arkitekta og hönnuði að fengnu leyfi byggingaryfirvalda sé þess þörf vegna tæknilegra útfærslna.
Kaupendur skulu hafa það í huga að ekki er leyfilegt að skerða burðarþol byggingarinnar.
Í nýjum eignum er mikill raki í steypuvirkinu. Þessi raki mun hverfa á einu til tveimur árum en það er þó algjörlega háð útloftun í eigninni. Nauðsynlegt er að fylgjast með vatnsmyndun (döggun) innan á gleri. Ef mikil bleyta safnast saman neðst á glerinu getur vatnið valdið skemmdum á glugganum, gólfefni, málningu og spörslun. Því er mikilvægt að hafa gluggafögin lítilega opin til að tryggja útloftun, sérstaklega þegar kalt er í veðri.
Eigendur gætu þurft að hreinsa sigti á blöndunartækjum nokkrum sinnum eftir að flutt er inn í eignina og fylgjast með niðurföllum í þvottahúsi, baðherbergjum og á svölum.
Nauðsynlegt er að smyrja lamir á opnanlegum fögum og svalahurðum svo þau festist ekki.
Við afhendingu skal kaupandi skoða eignina ítarlega. Ef einhverjir ágallar finnast skal kaupandi, áður en hann hefur framkvæmdir í eigninni, afhenda fulltrúa KB Verks ehf undirritað eyðublað þar sem þessir ágallar eru taldir upp.
Varast ber að setja plastfilmu eða merkingu á gler eða setja gardínur þétt að gleri vegna rakamyndunar og sprunguhættu.
Aðalhurðir og bílskúrshurðir verður að fylgjast vel með og umgangast þannig að engar þvinganir verði við umfang þeirra. Reglulegt viðhald hurðanna er nauðsynlegt.
Eigendur gera sér grein fyrir því að í geymslu/þvottahúsi/bílskúr geta verið lagnir í loftum og á veggjum sem eru nauðsynlegar vegna lagnaleiða hússins.

Nánari lýsing :
Gengið inn í rúmgóða forstofu þaðan innangengt í bílskúr.
Eldhús, stofa og borðstofa í björtu alrými.
Sjónvarpsstofa/fjölskyldurými með útgangi út á á verönd.
2 góð svefnherbergi.
Þvottaherbergi með útgangi út í garð.
Hjónasvíta með baðherbergi.
Baðherbergi gert ráð fyrir sturtuklefa og baðkari.

Húsið er einstaklega vandað þar sem gert er ráð fyrir free@home hússtjórnunarkerfi, loftræstikerfi, gas arinn, vönduðu álgluggakerfi (Schueco), bluetooth aðgengi á útidyrahurð, rafmagnsgardínum og margt fleira. Raflagna- og ljósahönnun hjá LUMEX. Húsið er einangrað og klætt að utan með  álklæðningu.
Gert er ráð fyrir loftræsikerfi í öllu húsinu.

Nánari uppl. gefur Helgi Jón Harðarson sölustj. s. 893-2233 helgi@hraunhamar.is og 
Valgerður Ása Gissurardóttir löggiltur fasteignasali s. 791-7500 - vala@hraunhamar.is

Skoðunarskylda:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Hraunhamar fasteignasala vill benda væntanlegum kaupendum á að kynna sér vel ástand fasteigna fyrir kauptilboðsgerð og ef þurfa þykir að leita til sérfræðinga fyrir nánari ástandsskoðun.
Gjöld sem kaupandi þarf að standa straum af vegna kaupanna:
1.    Stimpilgjald af kaupsamningi, fyrstu kaup (0,4%), almenn kaup (0,8%), lögaðilar (1,6%) af heildarfasteignamati.
2.    Þinglýsingargjald af kaupsamningi, veðskuldabréfi, mögulegu veðleyfi o.fl. – kr. 2.700 kr. af hverju skjali.
3.    Lántökugjald lánastofnunar er skv. verðskrá viðkomandi lánastofnunar.
4.    Umsýslugjald til fasteignasölu skv. þjónustusamningi
 
Hraunhamar er elsta fasteignasala Hafnarfjarðar, stofnuð 1983.
Hraunhamar, í fararbroddi í rúm 40 ár. – Hraunhamar.is
Smelltu hér til að fá frítt söluverðmat.
Smelltu hér til að fá söluyfirlit sent strax.